Ֆրանսիայի բանկ (ֆր.՝ Banque de France), Ֆրանսիայի կենտրոնական բանկ։ Եվրոպական կենտրոնական բանկերի համակարգի անդամ։ Բանկն ունի շտաբ Փարիզում։
 |
Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
- 1800 - Նապոլեոն Բոնապարտի հրամանով ստեղծվել է Ֆրանսիայի բանկը,
- 1808 - 1936 թվականներին - Ֆրանսիայի բանկի տոմսերը դարձել են օրինական վճարամիջոց, ընդլայնվել է մասնաճյուղերի ցանցը,
- 1936 - 1945 - բանկի ազգայնացում,
- 1973 - վերագրվել է բանկի կանոնադրությունը,
- 1993 - բանկը դառնում է անկախ ֆինանսական ինստիտուտ, որի նպատակը երկրում գնային կայունության ապահովումն է, որը անկախ է պետության քաղաքականությունից,
- 1998 - բանկը դառնում է կենտրոնական բանկերի Եվրոպական համակարգի անդամ։
Առաջին համաշխարհային պատերազմի ժամանակ բանկը վաճառում է կարճաժամկետ գանձապետական պարտատոմսեր արտասահմանում, որպեսզի օգնի հոգալ ռազմական ծախսերը։ Ֆրանսիան պատերազմից անմիջապես հետո հրաժարվեց ոսկե ստանդարտից։ 1919 թվականին պարտքերը կազմել են մոտ 42 միլիարդ ֆրանկ։ Պատերազմից հետո բանկը ձգտում է վերականգնել ոսկու ստանդարտը և կապիտալ ձեռք բերել մի շարք ամերիկյան և բրիտանական բանկային սինդիկատներից, որպեսզի պաշտպանի Ֆրանկին փոխարժեքի տատանումներից։ Բանկը նաև սկսել է կուտակել ոսկու պաշարներ և իր զարգացման գագաթնակետին է պահել ոսկու համաշխարհային պաշարների 28,3 տոկոսը (զիճելով միայն ԱՄՆ-ին՝ 30,4 տոկոս)[1][2][3]։
Ֆրանսիայի բանկը երեք հիմնական խնդիր է կատարում՝ օրենսդրությանը և իրավունքներին համապատասխան, որոնք նրան պատվիրակվել են ԵԿԲ-ի կողմից սուբսիդիարության սկզբունքով՝
- պահպանել դրամական կայունություն
- ֆինանսական կայունության պահպանում
- պետական մարմիններին, իրավաբանական և ֆիզիկական անձանց բանկային ծառայությունների մատուցումը
Դրամական կայունության պահպանման խնդրին համապատասխան, Ֆրանսիայի բանկն իրականացնում է գործունեության տարբեր տեսակներ․
- սահմանել Ֆրանսիայի դրամական հաշվեկշիռն և ներկայացնել Ֆրանսիայի տնտեսական շահերը միջազգային հանրության մեջ
- իրականացնել բանկերի համար ԵԿԲ քաղաքականության անցկացման մրցույթներ, նրանց համար, ովքեր ցանկանում են ներգրավվել դրամական միջոցներում
- ղեկավարել ԵԿԲ արժութային պահեստների մի մասը
- արտադրել գումարների թողարկում և կառավարում
Ֆինանսական կայունության պահպանման խնդրին համապատասխան, Ֆրանսիայի բանկն իրականացնում է հետևյալ գործառույթները․
- վարկային հաստատությունների և ներդրումային ընկերությունների և բանկային հանձնաժողովի գործունեության նկատմամբ վերահսկողություն
- ֆինանսական համակարգի կառավարում
- վճարումների իրականացման համակարգի կառավարում
Ֆրանսիայի բանկը կառավարում և վարում է գանձապետարանի և որոշ պետական ձեռնարկությունների գործունեության հաշվառում։
Ֆրանսիայի բանկը ֆինանսական տեղեկատվություն է հավաքում ընկերությունների մասին և տրամադրում այլ ընկերությունների։ 2007 թվականին բանկն իրավունք է ստացել, գնահատական տալ իրավաբանական անձի վարկունակության վերաբերյալ։
Ֆիզիկական անձանց գծոով Ֆրանսիայի բանկը հաշվառում է վճարումների հետ կապված միջադեպերը․
- կորցրած կամ գողացված չեկերի ազգային ցանկը
- ապօրինի ֆինանսական գործարքների հետ կապված միջադեպերի կենտրոնական ցուցակ
- անհատների կողմից վարկերի չմարման հետ կապված միջադեպերի ազգային ցուցակ
- Ֆրանսիայի բանկի պաշտոնական կայքէջ (ֆր.)
- Ֆրանսիայի բանկի 2008 թվականի հաշվետվությունը Արխիվացված 2010-10-11 Wayback Machine (ֆր.)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
