Ilham Aliyev

Ilham Aliyev (in azerbaidjanesi scrit: İlham Heydər oğlu Əliyev) es un politico de Azerbaidjan. Il nascet li 24-im de decembre 1961 in Baku e desde li annu 2003 Ilham Aliyev es li presidente de Azerbaidjan quam successor de su patre Heydar Aliyev. Il es li presidente del Nov Azerbaidjan Partise.

Ilham Aliyev in li annu 2023

Personal e professional vive

Ilham Aliyev studiat inter 1977 e 1982 international relationes in Moskva (hodie: Russia) e ta inter 1982 e 1985 historie. Inter 1985 e 1990 il instructet in li institute por international relationes. Pos to Ilham Aliyev esset activ in li economie in Moskva e Istanbul.

In li annu 1994 Ilham Aliyev esset vice-presidente del statal petroleo interprense SOCAR. Desde li annu 1997 Ilham Aliyev es li presidente del National Olimpic Comité de Azerbaidjan.

Ilham Aliyev es maritat con Mehriban Aliyeva. Li cuple have du filias Leyla e Arzu e un filio Heydar.

Political cariera

• 1995 Ilham Aliyev devenit membre del parlament de Azerbaidjan.
• 1999 Il devenit vice-presidente del Nov Azerbaidjan Partise.
• 2001 Ilham Aliyev devenit unesim vice-presidente del Nov Azerbaidjan Partise.
• 2003 Inter li 4-im de august e 15-im de octobre il esset prim-ministre de Azerbaidjan e li 15-im de octobre 2003 il devenit presidente de Azerbaidjan quam successor de su patre Heydar Aliyev e anc presidente del Nov Azerbaidjan Partise.
• 2008 Ilham Aliyev es reelectet quam presidente de Azerbaidjan con 87,3 percentes del votes.
• 2013 Pos un changeament del constitution Aliyev candidat denov quam presidente de Azerbaidjan con 84,6 percentes.