Էյուփ

Էյուփ (թուրքերեն՝ Eyüp), շրջան Ստամբուլի մարզի եվրոպական հատվածում՝ Սև ծովի ափին։

Էյուփ թուրքերեն՝ Eyüp
Երկիր	Թուրքիա
Կարգավիճակ	շրջան
Մտնում է	Ստամբուլի նահանգ
Խոշորագույն քաղաք	Ստամբուլ
Հիմնական լեզու	թուրքերեն
Բնակչություն (2008)	323 038
Ազգային կազմ	թուրքեր, հայեր, հույներ
Տարածք	224
Ժամային գոտի	UTC+2
Հեռախոսային կոդ	212
Փոստային ինդեքսներ	34000–34099
Ավտոմոբիլային կոդ	34
eyup.gov.tr
Էյուփ Վիքիպահեստում

Պատմություն

Այս վայրերում Բյուզանդական կայսրության տարածքում եղել է գյուղական բնակավայր։ Բյուզանդական ժամանակաշրջանում գյուղը կոչվել է Սուրբ Կոսմայի և Դամիանի վանք, քանի որ մոտակայքում գտնվել է եկեղեցի (հավանաբար վանք), որը նվիրված է եղել Սուրբ Կոսմային և Դամիանին։ Վանքը հետագայում ամրացվել է և Խաչակրաց առաջին արշավանքի ժամանակ այնտեղ տեղակայված է եղել Գոդֆրուա Բուլյոնցու զորաբանակը։

Թուրքերի կողմից Կոստանդնուպոլսի գրավման ժամանակ, Մեհմեդ II Ֆաթիհի հոգևոր խորհրդականը հայտարարել է, որ, իբր թե, այստեղ հայտնաբերել է Մուհամմադ մարգարեի զինակիցներից մեկւ Աբու Այուբ ալ Անսարիի գերեզմանը, ով մահացել էր այս վայրում արաբների կողմից Կոստանդնուպոլսի անհաջող գրավման ժամանակ։ Կոստանդնուպոլսի անկումից հետո, Մեհմեդ II-ը այստեղ կառուցել է Աբու Այուբ մզկիթը ։ Մզկիթը եղել է Ստամբուլում կառուցված առաջին մզկիթը։ Մզկիթի շրջակայքում կառուցվել են բաղնիք, մեդրեսե և հասարակական ճաշարան։ Այդ ժամանակվանից սկսած Էյուփը դարձել է սուրբ վայր։

17-18-րդ դարերում ներգաղթյալների մեծ հոսքի հետ պատճառով, Ստամբուլի բնակչությունը կտրուկ աճել է, որի արդյունքում Էյուփը մտել է Ստամբուլի մեջ։ Այստեղ կառուցվել են գործարաններ, և շրջանը դարձել է «բանվորական»։ 19-րդ դարի վերջին Էյուփ է այցելել ֆրանսիացի գրող Պիեր Լոտին, որի անունով շրջանում գործում է սրճարան։

Արտաքին հղումներ

• Շրջանի ղեկավարի պաշտոնական կայք էջ Արխիվացված 2017-04-23 Wayback Machine
• Մունիցիպալիտետի պաշտոնական կայք էջ

Վիքիպահեստն ունի նյութեր, որոնք վերաբերում են «Էյուփ» հոդվածին։