From Wikipedia, the free encyclopedia
«Իռլանդացի» (անգլ.՝ The Irishman), ամերիկացի ռեժիսոր Մարտին Սկորսեզեի դրամատիկական ֆիլմ՝ Սթիվեն Զաիլյանի սցենարով, որը հիմնված է Չարլզ Բրանդտի «Ես լսել եմ, դու ներկում ես տներ» վեպի վրա։ Գլխավոր դերերը կատարել են Ռոբերտ Դե Նիրոն, Ալ Պաչինոն և Ջո Պեշին, երկրորդական դերերում նկարահանվել են Ռեյ Ռոմանոն, Բոբի Կանավալեն, Աննա Փեքուինը, Սթիվեն Գրեմը, Ստեֆանի Կուրտցուբան, Ջեսի Պլեմոնսը և Հարվի Քեյթելը։ Ֆիլմը պատմում է Ֆրենկ «իռլանդացի» Շիրանի (դե Նիրոյի)՝ հեռահար վարորդի պատմությունը, որը դառնում է մարդասպան և կապվում գանգստեր Ռասել Բուֆալինոյի (Պեշիի) և նրա քրեական ընտանիքի հետ, ինչպես նաև աշխատում է արհմիութենական ազդեցիկ առաջնորդ Ջիմի Հոֆուի (Պաչինոյի) հետ։
Իռլանդացին անգլ.՝ The Irishman | |
---|---|
![]() | |
Երկիր | ![]() |
Ժանր | դրամա, կենսագրական ֆիլմ, քրեական ֆիլմ և գրքերի էկրանավորում |
Հիմք | Լսել եմ՝ տներ ես ներկում |
Թվական | սեպտեմբերի 27, 2019 |
Լեզու | անգլերեն |
Ռեժիսոր | Մարտին Սկորսեզե[1] |
Պրոդյուսեր | Ռենդոլ Էմեթ, Gerald Chamales?[2], Ռոբերտ Դե Նիրո[2], Gabriele Israilovici?[2], Գաստոն Պավլովիչ[2], Ջեյն Ռոզենթալ[2], Մարտին Սկորսեզե[2], Էմմա Թիլինջեր Քոսքոֆ[2] և Իրվին Ուինքլեր[2] |
Սցենարի հեղինակ | Սթիվեն Զաիլյան |
Դերակատարներ | Ռոբերտ Դե Նիրո, Ալ Պաչինո, Բոբի Կանավալե, Հարվի Քեյթել, Ջո Պեշի[3], Ռեյ Ռոմանո[3], Սթիվեն Գրեհեմ[3], Աննա Պեքուին[3], Ջերեմի Լյուկ[3], Ջեսի Փլեմոնս[3], Քեթրին Նարդուչչի[3], Դոմենիկ Լոմբարդոցցի[3], Ջեք Հյուսթոն[3], Էքշըն Բրոնսոն, Բո Դիթլ, Պատրիկ Գալլո, Գերի Բասարաբա և Փոլ Հելման |
Օպերատոր | Ռոդրիգո Պրիետո |
Երաժշտություն | Ռոբի Ռոբերթսոն |
Մոնտաժ | Թելմա Շունմեյքեր |
Պատմվածքի վայր | Նյու Յորք |
Տևողություն | 209 րոպե |
Շահույթ | 885 600 $ |
Պաշտոնական կայքէջ |
«Իռլանդացու» պրեմիերան տեղի է ունեցել 2019 թվականի սեպտեմբերի 27-ին՝ Նյու Յորքի 57-րդ կինոփառատոնում[4]։ ԱՄՆ-ում ֆիլմը թողարկվել է 2019 թվականի նոյեմբերի 1-ին, իսկ նոյեմբերի 27-ից հասանելի է դարձել Netflix-ում[5]։
Մարտին Սկորսեզեն երկար ժամանակ մտադիր էր նկարահանել «Իռլանդացուն» և գլխավոր դերերին հրավիրել Ռոբերտ Դե Նիրոյին, Ջո Պեշիին և Ալ Պաչինոյին։ 2014 թվականի սեպտեմբերին Պաչինոն[6] հաստատեց իր մասնակցությունը նախագծին, որը պետք է դառնար ռեժիսորի հաջորդ աշխատանքը «Լռություն» ֆիլմից հետո։ Բոբի Կանավալեն նույնպես ընդգրկվել է պատրաստվող նախագծի դերասանական կազմում[7]։ Հաջորդ տարվա հոկտեմբերին Դե Նիրոն հայտարարել է, որ ֆիլմի վրա աշխատանքը դեռ ընթացքի մեջ է, և նկարահանումները կարող են սկսվել 2016 թվականին։ Այդ ժամանակ Սկորսեզեն հաստատեց, որ Սթիվեն Զաիլյանն արդեն աշխատում է սցենարի վրա[8][9]։ «Ես լսել եմ, դու ներկում ես տներ» վեպը բացահայտել է Հոֆայի գործի հետ կապված նոր մանրամասները, որոնց մասին հայտնի չէր (1992) թվականի «Հոֆֆա» ֆիլմի նկարահանումների ընթացքում։
2016 թվականի մայիսին հայտարարվել էր, որ ֆիլմի իրավունքները կառաջարկվեն Կաննի 69-րդ կինոփառատոնում։ Մեքսիկացի պրոդյուսերական Դե Սինե ընկերությունը Paramount Pictures-ին առաջարկել է 100 մլն դոլար գումար՝ ֆիլմի վրա աշխատելու համար՝ ներքին իրավունքները պահպանելու դիմաց[10]։ 2017 թվականին Netflix սթրիմինգային ծառայությունը ձեռք է բերել նախագիծը[11]։ Այն բանից հետո, երբ դրանից հրաժարվել են STX-ը և Paramount-ը։ Ենթադրվում էր, որ խոշոր ստուդիաների մերժումը հիմնավորվել էր բարձր բյուջեով (200 մլն դոլար)։ CGI-ի կիրառման պատճառով ֆլեշբեկների բազմաթիվ տեսարաններում գլխավոր հերոսների երիտասարդացման համար։
«The Guardian» թերթի մեկնաբան Փիթեր Բրեդշոուն ֆիլմը գնահատել է 5 աստղով։ Նա Սկորսեզեի գործը անվանել է լավագույնը «Փառավոր տղաների» ժամանակներից և նրա լավագույն ֆիլմերից մեկը՝ հատկապես գովելով Ջո Պեշիի խաղը[12]։
«Կոմերսանտ» թերթի մեկնաբան Անդրեյ Պլախովը դրական է գնահատել ֆիլմը՝ նշելով գրագետ կինեմատոգրաֆիզմը և Դե Նիրոյի ու Ալ Պաչինոյի դերասանական խաղը[13]։
Պարգև | Արարողության ամսաթիվը | Կատեգորիա | Թեկնածուներ | Արդյունք |
---|---|---|---|---|
Ոսկե Գլոբուս | 2020 թվականի հունվարի 5 | Լավագույն ֆիլմ - դրամա | Սպասվում է | |
Լավագույն ռեժեսուրա | Մարտին Սկորսեզե | Սպասվում է | ||
Երկրորդ պլանի լավագույն դերասան | Ջո Պեշի | Սպասվում է | ||
Ալ Պաչինո | Սպասվում է | |||
Լավագույն սցենար | Սթիվեն Զաիլյան | Սպասվում է | ||
ԱՄՆ կինոդերասանների գիլդիայի մրցանակ | 2020 թվականի հունվարի 19 | Երկրորդ պլանի լավագույն տղամարդ դերասան | Ջո Պեշի | Սպասվում է |
Ալ Պաչինո | Սպասվում է | |||
Լավագույն դերասանական կազմը խաղային ֆիլմում | Սպասվում է | |||
Լավագույն կասկադյորական համույթը խաղային կինոյում | Սպասվում է |