Օհանավան

Օհանավան, գյուղ Հայաստանի Արագածոտնի մարզի Աշտարակ համայնքում^[2], Քասաղ գետի բարձրադիր ափին։ Հեռավորությունը մարզկենտրոնից՝ 3 կմ հյուսիս-արևելք, ծովի մակերևույթից՝ 1330 մետր։

Գյուղ
Օհանավան
Երկիր	Հայաստան
Մարզ	Արագածոտնի մարզԱրագածոտնի մարզ
Համայնք	Արագածոտնի մարզ, Աշտարակի շրջան և Հայկական մարզ
Ղեկավար	Հայրապետյան Էդգար
Հիմնադրված է	1828 թ.
Այլ անվանումներ	Անավանք, Հովհանու վանք, Օհանավանք
ԲԾՄ	1330 մ
Պաշտոնական լեզու	հայերեն
Բնակչություն	2312[1] մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Փոստային ինդեքս	378425
Փոստային դասիչ	02112027
Օհանավան (Հայաստան) Օհանավան (Արագածոտնի մարզ)
Օհանավան Վիքիպահեստում

Համայնքների բնակչության թիվը ներկայացված է առ 01.07.2019 թ։ Օհանավան համայնքը հիմնադրվել է 1828 թվականին։ Գյուղը հիմնել են Պարսկաստանի Մակու Գավառից, 1826-1828 թթ. ռուս-պարսկական պատերազմից հետո կազմակերպված ընդհանուր գաղթի ժամանակ ապաստան գտած գաղթյալները։

Անվանում

Օհանավանը նաև ճանաչված է եղել որպես Անավանք, Հովհանու վանք, Օհանավանք^[3] ։

Բնակչություն

Օհանավանի ազգաբնակչության փոփոխությունը^[4].

Տարի	1831	1873	1897	1926	1939	1959	1970	1979	1989	2001	2011
Բնակիչ	229	440	601	1015	1193	1160	1373	1525	1887	2254	2312[1]

Տնտեսություն

Բնակչությունը զբաղվում է անասնապահությամբ, այգեգործությամբ, պտղաբուծությամբ, բանջարաբոստանային և կերային կուլտուրաների մշակությամբ։ Հիմնականում գյուղը զբաղվում է խնձորի մշակությամբ։

Պատմական վայրեր

Հիմնական հոդված՝ Օհանավանի պատմության և մշակույթի անշարժ հուշարձանների ցանկ (Արագածոտնի մարզ)

Գյուղի արևելյան մասում է գտնվում Հովհաննավանքի վանական համալիրը (4-13-րդ դդ.), «Սերկևիլի Կալեր» բնակատեղին (մ.թ.ա. 1-ին հզմ.), «Վասակամուտ» ամրոցը (մ.թ.ա. 2-րդ-1-ին հզմ.), Կաթողիկե (սբ. Կարապետ) (1216 թ.) և 4-րդ դարի Սուրբ Կարապետ եկեղեցիները։ Օհանավանից 1 կմ հյուսիս գտնվում են Սուրբ Գրիգոր Լուսավորիչ անապատը (Անապատ հրեշտակաբնակ) (10-13-րդ դդ.) և «Աղկունծ» (13-րդ դ.) եկեղեցին, 10-14-րդ դարերի «Այծանոց» քարայր-կացարանը, իսկ 2 կմ հյուսիս՝ Սերկևլի գյուղատեղին (10-15-րդ դդ.), 11-13-րդ դարերի ամրոցը, Սուրբ Գրիգոր Լուսավորիչ (10-13-րդ դդ.), Սուրբ Աստվածածին (Կարմիր վանքեր) (10-13-րդ դդ.) եկեղեցիները և մ.թ.ա. 1-ին հազարամյակի «Ապարանի առու» ջրանցքը։

Պատկերասրահ

• 
  Վանական համալիր Հովհաննավանք
• 
  Քարայր-կացարանների համալիր
• 
  Հուշաղբյուր Օհանավան գյուղում

Աղբյուրներ

1. 2011 թ Հայաստանի մարդահամարի արդյունքները
2. Աշտարակ համայնքի մասին տեղեկություն մարզպետարանի կայքում, (արխիվացված 15․05․2023 թվականին)։
3. Ս.Հ. Հարությունյան (2003). Հայաստանի Հանրապետության Վարչատարածքային բաժանումը(01.01.2003). Երևան: «Տիգրան Մեծ» հրատարակչություն. ISBN 9994100009.
4. «Հայաստանի հանրապետության բնակավայրերի բառարան, էջ 209» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 թ․ սեպտեմբերի 20-ին.