Ֆրիդրիխսհաֆեն (գերմ.՝ Friedrichshafen, ալեմանյան բարբառ՝ Hafe, Fridrichshafe), կոմունա Գերմանիայի Բադեն-Վյուրթեմբերգ երկրամասում՝ Բոդենի լճի հյուսիսային ափում։ Կոնստանցից հետո այն Բոդենի լճի ափի երկրորդ մեծ քաղաքն է։ Ռավենսբուրգի և Վայնգարթնի հետ միասին կազմում է Բադեն-Վյուրթեմբերգի 14 գլխավոր կենտրոններից մեկը։
Արագ փաստեր Համայնք, Երկիր ...
Փակել
Քաղաքի արդյունաբերության զարգացման մեջ մեծ նշանակություն է ունեցել ամենից առաջ Ֆերդինանդ ֆոն Ցեփելինը։ Ցեփելինը առաջինը ստեղծեց կոշտ երեսապատումով դիրիժաբլ և անվանեց իր անունով։Կոնստանցում ծնված կոմսը 19-րդ դարի վերջերին իր հանրահայտ դիրիժաբլի՝ «Ցեփելինի» արտադրությունը տեղափոխեց այստեղ։
«Ցեփելին» կազմակերպության դիրիժաբլները հայտնի էին ամբողջ Գերմանիայում և ամբողջ աշխարհում։
Դիրիժաբլների արտադրության շնորհիվ այստեղ տնտեսական վերելք նկատվեց։ 1912 թ. Ցեփելին կոնցեռնը գրեթե 200 աշխատող ուներ։