Ֆորշ

Ֆորշ (իրական անունը՝ Վահան Գեորգիի Գևորգյան) (մայիսի 25, 1967(1967-05-25), Երևան, Հայկական ԽՍՀ, ԽՍՀՄ), հայ երգիչ, երգահան, Հայաստանի վաստակավոր արտիստ (2011)^[1]։

Ֆորշ
Ի ծնե անուն	Վահան Գեորգիի Գևորգյան
Ծնվել է	մայիսի 25, 1967(1967-05-25) (57 տարեկան) Երևան, Հայկական ԽՍՀ, ԽՍՀՄ
Երկիր	Հայաստան
Մասնագիտություն	Երգիչ, երգահան
Գործիքներ	վոկալ
Գործունեություն	1983 թվականից
Կրթություն	Երևանի Կոմիտասի անվան պետական կոնսերվատորիա
Պարգևներ

Կենսագրություն

1985 թվականին ավարտել է Երևանի Չայկովսկու անվան երաժշտական դպրոցի ջութակի դասարանը։ 1985-1992 թվականներին սովորել է Երևանի Կոմիտասի անվան պետական կոնսերվատորիայի ջութակի բաժնում։ 1983 թվականից երգեր է գրում։ 1990-1996 թվականներին եղել է «Մետրո» թատրոնի դերասան և կոմպոզիտոր։

Հեղինակել է մի շարք բեմադրությունների երաժշտություններ՝ Նիկոլայ Ծատուրյանի «Հեթում արքա», «Ապերախտ տղամարդիկ», Վիգեն Ստեփանյանի «Շունն ու կատուն» և այլն։

Նկարահանվել է ֆիլմերում։ Հեղինակել է ավելի քան 50 երգ։ 1994 թվականին հիմնադրել է «Ռե Մինոր» խումբը և համերգներով հանդես է եկել տարբեր երկրներում։ 2008 թվականին հիմնել է «Ֆորշ և ընկերներ» կազմակերպությունը, որը Սևանա լճի ափին իրականացրել է «Երաժիշտներ հանուն խաղաղության» միջազգային փառատոնը։ Նկարահանել է ավելի քան 20 տեսահոլովակ^[2]։

Ալբոմներ

• «Բարև, իմ սեր» (1994)
• «Գիշեր» (1997)
• «Խենթ աղջիկ» (2002)
• «Այսպես էլ ապրում ենք» (2004)
• «The Best»
• «Երևանը մենք ենք» (2014)

Պարգևներ

• Երևանի քաղաքապետի ոսկե մեդալ, 2016^[3]

Ծանոթագրություններ

1. Հայաստանի Հանրապետության պատվավոր կոչումներ շնորհելու մասին
2. «Ֆորշի կենսագրությունը zarkfoundation.com կայքում».
3. «yerevan.am | ՔԱՂԱՔԱՊԵՏԻ ՈՐՈՇՈՒՄՆԵՐ». www.yerevan.am. Վերցված է 2016 թ․ հոկտեմբերի 10-ին.

Արտաքին հղումներ

• Երգարան
• Ֆորշ - Խենթ Աղջիկ
• Ֆորշ - Փոխում եմ Կեսգիշերը Քո Սիրո