Un planlingue, anc conosset quam lingue constructet, lingue ínventat o con li nómine en angles conlang[2], es un lingue del qual li fonologie, gramatica e vocabularium, in vice de har esset developpat naturalmen, es dessinat conscientmen. Li planlingues es lingues que have esset dessinat con un proposit. Ili es li resultat de un intervention controlat deliberat, to es, un form de planification linguistic[3].
![Thumb](http://upload.wikimedia.org/wikipedia/commons/thumb/f/f9/Conlangflag.svg/640px-Conlangflag.svg.png)
It hay multe causes possibil per crear un planlingue, quam facilitar li communication human (vider lingue auxiliari international); per dar al fiction o un scene constructet associat un strate additional de realisme; per experimentar en li campes del linguistica, scientie cognitive, e aprension machinal; per creation artistic; e per jocs linguistic. Quelc persones crea lingues solmen car ili ama far it.
Li expression planlingue es quelcvez usat per indicar li lingues auxiliari international e altri lingue dessinat per esser usat in li communication human. Quelcs prefere it al adjective artificial, car ti terme mey esser perceptet quam pejorative. Éxter li cultur esperantist, li terme planification linguistic significa li prescriptiones dat a un lingue natural per standardisar it; en ti regard, mem un "lingue natural" mey esser artificial en quelc aspectes, quel significa que quelc paroles ha esset dessinat per decision conscient. Li grammaticas prescritiv, que data de témpores antic per li lingues classic quam li latin e li sanscrit, es codificationes basat en regulas de lingues natural, tel codificationes es un punctu medie inter li selection natural e li developation de un lingue e su construction explicit. Li terme glossopeia es anc usat per li construction de lingues, specialmen per li construction de lingues artistic[4].
Vide anc
Referenties
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.