From Wikipedia, the free encyclopedia
Քոբի Բոատենգ Մեյնու (անգլ.՝ Kobbie Boateng Mainoo[1][2][3],; ապրիլի 19, 2005, Ստոկպորտ, Մեծ Մանչեսթեր, Հյուսիսարևելյան Անգլիա, Անգլիա, Միացյալ Թագավորություն), անգլիացի ֆուտբոլիստ, «Մանչեսթեր Յունայթեդ» ակումբի և Անգլիայի հավաքականի կիսապաշտպան։
Քոբի Մեյնու անգլ.՝ Kobbie Mainoo | |||
---|---|---|---|
Քաղաքացիությունը |
![]() | ||
Ծննդյան ամսաթիվ | ապրիլի 19, 2005 (19 տարեկան) | ||
Ծննդավայր | Ստոկպորտ, Մեծ Մանչեսթեր, Հյուսիսարևելյան Անգլիա, Անգլիա, Միացյալ Թագավորություն | ||
Հասակ | 175 սանտիմետր | ||
Դիրք | կիսապաշտպան | ||
| |||
| |||
| |||
| |||
|
Սթոքպորտից ծնունդով Մեյնուն հանդես է եկել «Չիդլ ընդ Գաթլի» երիտասարդական թիմում, որից հետո ինը տարեկանում միացել է «Մանչեսթեր Յունայթեդի» ֆուտբոլային ակադեմիային[4]։ 2021/22 մրցաշրջանում «Յունայթեդը» նվաճեց Անգլիայի երիտասարդական գավաթը[5]։ 2022 թվականի մայիսին 17-ամյա Մեյնուն ակումբի հետ կնքեց իր առաջին պրոֆեսիոնալ պայմանագիրը[6]։
2023 թվականի հունվարի 10-ին Քոբի Մեյնուն իր նորամուտը նշեց «Մանչեսթեր Յունայթեդի» հիմնական կազմում Անգլիայի ֆուտբոլային լիգայի Գավաթի քառորդ եզրափակչի խաղում՝ մեկնարկային կազմում դուրս գալով «Չարլթոն Ատլետիկի» դեմ խաղում[7]։ 2023 թվականի փետրվարի 19-ին իր նորամուտը նշեց Պրեմիեր լիգայում՝ «Լեսթեր Սիթիի» դեմ խաղի 80-րդ րոպեին փոխարինման դուրս գալով Մարսել Զաբիտցերին[8]։ 2023 թվականի նոյեմբերի 29-ին իր նորամուտը նշեց Չեմպիոնների լիգայում՝ «Գալաթասարայի» դեմ խաղի 58-րդ րոպեին փոխարինման դուրս գալով Սոֆյան Ամրաթին[9]։ 2024 թվականի հունվարի 28-ին խփել է իր առաջին գոլը «Յունայթեդի» կազմում «Նյուպորտ Քաունթիի» դեմ Անգլիայի Գավաթի խաղում[10]։ Չորս օր անց՝ փետրվարի 1-ին, Պրեմիեր լիգայի՝ «Վուլվերհեմփթոն Ուոնդերերսի» դեմ խաղում Ավելացված 7-րդ րոպեին խփեց հաղթական գոլը և իր թիմին 4:3 հաշվով հաղթանակ պարգևեց[11]։ Այս գոլը Պրեմիեր լիգայում ճանաչվել է «ամսվա գոլ» 2024 թվականի փետրվարի արդյունքներով[12]։ 2024 թվականի մայիսի 25-ին հաղթել է Անգլիայի գավաթը՝ գոլ խփելով «Մանչեսթեր Սիթիի» դեմ եզրափակիչ խաղում[13] և ճանաչվել հանդիպման լավագույն խաղացող[14]։
Հանդես է եկել Անգլիայի Մ-17, Մ-18 և Մ-19 հավաքականներում։
Կարող է հանդես գալ նաև Գանայի հավաքականներում, քանի որ նրա ծնողներն այդ երկրից են[15]։
2024 թվականի մարտի 15-ին 18-ամյա Մեյնուն ստացավ իր առաջին մարտահրավերը Անգլիայի մինչև 21 տարեկանների հավաքականում[16]։ Սակայն չորս օր անց Մեյնուն հրավիրվել է Անգլիայի գլխավոր հավաքական՝ մասնակցելու Բրազիլիայի և Բելգիայի հավաքականների դեմ ընկերական խաղերին[17]։ 2024 թվականի մարտի 23-ին իր նորամուտը նշեց Անգլիայի հավաքականի կազմում Բրազիլիայի հավաքականի դեմ ընկերական խաղում[18]։ 2024 թվականի հունիսի 6-ին ընդգրկվել է Անգլիայի հավաքականի վերջնական հայտացուցակում, որը կազմել է Գարեթ Սաութգեյթը Եվրո-2024-ին մասնակցելու համար[19]։
«Մանչեսթեր Յունայթեդ»
Տվյալները ներկայացված են 2024 թվականի մայիսի 25-ի դրությամբ[23]
Ակումբ | Մրցաշրջան | Լիգա[24] | Գավաթ[25] | Լիգայի գավաթ[26] | Եվրագավաթ[27] | Այլ | Ընդհանուր | ||||||
---|---|---|---|---|---|---|---|---|---|---|---|---|---|
Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Մանչեսթեր Յունայթեդ | 2022/23 | 1 | 0 | 1 | 0 | 1 | 0 | 0 | 0 | — | 3 | 0 | |
2023/24 | 24 | 3 | 6 | 2 | 0 | 0 | 2 | 0 | — | 32 | 5 | ||
Ընդհանուր կարիերայի ընթացքում | 25 | 3 | 7 | 2 | 1 | 0 | 2 | 0 | 0 | 0 | 35 | 5 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.