From Wikipedia, the free encyclopedia
Անդրեյ Նիկոլաևվիչ Կոլմոգորով (ռուս.՝ Колмогоров, Андрей Николаевич, ապրիլի 25, 1903[1][2][3][…] կամ ապրիլի 12 (25), 1903[4], Տամբով, Ռուսական կայսրություն[5] - հոկտեմբերի 20, 1987[1][6][7][…], Մոսկվա, ԽՍՀՄ)՝ ռուս մաթեմատիկոս, XX դարի խոշորագույն մաթեմատիկոսներից մեկը։
Կոլմոգորովը ժամանակակից հավանականությունների տեսության հիմնադիրներից մեկն է։
Անդրեյ Կոլմոգորով ծնվել է 1903 թվականին Տամբով քաղաքում, որը գտնվում է Մոսկվայից 500 կիլոմետր հարավաարևելք։ Իր չամուսնացած մայրը՝ Մարիա Յակովլևնա Կոլմոգորովաn, մահացել է ծննդաբերության ժամանակ[21]։ Կոլմոգորովին մեծացրել են իր երկու մորաքույրները Տունոշնայում (Յարոսլավլի մոտ) գտնվող իր պապի կալվածքում։
Կոլմոգորովի հոր մասին քիչ տվյալներ են հայտնի։ Ենթադրվում է, որ նա ագրոնոմ Նիկոլայ Մատվևիչ Կատաևն է եղել։ Կատաևին Սանկտ Պետերբուրգից աքսորել են Յարոսլավլ՝ Ցար դեմ հեղափոխության շարժամանը մասնակցելու համար։ 1919 թվականից անհետացել է, ենթադրվում է, որ սպանվել է Ռուսաստանի քաղաքացիական պատերազմի ժամանակ։
Անդրեյ Կոլմոգորովը կրթություն է ստացել իր մորաքրոջ՝ Վերայի գյուղի դպրոցում, իսկ նրա առաջին գրական ջանքերն ու մաթեմատիկական աշխատությունները տպագրվել են «Գարնան ծիծեռնակ» դպրոցական ամսագրում։ Անդրեյը (հինգը տարեկանում) ամսագրի մաթեմատիկական բաժնի «խմբագիրն» էր. հինգ տարեկանում նկատել է կենտ թվերի շարքի գումարի և այլն օրինաչափությունը[22]։
1910 թվականի մորաքույրը որդեգրել է նրան և միասին տեղափոխվել են Մոսկվա, որտեղ ավարտել է դպրոցը 1920 թվականին։ Նույն թվականին Կոլմոգորովը սկսել է սովորել միաժամանակ Մոսկվայի պետական համալսարանում և Մենդելեևի անվան Մոսկվայի քիմիայի և տեխնոլոգիայի ինստիտուտում[23]։ Այս ժամանակաշրջանի մասին Կոլմոգորովը գրել է. «Ես Մոսկվայի համալսարան եմ ժամանել մաթեմատիկայի վերաբերյալ բավական իմացությամբ։ Ես գիտեի մասնավորապես բազմությունների տեսության սկիզբը։ Ես ուսումնասիրեցի Բրոքհաուզի և Եֆրոնի հանրագիտարանի հոդվածնեի բազմաթիվ հարցեր՝ ինքս ինձ համար լրացնելով այն, ինչ ներկայացված էր այս հոդվածներում չափազանց հակիրճ։»[24]։
Ուսանողական տարիներին մասնակցել է ռուս պատմաբան Ս. Վ. Բախրուշինի սեմինարներին։ Իր առաջին հետազոտական աշխատանքը հրատարակել է Նովգորոդի հանրապետությունում տասնհինգերորդ և տասնվեցերորդ դարերի հողատերերի սովորույթների վերաբերյալ[25]։ Նույն շրջանում ապացուցել է բազմությունների տեսության և Ֆուրիեի շարքերի վերաբերյալ մի քանի արդյունքներ։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.