Li pomakes (bulgaric Помаци /Pomatsi/, grec Πομάκοι /Pomakoi/, turk Pomaklar) o musulman-bulgares (bulgaric българи мюсюлмани /balgari miusiulmani/), anc localmen connosset quam Akhriani (bulgaric Ахряни) es un slavic population islamisat del region del Rhodopes e alquel villages circum Teteven in li region central del Montes Balcan. Lor orígines es obscur, ma on generalmen crede, que ili es bulgares, quel ha convertet se a islam durant li periode del ottoman predominantie in li Penínsul Balkanic. Li término posse anc esser usat per ocasion por referer pri li torbeshes - slavic musulmanes in Nord-Macedonia. Li total population del pomakes es circum 800 000 e ili reside precipue in Bulgaria (150 000 - 200 000), ma presenties relevant existe anc in Grecia (30 000 - 35 000), Turkia (600 000) e Nord-Macedonia. Ili parla dialectes diversi del lingue bulgaric, o li turk lingue.
Li orígine del término "pomak" ne es cert. Secun li bulgaric scientistes, li término vell posser esset derivat o del parol bulgaric помагач /pomagach/, significant "auxilitor" (li interpretation maxim acceptat) - to refere pri lor rol quam truppes auxiliari in li armé ottoman; o de помохамеданчени /pomokhamedancheni/ - to significa "islamisat". Akhriani, un nómine quel li pomakes ha unquande usat por les self, vell posser originar del parol Agariani in li lingue ancian slavic ecclesiastic, significant "ateistes", ma it vell anc posser esset derivat del Ahi, fratres islamic parareligiosi, quel ha esset tre difuset in li Rhodopes in li period ottoman, quam li scientist bulgaric Anastas Ishirkov supposi. Altri versiones ancor deriva it de по мъка /po maka/, significant "per martirie" e referent pri un violent conversion presumptiv a islam; o de потурняк /poturniak/, litteralmen "alquí fat un turk". Null ex ti ci du etimologies es versimil.
Alcun grec scientistes asserte, que pomak origina in li grec parol πομαξ /pomax/, significant "trincard"; ti ci opinion basa se sur li hábitu de thraces ancian mult trincar. On anc crede, que Akhriani vell esser derivat del nómine de un presumptivmen thrac tribe de agrianes.
On save poc certmen pri li conversion del pomakes a islam. It sembla, que it ha esset gradual e que it ha occurret in periodes different. Li prim contactes de islam con li balkan nationes es raportat in li 7im e 8im secules, benque on ne save certmen, ca alcun pomakes ha convertet se a islam tande. Li prim conversiones numerari ha occurret in li duesim demí del 14im secul, quande li ottomanes ha conquestat Bulgaria. It es raportat, que mult possessores de suol ha convertet se por continuar in li possession de su suol. Altri conversiones ha occurret sub li sultane Selim II (1512-20), ma li 17im secul ha esset maxim important, quande presc li tot population del Rhodopes ha convertet se al crede islamic. Li númere de pomakes ha ancor augmentat durant li 18im sécul; li ultim periode de conversiones in li Peninsul Balkanic ha occurret in li comense del 19im secul.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
