Կիմ Ջե Ջունգ (հանգըլ՝ 김재중, ճապ.՝ ジェジュン, առավել հայտնի որպես Ջեջունգ, հունվարի 26, 1986, Գոնգջու, Հարավային Չունգչոնգ, Հարավային Կորեա), հարավկորեացի երգիչ, կոմպոզիտոր, դերասան և մոդել։ Հարավկորեական JYJ բոյ բենդի ամենահայտնի մասնակիցը, ինչպես նաև նախկին DBSK բոյ բենդի երեք մասնակիցներից մեկը։
Կիմ Ջե Ջունգ | |
---|---|
![]() | |
Բնօրինակ անուն | 김재중 (ko) |
Ի ծնե անուն | կորեերեն՝ 한재준 և անգլ.՝ Han Jae-joon |
Նաև հայտնի է որպես | «Jaejoong», «Jejung»՝ Ճապոնիայում |
Ծնվել է | հունվարի 26, 1986 (38 տարեկան) Գոնգջու, Հարավային Չունգչոնգ, Հարավային Կորեա |
Երկիր | ![]() |
Ժանրեր | քեյ փոփ |
Մասնագիտություն | հեռուստատեսային դերասան, երգիչ, կինոդերասան, հեղինակ-կատարող, դերասան, մոդել և կոմպոզիտոր |
Երգչաձայն | տենոր |
Գործիքներ | վոկալ |
Լեյբլ | |
Կրթություն | Կյոնգ Հվի համալսարան և Կյոնգ Հի համալսարան |
Անդամակցություն | DBSK, JYJ և DBSK |
Կապված | Dong Bang Shin Ki / Tohoshinki (մինչ 2009 թվականը) SM Town (մինչ 2009 թվականը) JYJ (2010 թվականից) |
Կայք | tvxq.com |
Ստորագրություն | |
![]() |
![]() |
Այս էջում կա կորեերեն տեքստ։ Առանց արևելաասիական լեզուների գրերի օժանդակ ծրագրի՝ դուք կարող եք կորեերեն պայմանանշանների փոխարեն տեսնել հարցականներ կամ այլ նշաններ։ |
Ջե Ջունգը հայտնի է նաև իր բենաման Հիրո Ջեջունգ (չինարեն՝ 英雄在中) անվամբ։
Կենսագրություն
Ջե Ջունն ունի մեծ ընտանիք՝ հոգեհայր, մայր և 8 քույր[1]։ 2006 թվականի նոյեմբերին պարզ դարձավ, որ Ջե Ջունգը որդեգրված տղա է․ նրա կենսաբանական մայրը հայտնվել է միայն տղայի հայտնի դառնալուց հետո։
Հետագայում հայտնվում է Հան ազգանունով տղամարդ և պահանջում Հիրոյի նկատմամբ իր իրավունքները՝ հայտարարելով, որ հանդիսանում է նրա կենսաբանական հայրը։ Տղամարդը դատական գործընթաց է սկսում Ջե Ջունգի խնամատար ծնողների նկատմամբ։ 80-ականների վերջերին տղամարդը բաժանվել է Հիրոյի կենսաբանական մորից՝ տիկին Հանից, և հրաժարվել է ծնողական իրավունքներից։
Խմբի երկրպագուները սկսում են նրան մեղադրել նրանում, որ նա միայն ցանկանում է գումար ստանալ, քանզի այս ողջ ընթացքում նա տղայի հետ չի կապվել։ Այս ամենից հետո տղայի կենսաբանական հայրը հրաժարվում է իր բոլոր պահանջներից․ դատական գործը չեղյալ է հայտարարվում, որովհետև Ջե Ջունգը նրան ճանաչում է որպես հայր։
Հարցազրույցներից մեկում Հիրոն ասել է, որ ցանկանում է, որպեսզի իր երկու մայրերն էլ ապրեն երջանիկ և հոգ տանեն նրա մասին։
Երաժշտական գործունեություն
Դեռահաս տարիքում մեկնել է ինքնուրույն աշխատելու, երկար ժամանակ ապրել է նվազագույն միջոցներով, հետո մասնակցել է SM Entertainment-ի լսումներին։
Չինական Սինկուն Վեյշի (փինյին՝ Xingkong Weishi) հեռուստաալիքի կողմից կատարած հարցման արդյունքում ճանաչվել է «Ասիայի ամենագեղեցիկ տղամարդը»։ Նրա օգտին է քվեարկել ավելի քան 40 մլն մարդ։
2008 թվականին Հիրոն նկարահանվել է կորեաճապոնական «Heaven’s Postal Delivery Man» դորամայում։ Կնոջ դերը մարմնավորել է Հան Հյո Ջուն։ Հիրոյի կերպարը խորհրդավոր երկնային փոստատար էր, որը կենդանի մարդկանց բերում է հաղորդագրություններ մահացածներից։
Հան Հյոջուն խաղում է աղջկա դեր, ով կորցրել է իր սիրելիին, բայց չի մոռացել նրան։ Դրաման «telecinema» ձևաչափի է (հեռուստատեսային սերիաներ և ֆիլմ) և բաղկացած է 7 տարբեր գլուխներից։
Պաշտոնական թողարկումը նշանակված էր 2009 թվականի սեպտեմբեր ամսին, սակայն այդ շրջանում DBSK խմբի շուրջ ծագած խնդիրների և SM Entertainment դեմ Ջե Ջունգի, Յուն Ջոնգի և Ջունգ Սուի կողմից դատական հայցի պատճառով հեռուստասերիալի և ֆիլմի շնորհանդեսը տեղի է ունեցել միայն նոյեմբերին։
2010 թվականից Ջե Ջունգը JYJ բոյ բենդի կազմում է։
2010 թվականին էկրան բարձրացավ Hard To Say I Love You (ճապ.՝ 素直になれなくて սոըբաո նի նարենակուտե) դորաման, որտեղ նա խաղացել է կրտսեր քրոջ հետ Կորեայից Ճապոնիա ժամանած «բժշկի» դերը, ով աշխատում է բժշկական սարքավորումների տարածման փոքրիկ գրասենյակում[2]։
2011 թվականին նկարահանվել է «Պաշտպանելով տնօրենին» դորամայում, որտեղ մարմնավորել է Ջա Մու Վոնի դերը։
2012 թվականին նկարահանվել է «Դոկտոր Ջինի արկածները ժամանակի մեջ» դորամայում, որտեղ խաղացել է սպա Կիմ Հյոն Տակի դերը։ Նույն թվականին մասնակցել է «Ծածկագրային անվանում․ Շնագայլ» ֆիլմի նկարահանման աշխատանքներին՝ դերասանուհի Սոն Ջի Հյոյի հետ։
2014 թվականին նկարահանվել է «Եռանկյուն» և «Լրտեսը» դորամաներում։
Իր վերջին համերգն անցկացրել է Հվաջունգ գիմնազիայում, 2015 թվականի մարտի 28-ին և 29-ին։
2015 թվականի մարտի 31-ին գնացել է բանակ, որտեղ կանցկացնի հետագա 2 տարիները։
Աշխատանքներ
Սոլո սկավառակագրություն
• [2008.03.12] Keyword / Maze
- "Just For One Day"
- «Insa», սաունդթրեկ Millionaire's First Love ֆիլմի համար
- «Maze»
- «Footsteps»
• [2013.17.01] «MINE» — առաջին մինի սոլո ալբոմ (հետագայում թողարկվել է «I» անվամբ)
• [2013.29.10] «WWW (WHO WHEN WHY)» — երկրորդ սոլո ալբոմ
Երգահան/կոմպոզիտոր
- Kiss Shita Mama Sayonara (կոմպիզուտոր, երգը գրվել է Փակ Յու Չոնի հետ)
- Don’t Cry My Lover (կորեական MIROTIC ալբոմ, տարբերակ C)
- Wasurenaide (ճապոնական The Secret Code ալբոմ)
- 9095 (ճապոնական The Secret Code ալբոմ)
Ծանոթագրություններ
Արտաքին հղումներ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.