From Wikipedia, the free encyclopedia
Apple Park՝ Apple ընկերության ապագա գրասենյակը Կուպերտինիոյում, Կալիֆոռնիա։
Apple Park | |
Apple Campus 2 | |
![]() | |
Տեղագրություն | Կուպերտինո, Կալիֆորնիա, ԱՄՆ |
Կառուցման ժամանակ | 2013—2017 |
Բարձրություն | |
---|---|
Տեխնիկական պարամետրներ | |
Հարկերի թիվ | [1] |
Տարածքը շինության մեջ | 260 000 մ2[1] |
Ճարտարապետ | Նորման Ֆոսթեր[2] |
Սեփականատեր | Apple |
Օֆիսը կունենա 71 հա տարածք։ Ըստ ծրագրի 260 000 մ2 տարածքով չորսհարկանի կլոր շենքում աշխատելու են ավելի քան 12 000 աշխատող։ Սթիվ Ջոբսը ցանկանում էր, որպեսզի կամպուսը ավելի շատ նման լինի արգելանոցի, քան հասարակ գրասենյակի։ Այդ պատճառով գրասենյակի մոտ 70 տոկոսը պատված է լինելու կանաչ ծառերով[3]։
Երբ Ջոբսը 13 տարեկան էր, հեռախոսային տեղեկագրքում գտնում է Բիլլ Հյուլլեթթի համարը, զանգահարում է նրան որպեսզի իր հաճախաչափի համար, որը փորձում էր ստեղծել, մի փոքրիկ մաս գտնի, և արդյունքում առաջարկ ստացավ ամառվա ընթացքում աշխատել Hewlett-Packard ընկերությունում։ Այդ նույն թվականին HP-ը Կուպերտինոյում հողատարածք գնեց, որպեսզի ավելի մեծացնի հաշվարկման աշխատամասը։ Ջոբսը գնաց այնտեղ աշխատելու, և այնտեղ երեկոներին ստեղծում էր Apple 1-ը և Apple 2-ը։ Երբ 2010 թվականին HP ընկերությունը որոշեց իր գրասենյակից տեղափոխվել Կուպերտինո, որը One Infinite Loop-ից` Apple-ի գրասենյակից գտնվում էր ընդամենը մեկ մղոն հեռավորության վրա, Սթիվը գնեց այն շրջակա հողերի հետ միասին։ Հողամասի սեփականության համար անհրաժեշտ փաստաթղթերը կատարվեցին Hines Interests[en] ընկերության օգնությամբ[4][5], որպեսզի հողի վերջնական գնորդի (Apple) տվյալները հայտնի չլինեին վաճառողին[5]։ Ֆիլիպ Մախոնին (Philip Mahoney)` անշարջ գույքի ուղղությամբ գործընկերը նկատեց, որ դա հասարակ պրակտիկ առքուվաճառք էր, որը մյուս հակառակորդների մոտ ցույց էր տալիս իր ծրագրերը[5]։ Անշարժ գույքի վաճառողներից էին. SummerHill Homes-ը (3,2 հա տարածք) և Hewlett-Packard-ը (Կուպերտինոյի տարածքից երեք շենք)[5]։
Մինչև 2008 թվականը Apple-ը չկարողացավ հավաքել բոլոր թույլատրելի փաստաթղթերը շենքի կառուցման համար, այդ պատճառով եզրակացվեց, որ նախագիծը պատրաստ չի լինի մինչև 2010 թվականը, ինչպես ի սկզբանե ծրագրավորվել էր։ 2010 թվականի նոյեմբերի 10-ին Mercury News[en] թերթը հրատարակեց[6] տեղեկություններ այն բանի մասին, որ Apple-ը HP Inc.-ից ևս 40 հա հողատարածք է գնել։ Այդ հողերը օգտագործվում էին Կուպերտինոյում HP-ի կամպուսի համար, մինչև Պալո Ալտո տեղափոխվելը։
Ջոբսը հիանում էր այն բանով, թր ինչպես Հյուլեթթը և Պակկարդը ստեղծեցին երկար մնացող ընկերություն և հպարտանում էր նրանով, որ այդ նույնը արեց Apple-ի հետ։ Հիմա նա ցանկացավ կառուցել փորձնական գրասենյակ, այնպիսի մի բան, որից հարավում չի ունեցել ոչ մի տեխնոլոգիական ընկերություն։ Արդյունքում նա մեծացրեց տարածքը մինչև 150 ակրի, որոնց մեծամասնությունը նրա մանկության տարիներին ծիրանի ծառերով էին պատված, և նա մինչև գլուխ սուզվել էր այդ նախագծի մեջ, որը պետք է դառնար նրա կտակը և որտեղ կնշվեր նրա տենչային վերաբերմունքը դեպի դիզայնը և դեպի ամուր ընկերության կառուցումը։ «Ես ցանկանում եմ թողնել գրասենյակ, որը իր վրա կկրեր իմ սեփական կնիքը և կծառայեր ընկերության արժեքների մարմնավորման համար մի քանի սերունդների ընթացքում», - ասել է նա։
Սթիվ Ջոբսը վարձել է իր հայացքից լավագույն ճարտարապետական ընկերությանը` պարոն Նորման Ֆոսթերի ընկերությունը, ում հաշվին վերականգնվել էին Ռայխստագը Բեռլինում և Մերի Էքս երկնաքերը Լոնդոնում։ Ինչպես նաև արժեր սպասել, Ջոբսը մասնիկների և ընդհանուր կոնցեպցիայի ստեղծման հարցում այնքան ակտիվ մասնակցություն է ունեցել, որ վերջնական դիզայն կառուցելը անհնար էր։ Շենքը պետք է դառնար նրա վեհակերտ կառույցը, և նա ցանկանում էր, որ ամեն ինչ լինի այնպես, ինչպես պետք էր։ Ֆոսթերի ընկերությունը 50 ճարտարապետներից խումբ է կազմել, և 2010 թվականի ընթացքում 3 շաբաթը մեկ անգամ նրանք Ջոբսին մակետներ և տարբերակներ էին ցույց տալիս։ Կրկին և կրկին նա մտքեր էր առաջ բերում, հաճախ նա ընդհանրապես այլ մոդելներ էր առաջարկում և ստիպում էր սկսել կրկին և ավելի շատ տարբերակներ առաջարկել։ 2006 թվականի ապրիլին, Սթիվ Ջոբսը հայտարարեց Կուպերտինոյի քաղաքային խորհրդին, որ Apple-ը 9 նոր տարածքներ է գնել երկրորդ կամպուսի (The Apple Campus 2) կառուցման համար[7]։
2011 թվականի հունիսի 7-ին Սթիվ Ջոբսը Կուպերտինոյի քաղաքային խորհրդին ներկայացրեց ապագա կամպուսի նախագիծը[8]։
2013 թվականի հոկտեմբերի 15-ին, վեցժամյա վիճաբանությունից հետո, Կուպերտինոյի քաղաքային խորհուրդը միաձայն հավանություն տվեց Apple-ի նոր կամպուսի վերաբերյալ նախագծին[9]։ Շուտով դրանից հետո սկսվեցին դեմոնտաժային աշխատանքները կառուցման տարածքին նախապատրաստելու համար[10]։
Կառուցումը պետք է սկսվեր 2013 թվականին, սակայն ուշացման պատճառով այն սկսեց 2014 թվականին[11][12]։
2017 թվականի փետրվարի 22-ին Apple-ը ներկայացրեց կա «Apple Park» կամպուսի պաշտոնական անվանումը, և լսարանի անվանումը «Steve Jobs Theater»:
Դա Ջոբսի վերջին հրապարակային ելույթն էր մինչև իր մահը` 2011 թվականի հոկտեմբերի 5-ը[13]։
Օղակաձև շենք, գովազդել են որպես «իդեալական շրջան», ի սկզբանե այդպիսի բան չէր պլանավորվում։ Կլոր շենքի շրջակայքի պերիմետրը մեկ մղոն է կազմում, 461 մ. տրամագծով։ Շրջանային շենքը չորսհարկանի է լինելու, իսկ գետնի տակ ևս երեք շենք կլինեն։ Կառուցման ժամանակ խնդիրներից խուսափելու համար, դեռ պրոեկտավորման ժամանակ, շենքի բոլոր մասերի մակետները ստեղծվել են բնական չափերով։
12 հա տարածքով կլոր շենքի ներքին մասում մրգերի ծառերով այգի է տնկվելու, որի մեջ ոլորապտույտ ճանապարհներ են լինելու, որոնք ոգեշնչված են Կալիֆորնիայի մրգատու այգիներից։ Ինչպես նաև այնտեղ արհեստական լճակ է կառուցվելու։
Ճանապարհները և կայանատեղիները գետնի տակ են թաքցրած լինելու։ Կամպուսի պատերը ապակուց են պատրատսված։ Ընդհանուր շենքում մոտ 7700 մ2 տարածք է լինելու հանրահավաքների համար։
Սթիվ Ջոբսը չէր ցանկանում, որպեսզի կարերը և ճեղքերը տեսանելի լինեն, նա ցանկանում էր, որ կառուցվածքի հարմարեցումը մաքուր լիներ։ Իր ոգեշնչումը Սթիվը վերցրել էր Սթենֆորդյան համալսարանի գլխավոր տարածքից[en]:
Ամբողջ բնափայտը, որը օգտագործվելու էր առանձին ինտերիերի համար, պետք է թխկիի առանձին տեսակներից լիներ։ Apple-ը աշխատում է աշխարհի 19 պետությունների շինարարական ընկերությունների հետ անհրաժեշտ նյութերի տեղադրման և պրոեկտավորման համար։
Միջհարկային վերածածկումները (հատակը և առաստաղը) շենքում երկաթբետոնե սալիկներից են լինելու, որոնց ներսում հանգույցներ են տեղադրված լինելու։ Ամբողջ ծանրությամբ կառուցման համար հարկավոր կլինի 4300 այդպիսի սալիկ, Դրանցից որոշները 27 տոննա են կշռում։
Հողամասերի ընդհանուր արժեքը 160 մլն. $ է։ Նախագծի արժեքը սկզբում 500 մլն. $ էր գնահատվում։ Սակայն, 2013 թվականին վերագնահատում տեղի ունեցավ, և արդյունքում ամբողջ արժեքը մոտեցավ 5 մլրդ. $-ի[14][15]։
Apple ընկերությունը հիմնավորվել է կուպերտինոյում 1977 թվականից, այդ պատճառով ընդունվել էր նոր կամպուսը կառուցել մոտակայքում, քան գնալ ավելի էժանագին սակայն շատ մեկուսացած վայր։ Կամպուսը հին առանձնասենյակից գտնվում է մեկ մղոն դեպի հարավ հեռավորության վրա։ Կամպուսի մոտ գտնվում է ստորգետնյա ջրերի աղտոտված տարածք[16]։
Կամպուսում յոթ սրճարան կլինեն, որոնցից ամենամեծը երեք հարկանի կլինի, և միաժամանակ կկարողանա ընդունել 3000 հաճախորդ։ 1900 մ2 տարածքով վերնահարկում կկարողանան տեղավորվել 600 մարդ և ևս 1750 տեղ գտնվում են դրսում` պատշգամբի վրա։ Յուրաքանչյուր օր սրճարանը 15 000 ճաշ կպատրաստի, որոնք կդրվեն 500 սեղանների վրա, որոնք պատրաստված են ամուր, սպիտակ կաղնուց։ Յուրաքանչյուր սեղան ունի 5,5 մոտր երկարություն և 1,2 մետր լայնություն։
Աթոռները և նստարանները կհիշեցնեն այն անշարժ գույքը, որոնք կարելի է տեսնել Apple Store-ում։ Դռները դեպի գլխավոր ռեստորան 28 մետր բարձրություն կունենան։
Թատրոնը անվանված է ի պատիվ Սթիվ Ջոբսի և գտնվում է կամպուսի բլրի գագաթին։ Թատրոնը կարող է ունենալ 1000 հաճախորդ և ստեղծված է Apple-ի նոր մթերքների ցուցադրումների համար։ Կողքին 350 հոգանոց կայանատեղի է լինելու։
Թտրոնը ապակե թափանցիկ պատեր է ունենալու, իսկ տանիքը ածխապլաստիկից է պատրաստվելու։ Պատերի թափանցիկությունը ավելի լավ տեսք կապահովի ինջպես ներսից, այնպես էլ թատրոնի դրսից։ Տանիքը ածխածնային մազաթելերից, ամենաուժեղ և ամենաթեթև նյութերից մեկը, ամբողջությամբ պահպանվելու է ապակե պատերով։ Տանիքի քաշը 73 տոննա, կառուցված է 44 միանման պանելներից։ Յուրաքանչյուր պանելի երկարությունը 21 իսկ լայնությունը 3,4 մետր է, դրանք մեջտեղից ամրանում[17].
Կենտրոնը 9000 մ2 տարածքով գտնվում է կապմուսի հյուսիս արևելյան մասում։ Այն կարող է աշխատանք տալ Կուպերտինոյի 20 000 աշխատողներին։ Բացի մարզասարքերից, ֆիթնես կենտրոնում այլ հարմարավետություններ և ծառայություններ կլինեն, ինչպիսիք են հանդերձարաններ, լոգասեյակներ, լվացքատուն և խմբակային մարզումների սրահ։
28 000 մ2 տարածքով երկու մեծ շենքերը, որոնք հարավում են գտնվում, շատ հեռու են տեղակայված, որպեսզի աչքի չընկնեն։ Վերևի հարկում գիտա-հետազոտական լաբորատորիան է, որը ղեկավարում է Ջոնաթան Այվը։
Մեքենաների կայանման համար ստորգետնյա ակարդակներով երկու չորսհարկանի շենքեր են կառուցված։ Կայանատեղին հաշվարկված է ընկերության 14 200 աշխատողների համար[18], իսկ Կուպերտինո քաղաքի կանոնները պահանջում են 11 000 կայանատեղի[19]։
Apple Park-ի բացումից հետո կայանատեղիում 700 լցակայաններ կլինեն[20]։
Ստորգետնյա ավտոտնակը հարշվարկված է 2000 կայանատեղերի համար։ Կայանատեղին կկառավարվի ընկալող-հաղորդող սարքերի և ծրագրերի միջոցով, ինչը թույլ կտա կառավարել շարժումները և ավելի ռացիոնալ օգտագործել ազատ վայրերը։
Բավի ավտոտրանսպորտի համար նախատեղված վայրերի, կան նաև հեծանվորդների 2000 տեղանոց կայանատեղի[21]։
North Tantau Avenue Visitor Center-ը հանդիսանում է 1870 մ2 տարածքով երկհարկանի շենք, որի նեսում 221 մ2 տարածքով սրճարան, դեպի կամպուս լավ տեսադաշտով հրապարակ և Apple Store[22]: Կենտրոնի կողմնորոշիչ գինը 80 մլն. $ է[23]։ Ստորգետնյա կայանատեղին, որը հաշվարկված է 700 հոգու համար, մոտավորապես 26 մլն. $ է։
Գործընկերների համար այնտեղ նաև 1000 հեծանիվներ կլինեն, որպեսզի նրանք կարողանան տեղափոխվել 71 հա տարածք կազմող հեծանիվային ճանապարհներով և վազքուղիներով։
Կառուցապատումից հետո շենքի ամբողջ տարածքի 80 տոկոսը կանաչ տունկեր կլինեն[24]։ Գլխավոր շենքի մեծ բակում կտնկվեն ծիրանենիներ, ձիթապտղի և խնձորի այգիներ, իսկ սրճարանի կողքին Knight բուժիչ բույսերով այգի կլինի։ Բույսերը, որոնք ընտրված են կամպուսի կանաչապատման համար, դիմանում են տապին։ Մշակված ջուրը կօգտագործվի ծառերի ոռոգման համար։
Ընկերությունը վարձել է արբորիստ Դեյվ Լաֆֆլիին (Dave Muffly) Սթենֆորդյան համալսարանից, Կամպուսի շուրջ Կալիֆորնիայի բնական միջավայրի գեղեցկացման համար։ 9000 ծառերի մեջ կլինեն ավելի քան 309 տարատեսակ ծառեր[3], ինչպես նաև Սավաննա կաղնին, մրգատւ ծառեր, այդ թվում ծիրանենի, խնձորենի, սալորենի, բալենի և արմավենի։ Լրացուցիչ 6 հեկտարը Կալիֆորնիայի խոտհարքներով կծածկվեն[25]։ Նախկին կամպուսի 4506 ծառերից 1000-ը կվերատնկվի նոր կամպուսում։ Ընկերության ալբորիստը աճեցնում է ավելի քան 4600 տնկի հետագայում նոր կամպուսում տնկելու համար։ Ծառերը կլինեն ինչպես երիտասարդ, այնպես էլ ծեր, ինպչպես այդտեղի բուսականության, այնպես էլ որոնք պետք է ամուր կպչեն Սանտա Կլարակի չորացած հողին։
Շրջակայքի ծառերը կպահպանվեն և կենդանի ցանկապատ կդառնան։
30 հա տարածքով բակը կունենա արհեստական լճակ և մրգատու ծառեր։
Շենքերը կստանան վերականգնվող էներգիա, և այդ կերպ կավելանա տանիքների վրա արևային էներգիայի սարքերով շենքերի շարքին։ 17 ՄՎտ հզորությամբ արևային սարքերը կծածկեն էլէկրաէներգիայի պահանջարկի 75 %-ը[26]։ Մնացած 4 ՄՎտ հզորությունը կստեղծվեն այդ նույն վայրում վառելիքային Bloom Energy Server-ի տարրերի միջոցով, որոնք աշխատում են կենսավառելիքով և բնական գազով[27]։ Օդը ազատ կերպով շրջապտույտ կկատարի շենքի ներսում և դրսում, հովանավորելով բնական օդափոխման համակարգը, ինչը բացառում է ՋՕՕ-ի անհրաժեշտությունը տարվա 9 ամիսների ընթացքում։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.