Սուրբ Իլյա մարգարեի եկեղեցի (Դոլնի Դիբնիկ)
From Wikipedia, the free encyclopedia
Սուրբ Իլյա մարգարեի եկեղեցի (բուլղար․՝ Църквата Свети Пророк Илия), ուղղափառ եկեղեցի Դոլնի-Դիբնիկում (Բուլղարիա)։ Կառուցվել է 1841 թվականին։
| Սուրբ Իլյա մարգարեի եկեղեցի | |
|---|---|
 | |
| Հիմնական տվյալներ | |
| Տեսակ | եկեղեցի |
| Երկիր |  Բուլղարիա |
| Տեղագրություն | Dolni Dabnik? |
| Անվանված | Եղիա մարգարե |
 | |
 | |
Գտնվում է քաղաքի կենտրոնում՝ կենտրոնական զբոսայգում, որը նվիրված է Իլյա Բեշկովի հիշատակին։ Հասցեն՝ Խրիստո Յանչևի փողոց, շենք 15։ Դեպի եկեղեցի տանող ծառուղում անանուն նվիրատվությունների հաշվին տեղադրվել է սպիտակաքար շատրվան։ Հարյուր մետր դեպի հյուսիս-արևելք գտնվում է Իլյա Բեշկովի կիսանդրին։
Սուրբ Իլյա մարգարեի եկեղեցին մտնում է Բուլղարիայի ուղղափառ եկեղեցու Պլևենի թեմի Պլևենի հոգևոր հովվության (բարեպաշտություն) կազմում։ Համայնքին են պատկանում նաև մոտակա գյուղերի ևս երեք եկեղեցիներ[1], այդ թվում՝ չգործող վանք Սադովեցում[2], մատուռ Գեներալ Լավրովի այգում։
Տաճարային տոնն Իլյայի օրն է, երբ անցկացվում է քաղաքային մեծ տոնավաճառ[3]։ 2011 թվականին եկեղեցին տոնել է իր 170-ամյակը և մշակույթի նախարարությունից ստացել ֆինանսավորում վերականգնողական և պահպանման աշխատանքների համար[4]։
Եկեղեցին ունի առանձին զանգակատուն, որը վեր է խոյանում քաղաքային ցածրահարկ կառուցապատումներից ֆոնին և ծառայում է որպես քաղաքի ճարտարապետական դոմինանտ։ Ներսից գրեթե ամբողջությամբ զարդարված է որմնանկարներով։ Ներառված է քաղաքային զբոսաշրջության զարգացման ծրագրում՝ որպես Դոլնի-Դիբնիկ քաղաքի խորհրդանիշներից մեկը։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
