Աշտարակ (Ոսկեպար)

Ոսկեպարի աշտարակ, միջնադարյան պաշտպանական կառույց Հայաստանի Տավուշի մարզի արևելքում^[1]։

Աշտարակ
Նկարագրություն
Տեսակ	Աշտարակ
Տեղագրություն	Ոսկեպար, Տավուշի մարզ, Հայաստան (կամ Վերին Ոսկեպար)
Վարչական միավոր	Ոսկեպար և Տավուշի մարզ
Երկիր	Հայաստան
Կառուցված	13-րդ դար
Շինանյութ	Անմշակ քար, թրծված աղյուս
Բարձրություն	10 մետր
Ունի ձև	Քառանկյուն
Ընթացիկ վիճակ	Կանգուն
Բաց է հանրության համար	Այո
Voskepar Fortress Վիքիպահեստում

Տեղադրություն

Խորհրդային Միության տարիներին աշտարակը գտնվում էր Խորհրդային Ադրբեջանին պատկանող Վերին Ոսկեպար (Յուխարի Ոսկեպար) էքսկլավում, որը ԽՍՀՄ փլուզումից հետո փաստացի դարձավ Հայաստանի Հանրապետության մաս։ Ոսկեպար գյուղից 2,5 կմ արևմուտք է` համանուն գետի ձախ։ Ծովի մակերևույթից բարձր է 802 մ^[1]։

Պատմություն

Պատմամշակութային հուշարձանի մասին քիչ տեղեկություններ են հայտնի։ Եզակի հիշատակություններից մեկը կատարել է եպիսկոպոս Մակար Բարխուդարյանը^[1][2]։ Ըստ հուշարձանագետ Սամվել Կարապետյանի՝ աշտարակը կառուցվել է 13-րդ դարում։ Նա իր ուսումնասիրություններից ենթադրություն է կատարել, որ աշտարակը պատկանել է հայ քաղկեդոնական դավանանքին պատկանող իշխանի^[1]։

Ճարտարապետական նկարագիր

Հուշարձանն իրենից ներկայացնում է քառակուսի հատակագծով քառահարկ բերդ-աշտարակ։ Ունի 7,96 x 7,46 մ արտաքին չափեր և շուրջ 10 մ բարձրություն։ Հարկերից մեկը նկուղային է, մնացածը վերգետնյա։ Երկու մուտքերը բացված են առաջին հարկի հյուսիսային և հարավային ճակատներից^[1]։

Կառուցված է կրաշաղախով համակցված անմշակ քարից և թրծված աղյուսից։ Կառույցի պատերին առկա են նաև կապույտ ջնարակապատ աղյուսներ, որոնցից օգտագործվել են նաև մոտակայքում գտնվող Բերդավանքի եկեղեցում^[1]։

Տես նաև

• Սուրբ Աստվածածին եկեղեցի (Ոսկեպար)
• Բերդավանք վանական համալիր (Ոսկեպար)
• Խլխլան աղբրի եկեղեցի
• Կալապանի եկեղեցի (Ոսկեպար)
• Գոմաձորի եկեղեցի (Ոսկեպար)
• Կորաբերդ
• Ջուխտակ Եղցի վանք

Ծանոթագրություններ

1. Սամվել Կարապետյան, Ոսկեպարի պատմական հուշարձանները, Երևան, 2013։
2. Բարխուտարեանց Մ., Արցախ, Բագու, 1895, էջ 381-382։