1915 (ֆիլմ)

«1915», հոգեբանական թրիլլեր, դրամա, որի ռեժիսորն ու սցենարիտը Կարին Հովհաննիսյանն ու Ալեք Մուհիբյանն են։ Ֆիլմի պրոդյուսերներն են Հովհաննիսյանը, Մուհիբյանը և Թերի Լեոնարդը։ Ֆիլմի գլխավոր դերակատարներն են Սիմոն Աբգարյանը, Անժելա Սարաֆյանը, Սամուել Փեյջը և Նիկոլայ Քինսկին։ Ֆիլմը վերաբերվում է հայոց ցեղասպանությանը, որը հերքված և ընդունված չէ Թուրքիայի կողմից^[3][4]։

Անվան այլ կիրառումների համար տե՛ս՝ 1915 (այլ կիրառումներ)

1915 անգլ.՝ 1915
Երկիր	ԱՄՆ
Ժանր	դրամա[1]
Թվական	2015
Լեզու	անգլերեն
Ռեժիսոր	Կարին Հովհաննիսյան[2]
Սցենարի հեղինակ	Կարին Հովհաննիսյան
Դերակատարներ	Սիմոն Աբգարյան, Անժելա Սարաֆյան, Սամուել Փեյջ, Նիկոլայ Քինսկի, Ջիմ Փիդոք և Դեբրա Քրիստոֆերսոն
Երաժշտություն	Սերժ Թանկյան
Պատմվածքի վայր	Լոս Անջելես
Տևողություն	82 րոպե
Պաշտոնական կայքէջ

Սյուժե

Օսմանյան Թուրքիայում տեղի ունեցած հայոց ցեղասպանությունից ուղիղ մեկ դար անց առեղծվածային ռեժիսորը Լոս Անջելեսի թատրոնում որոշում է բեմադրել մի ներկայացում, որով հարգանքի տուրք կմատուցվի եղեռնի զոհերին։ Քանի որ ներկայացման թեման վիճաբանական էր, մտքի հակառակորդները շրջափակում են թատրոնը և այդպիսի տարօրինակ իրադարձությունները վախ են տարածում պրոդյուսերի և դերասանների շրջանում։ Տպավորություն է ստեղծվում, որ ռեժիսորի մտահղացումը բավական վտանգավոր է^[5], և անցյալի հոգիներն ամենուր են։

Դերերում

• Սիմոն Աբգարյան - Սիմոն
• Անժելա Սարաֆյան - Անժելա
• Սամուել Փեյջ - Ջեյմս
• Նիկոլայ Քինսկի - Թոնի
• Ջիմ Փիդոք - Ջեֆրի
• Սանի Սուլջիչ - Գաբրիել
• Դեբրա Քրիստոֆերսոն - Լիլիան

Ստեղծում

«1915»-ը Կարին Հովհաննիսյանի և Ալեք Մուհիբյանի առաջին համատեղ լիամետրաժ ֆիլմն է։ Հովհաննիսյանը Family of Shadows-ի հեղինակն է^[6], նա նաև գրել է Los Angeles Times, The New York Times և այլ ամսագրերի համար։ Մուհիբյանը գրող և կատակերգու է, ում աշխատանքները հայտնվել են Slate, The Weekly Standard և բազմաթիվ այլ տեղերում։ Նա նաև աշխատել է Սթենֆորդի համալսարանի Հովերի ինստիտուտում։

Հովհաննիսյանը և Մուհիբյանը համագործացում են կինոարտադրության ոլորտում ավելի քան տասը տարի։

Ֆիլմն արտադրվել է Bloodvine Media, Strongman և mTuckman Media կինոընկերությունների կողմից^[7]։ Ֆիլմը տեղայնացրել են iNexxus Digital Marketing Agency և PRodogy Public Relations ընկերությունները^[8]։

Թողարկում

Եվրոպական պրեմիերան կայացել է Մաքսիմ Գորկու անվան Թատրոնում (Բեռլին, Գերմանիա) 2015 թվականի ապրիլի 5-ին։ ԱՄՆ-ում ֆիլմի պրեմիերան տեղի է ունեցել ապրիլի 17-ին, իսկ Հայաստանում՝ ապրիլի 25-ին՝ հայոց ցեղասպանության 100-րդ տարելիցի հաջորդ օրը։

Երաժշտություն

Ֆիլմի երաժշտությունը գրել է Գրեմմիի մրցանակակիր, կոմպոզիտոր Սերժ Թանկյանը, ով հայտնի System of a Down ռոք խմբի վոկալիստն է^[9]։

Ծանոթագրություններ

1. http://www.imdb.com/title/tt3781762/
2. http://www.imdb.com/title/tt3781762
3. Kieser, Hans-Lukas; Schaller, Dominik J. (2002), Der Völkermord an den Armeniern und die Shoah [The Armenian genocide and the Shoah] (German), Chronos, էջ 114, ISBN 3-0340-0561-X{{citation}}: CS1 սպաս․ չճանաչված լեզու (link)
4. Toynbee, Arnold (2000), Sarafian, Ara (ed.), The Treatment of Armenians in the Ottoman Empire, 1915–1916: Documents Presented to Viscount Grey of Falloden (uncensored ed.), Princeton, NJ: Gomidas, էջեր 635–49, ISBN 0-9535191-5-5 {{citation}}: Missing |author1= (օգնություն)
5. «Thriller '1915' to Hit Theaters & VOD This April».
6. Hovannisian, Garin (2011), The Family of Shadows, Harper Collins Publishers
7. «Film "1915" To Shed Light on Forgotten Genocide of 1.5 Million Armenians in Ottoman Turkey».
8. «AG Campaign Joins Forces with iNexxus Digital Marketing Agency». Արխիվացված է օրիգինալից 2015 թ․ ապրիլի 16-ին. Վերցված է 2015 թ․ ապրիլի 24-ին.
9. «'1915'։ The first film of the centennial».

Արտաքին հղումներ

• Պաշտոնական կայք
• «1915» ֆիլմը ԿինոՊոիսկ կայքում
• «1915» ֆիլմը Internet Movie Database կայքում