Արևելաչինական ծով

Արևելաչինական ծով, Դունհայ, Խաղաղ օվկիանոսի կիսափակ ծով Չինաստանի և Թայվան, Ռյուկյու ու Կյուսյու կղզիների միջև։ Մակերեսը համաձայն խորհրդային տվյալների 836 հզր․ կմ² է, համաձայն արևմտյան սահմանման 1 249 հզ կմ², միջին խորությունը՝ 349 մ, առավելագույնը՝ 2717 մ։ Արևելաչինական ծովն է թափվում Յանցզի գետը։ Ծովի արևելյան մասով անցնում է Հյուսիսային պասատային հոսանքի շարունակությունը, որը հյուսիսում ճյուղավորվում է․ մեկ ճյուղն ուղղվում է դեպի Ճապոնական ծով, իսկ մյուսից սկզբնավորվում է Կուրոսիո հոսանքը։

Արևելաչինական ծով
Տեսակ	սահմանային ծով
Երկիր	Չինաստան,  Ճապոնիա,  Թայվան և  Հարավային Կորեա
Խորություն	2719 մետր
Մակերես	1 249 000 կմ²[1]
Մասն է	Խաղաղ օվկիանոս
Ավազանի երկիր	Չինաստան,  Թայվան,  Հարավային Կորեա և  Ճապոնիա
Լիճ հոսող գետ	Jiao River?, Min River?, Ou River?, Յանցզի, Sendai River?, Asato River?, Genka River?, Hija River?, Jisso River?, Kokuba River?, Manose River?, Q11432150?, Q11514564?, Q11638072?, Tabaru River? և Urauchi River?

Կլիման մուսոնային է։ Մայիս-հոկտեմբերին 3-4 անգամ հարավից հյուսիս անցնում են թայֆունները։ Ջրի միջին ջերմաստիճանը ձմռանը՝ հյուսիս-արևմուտքից դեպի հարավարևելյան փոխվում է 7 °C-ից մինչև 16 °C, ամռանը՝ 27°-28 °C, տարեկան տեղումները մինչև 2244 մմ է։ Ջրի աղիությունը 34, 5°/օօ է, գետաբերանների մոտ՝ 5-10°/օօ։ Հաճախակի լինում են ստորջրյա երկրաշարժեր (ցունամի)։ Մակընթացությունները կեսօրյա բնույթի են և հասնում են մինչև 7, 5 մ բարձրության։ Արևելաչինական ծովում զարգացած է ձկնորսությունը։ Խոշոր նավահանգիստներն են Շանհայը, Ցզիլունը (ՉԺՀ), Նագասակին (Ճապոնիա)։

Ծանոթագրություններ

1. https://www.eia.gov/beta/international/regions-topics.php?RegionTopicID=ECS

Վիքիպահեստն ունի նյութեր, որոնք վերաբերում են «Արևելաչինական ծով» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 31)։