From Wikipedia, the free encyclopedia
Wish You Were Here (հայերեն՝ Ափսոս, որ դու այստեղ չես), անգլիական Փինք Ֆլոյդ ռոք-խմբի իններորդ ստուդիական ալբոմը, որը թողարկվել է 1975 թվականի սեպտեմբերին։ Սկավառակի համար նյութերը հավաքվել են Եվրոպական հյուրախաղերից հետո, իսկ ձայնագրումը, բազմաթիվ փորձերից հետո, կատարվել է լոնդոնյան Ռոուդ ստուդիայում։
Wish You Were Here | ||||
---|---|---|---|---|
![]() | ||||
-ի ստուդիական ալբոմ | ||||
Թողարկված | Սեպտեմբերի 12, 1975 | |||
Ձայնագրված | Հունվար - Հունիս 1975 Էբբի Ռոուդի Ստուդիա | |||
Ժանր | Պրոգրեսիվ ռոք | |||
Տևողություն | 2668 s | |||
Լեզու | Անգլերեն | |||
Լեյբլ | Harvest Records | |||
Պրոդյուսեր | Փինք Ֆլոյդ | |||
-ի ալբոմների ժամանակագրություն | ||||
| ||||
Սինգլներ Wish You Were Here ալբոմից | ||||
|
Wish You Were Here ալբոմը ողբում է օտարացման, երաժշտական ինդուստիայի խնդիրները և խմբի նախկին անդամ Սիդ Բարրեթի անհատականությունը, ով լքել է կոլեկտիվը ոչ ստաբիլ հոգեկան վիճակի պատճառով, ինչն առաջացել էր թմրանյութերի չարաշահման պատճառով։ Առաջին ձայնագրությունները դժվար էին ընթանում և իրականանում էին լարված ռեժիմով։ Ալբոմի կոնցեպտցիան առաջարկել է Ռոջեր Ուոթերսը, առաջարկելով ալբոմի հիմնական երգը՝ «Shine On You Crazy Diamond» բաժանեց երկու մասի և ավելացնել ևս երեք նոր երգեր։ Գլխավոր երգը հարգանքի տուրք համարվեց Բարրեթին, ով ճակատագրի հեգնանքով ստուդիա այցելեց հենց ձայնագրման ժամանակ։ Այցն այնքն անսպասելի էր, ու երաժշտի արտաքինն այնքան էր փոխվել, որ խմբի անդամները անմիջապես չճանաչեցին իրենց հին ընկերոջը։
Այնպես, ինչպես իրենց նախկին գործում՝ «The Dark Side of the Moon» ալբոմում, երաժիշտներն օգտագործում էին տարբեր երաժշտական էֆեկտներ ու սինթեզատորներ։ «Have a Cigar» երգում, վոկալիստի դերի համար հատուկ հրավիրվել էր Ռոյ Հարփերը։ Ալբոմի ետնանկարի հեղինակը նորից Սթորմ Թորգերսոնն էր, օրիգինալով զբաղվում էր Hipgnosis ստուդիան։ Շնորհադեսը տեղի է ունեցել Նեբվորտ քաղաքի (Հարտֆորդշիր կոմսություն) փառատոնի ժամանակ, մի քանի ամիս ուշ տեղի ունեցավ ռելիզը։ Հենց հրապարակման պահից ալբոմն այնքան հայտնի դարձավ, ու պահանջարկն այնքան մեծ էր, որ EMI ընկերությունը չէր հասցնում կնիքավորել սկավառակները բոլոր կամեցողների համար։ Չնայած բոլոր կոչերին, Rolling Stone ամսագիրը 209-րդ տեղը տրամադրեց այդ ալբոմին, բոլոր ժամանակների 500 լավագույն ալբոմների ցանկում։ Ռիչարդ Ռայթը և Դեյվիդ Գիլմորը Wish You Were Here-ն անվանեցին Փինք Ֆլոյդի կազմում ձայնագրված իրենց լավագույն ալբոմը։
1974 թվականին երաժիշտները ակտիվ հյուրախաղերի մեկնեցին Անգլիա և Ֆրանսիա, որում մարդկանց մեծաթիվությունն ապահովում էր նախորդ՝ The Dark Side of the Moon ալբոմի հաջողությունը։ Այդ ժամանակ Pink Floyd-ի երգացանկում երեք նոր երգեր ավելացան՝ «Raving and Drooling», «Gotta Be Crazy» և «Shine On You Crazy Diamond», որոնք ճանապարհորդության սկզբում արդեն ճանաչուսմ ստացան և արդեն պարզ էր, որ նոր սկավառակի հիմքն էին դառնալու։ Խմբի անդամները լրագրողներ չէին հրավիրել, հարցազրույցներ չէին տալիս և ընդհանրապես փորձում էին հեռու մնալ ամուլի ներկայացուցիչներից։ Դժվար փոխհարաբերությունները մամուլի հետ հիանականում պայմանավորված էին New Musical Express ամսագրի հիմնադիրներ Նիկ Քենտի ու Փիթ Իրսկինի ցինիկ հոդվածներով (անգլ.՝ Pete Erskine)։ Լրագրողները խստագույն քննադատման ներկայացրեցին խմբի նոր՝ առանց Սիդ Բարրեթի ձայնագրված երգերը։ 1975 թվականի առաջին իսկ շաբաթից երաժիշտները վերադարձան Էբբի Ռոուդի ստուդիա և սկսեցին աշխատանքը։
Նախորդ ալբոմի մշակմամբ զբաղվել էր Ալան Պարսոնսը՝ նահանգական EMI ընկերության ձայնառեժիսորը, բայց այս անգամ նա հրաժարվում է այդ գործից (հիմնականում իր սեփական խմբի՝ The Alan Parsons Project-ի հաջողության պատճառով)։ Այդ իսկ պատճառով երաժիշտները ստիպված էին աշխատել Բրայան Համֆրիսի հետ (անգլ. Brian Humphries), ով մինչև այդ արդեն երկեւ անգամ համագործակցել էր Pink Floyd-ի հետ. առաջին անգամ 1969 թվականին՝ More ֆիլմի սաունդթրեքի ձայնագրման ժամանակ և երկրորդ անգամ 1974-ին, համերգի ժամանակ փոխարինում էր բացակայող ձայնաինժեներին։ Համֆրիսն իր գործի վարպետն էր, սակայն Էբբի Ռոուդի ստուդիայում չառաջին անգամ էր աշխատում ինչի համար որոշ դժվարություններ առաջացան։ Ամենալուրջ սխալը, որ տեղի ունեցավ ձայնագրման ժամանակ այն էր, որ նա, անուշադրության պատճառով վնասեց «Shine On You Crazy Diamond» երգի բոլոր ֆոնոգրամմաները, որոնց վրա Ուոթերսն ու Մեյսոնը մի քանի ժամ աշխատելով գրեթե կատարելության էին հասցրել։ Երգերի մի մասը աղմուկով էր ձայնագրված, ինչի պատճառով ստիպված եղան նորից ձայնագրել։
Աշխատանքի անցնելով «ստուդիա 3»-ում, խումբն ամենասկզբից բախվեց կուտակված նյութի վերամշակման խնդիրների հետ։ Նախորդ հաջող ալբոմը՝ The Dark Side of the Moon-ը երաժիշտների քառյակին դատարկել էր ոչ կիայն ֆիզիկապես, այլ նաև հոգեպես։ Առաջին սեսսիաների մասին պատմելիս Ռիչարդ Ռայթը դա անվանակոչեց որպես «անհասկանալիության սկիզբ», իսկ Ռոջեր Ուոթերսը այդ ժամանակաշրջանն անվանեց «տանջալի»։ Հարվածորդ Նիք Մեյսոնը ռազմաժապավեն ձայնագրման գործընթացն անվանեց ձգձգվող ու միօրինակ։ Այդ ժամանակ Դեյվիդ Գիլմորը ավելի շատ զբաղված էր հին նյութի մշակմամբ։ Նա գրեթե ուշադրություն չէր դարձնում նոր նյութերի ձայնագրմանը։ Բացի այդ գնալով ավելի ու ավելի էին վատանում նրա ու Նիք Մեյսոնի հարաբերություները։ Վերջինս չկայացած ամուսնությունից ապատիայի մեջ էր ընկել։ Նրա այդ վիճակը, անկայունությունն ու հիասթափությունը սաստիկ անդրարառնում էին նրա նվագելու վրա։ Մեյսոնը նաև նշում էր, որ Փինք Ֆլոյդի այդ ժամանակվա վիճակը դիպուկ նկարագրվել է Նիք Քեյթի հեղինակած մի շատ կոպիտ հոդվածում, որը հրապարակվել է New Musical Express ամսագրում, այդ քննադատությունը խորը ազդեց խմբի վրա, և հենց այդ հոդվածի շնորհիվ խումբը չցրվեց։
Ձայնագրման ամենահիշարժան պահը տեղի ունեցավ 1975 թվականի հունիսի 5-ին, երբ անսպասելի ստուդիա եկավ Սիդ Բարրեթը (հենց այդ օրը ծրագրել էին նշել Գիլմորի ամուսնությունը)։ Այդ ժամանակ երաժիշտներն արդեն ավարտել էին ալբոմի աշխատանքները և պատրաստվում էին այդ տարում արդեն երկրորդ անգամ հյուրախաղերի մեկնել ԱՄՆ։ Խումբն աշխատում էր «Shine On» երգի ավարտական տեսքի վրա, երբ ստուդիա մտավ մի գեր, բարձրահասակ տղամարդ, մերկության աստիճան թրաշած գլխով, անգամ ունքերը, ձեռքին բռնած պոլիէթիլենային տոպրակ։ Pink Floyd-ի անդամները արդեն հինգ տարի է չէին տեսել Սիդ Բարրեթին, իսկ նրա արտաքինն այնքան էր փոխվել, որ ոչ ոք նրան չճանաչեց։ Ուոթերսը այցելուի վրա ոչ մի ուշադրություն չդարձրեց, Ռայթը մտածեց, որ այդ մարդն Ուոթերսի ընկերն է, բայց որոշ ժամանակ անց հասկացավ, որ իր առջև Բարրեթն է։ Գիլմորը հանդիպման ժամանակ մտածեց, որ այդ մարդը EMI-ի տեխնիկական աշխատողներից է, Մեյսոնը ևս չէր ճանաչել ընկերոջն ու շոկի մեջ ընկավ, երբ Գիլմորն ասաց նրան այդ մասին։ Իր 2005 թվականի «Երկայնակի եւ խաչաձեւ։ Pink Floyd-ի անձնական պատմությունը» գրքում Մեյսոնը Բարրեթի խոսքը բնութագրում էր, որպես «չկապակցված ու ոչ ամբողջական մտքեր արտահայտող»։ Սթորմ Թորգերսոնը հետագայում Բարրեթի խոսքն այսպես էր նկարագրում.
![]() |
Երկու կամ երեք մարդ լացում էին։ Նա նստել ու մի որոշ ժամանակ զրուցում էր մյուսների հետ, բայց պարզ էր, որ նրա մտքերն ամեն դեպքում այստեղ չէին | ![]() |
Two or three people cried. He sat round and talked for a bit but he wasn’t really there
Այնպես, ինչպես The Dark Side of the Moon ալբոմում, երաժիշտները գլխավոր առմամբ հաճախ փոխում էին տարբեր սինթեզատորներ (օրինակ, EMS VCS 3 «Welcome to the Machine» երգում), պահպանելով Գիլմորի ակուստիկ կիթառն ու Մեյսոնի հարվածայինները։ «Shine On»-ի սկիզբը ներառում է նախկինում չռեալիիզավորված իսկ այդ ժամանակ արդեմ մշակված ձայնագրություններ, որոնք հայտնի են «Household Objects» անունով։ Այս պրոյեկտի հիմքում յուրօրինակ ձայներ էին օգտագործվել, օրինակ, տարբեր խտությունների հեղուկներով լցված գինու բաժակներով արտաբերվող ձայն։ Սկզբում մատներով խփում էին բաժակներին ու ձայնագրում, հետո այդ ձայնը միացնում «Shine On» ձայնագրությանը։
![]() | |
---|---|
![]() |
Welcome to the Machine երգի տեսահոլովակը |
Բոլոր երգերի տեքստերի հեղինակն է Ռոջեր Ուոթերս.
Առաջին կողմ | |||||||||
---|---|---|---|---|---|---|---|---|---|
# | Անվանում | Երաժշտություն | Վարող վոկալ | Տևողություն | |||||
1. | «Shine On You Crazy Diamond (Parts I-V)» (Շողա, խենթ ադամանդ — Части I-V) | Գիլմոր, Ուոթերս, Ռայթ | Ուոթերս | 13:30 | |||||
2. | «Welcome to the Machine» (Համեցեք մեքենա) | Ուոթերս | Գիլմոր | 7:31 |
Երկրորդ կողմ | |||||||||
---|---|---|---|---|---|---|---|---|---|
# | Անվանում | Երաժշտություն | Վարող վոկալ | Տևողություն | |||||
1. | «Have a Cigar» ( Սիգար չե՞ք ցանկանա) | Ուոթերս | Հարպեր | 5:08 | |||||
2. | «Wish You Were Here» (Ափսոս, որ այստեղ չես) | Գիլմոր, Ուոթերս | Գիլմոր | 5:40 | |||||
3. | «Shine On You Crazy Diamond (Parts VI-IX)» (Շողա, խենթ ադամանդ — VI-IX մասեր) | Գիլմոր, Ուոթերս, Ռայթ (բացի IX մաս(Ռայթ)) | Ուոթերս | 12:31 |
Հիթ-շքերթներ
|
Հավաստագրումներ[35]
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.