Կինետիկ էներգիա

Կինետիկ էներգիա, մեխանիկական էներգիայի տեսակ։ Նյութական կետի կինետիկ էներգիան որոշվում է ${\displaystyle E_{\text{k}}={\tfrac {1}{2}}mv^{2}}$ բանաձևով (${\displaystyle m}$-ը կետի զանգվածն է, ${\displaystyle v}$-ն՝ արագությունը)։ Նյութական կետերի համակարգի կինետիկ էներգիան հավասար է բոլոր կետերի կինետիկ էներգիաների թվաբանական գումարին։ Անշարժ առանցքի շուրջը պտտվող պինդ մարմնի կինետիկ էներգիան հավասար է ${\displaystyle E_{\text{r}}={\begin{matrix}{\frac {1}{2}}\end{matrix}}I\omega ^{2}}$ (${\displaystyle I}$-ն մարմնի իներցիայի մոմենտն է պտտման առանցքի նկատմամբ, ${\displaystyle \omega }$-ն՝ անկյունային արագությունը)։ Լույսի արագության (${\displaystyle c}$) հետ համեմատելի արագությունների դեպքում ${\displaystyle E_{\text{k}}=m\gamma c^{2}-mc^{2}={\frac {mc^{2}}{\sqrt {1-v^{2}/c^{2}}}}-mc^{2}}$։

Կինետիկ էներգիայի փոխանցումը

Մարմնի կինետիկ էներգիան կարելի է արտահայտել նաև իմպուլսի միջոցով ${\displaystyle p=mv}$ բանաձևից բխող ${\displaystyle v=p/m}$ արտահայտությունը տեղադրելով կինետիկ էներգիայի բանաձևի մեջ` կստանանք ${\displaystyle E_{k}=p^{2}/2m:}$

Այս բանաձևից հետևում է, որ ավելի մեծ կինետիկ էներգիայով օժտված են այն մարմինները, որոնց զանգվածն առավել փոքր է։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 432)։