Անքորիջ; անգլ.՝ Anchorage, МФА, անգլերենից բառացի թարգմանած նշանակում է «Խարսխակայան»), քաղաք Ամերիկայի Միացյալ Նահանգների հյուսիսարևմտյան մասում՝ Ալյասկա նահանգի հարավային հատվածում։ Այդ նահանգի ամենախոշոր բնակավայրն է. 2020 թվականի տվյալներով այնտեղ ապրում էր ավելի քան 291 հազար մարդ, այսինքն՝ նահանգի ամբողջ բնակչության 42 %-ը։ Իսկ մետրոպոլիսային տարածքում ապրողների թիվը մոտ է 400 հազարին։ Անքորիջը 100 հազարից ավելի բնակիչ ունեցող ամերիկյան քաղաքներից ամենահյուսիսայինն է։ Տրանսպորտային խոշոր հանգույց է. ունի բավականին բանուկ միջազգային օդանավակայան, ծովային նավահանգիստ, ավտոմայրուղիներով և երկաթուղով ևս կապված է հեռավոր ու մերձավոր բնակավայրերի հետ ։ Քաղաքն զբաղեցնում է 4.420 կմ² տարածք և այդ ցուցանիշով չորրորդ տեղն է զբաղեցնում ԱՄՆ-ում։ Այն փաստորեն ավելի ընդարձակ է, քան ամերիկյան փոքրագույն նահանգը՝ Ռոդ Այլենդը, որի տարածքն ընդամենը 1.212 քառակուսի մղոն է։