Քերի Փրեստոն

Քերի Փրեսթոն (անգլ.՝ Carrie Preston, հունիսի 21, 1967(1967-06-21)^[1], Մեյկոն, Ջորջիա, ԱՄՆ), ամերիկացի դերասանուհի, ռեժիսոր և պրոդյուսեր, ավելի հայտնի է «Իրական արյուն», «Լավ կին» հեռուստասերիալներում կատարած իր դերերով։ 2013 թվականին ստացել է Էմմի մրցանակ «Կնոջ լավագույն դերակատարում դրամատիկական հեռուստասերիալում» անվանակարգում «Լավ կին» սերիալում կատարած իր դերի համար^[2][3]։

Քերի Փրեստոն
Ծնվել է	հունիսի 21, 1967(1967-06-21)[1] (57 տարեկան)
Ծննդավայր	Մեյկոն, Ջորջիա, ԱՄՆ
Կրթություն	Ջուլիարդ դպրոց, Էվանսվիլի համալսարան և Central High School?
Քաղաքացիություն	ԱՄՆ
Մասնագիտություն	թատրոնի դերասանուհի, կինոդերասանուհի, հեռուստատեսային դերասանուհի, կինոպրոդյուսեր, կինոռեժիսոր և մոնտաժող
Ամուսին(ներ)	Մայքլ Էմերսոն
Պարգևներ և մրցանակներ	Փրայմթայմ Էմմի մրցանակ և «Էմմի» մրցանակ դրամատիկական հեռուստասերյալներում հրավիրված ամենալավ դերասանուհի կատեգորիայում
carriepreston.com

Կյանքը և կարիերան

Քերի Փրեստոնը ծնվել և մեծացել է Մեյքոնում (Ջորջիա)։ 1990 թվականին նա ավարտել է Էվանսվիլի համալսարանը բակալավրի աստիճանով, իսկ 4 տարի անց՝ Ջուլիարդի դպրոցը և շուտով սկսել է ելույթ ունենալ Բրոդվեյի բեմում^[4]։ Փրեստոնն ավելի հայտնի է Արլին Ֆաուլերի դերով «Իրական արյուն» հեռուստասերիալում, որտեղ նա նկարահանվել է 2008-2014 թվականների ընթացքում։ Նա նաև հայտնի է իր պարբերական դերով «Լավ կին» սերիալում։ Բացի այդ նա հայտնվել է շատ այլ սերիալներում, որոնց թվում են նաև «Սփին-Սիթի», «Դանդաղացված զարգացում», «Օրենք և կարգ։ Հատուկ կորպուս», «Հուսահատ տնտեսուհիները» «Կորուսյալները» (The Man Behind the Curtain տեսարանում), «Մասնավոր պրակտիկա» և «Տեսադաշտում» հեռուստասերիալները։ Մեծ էկրանին նա նշանակալից դերեր է ունեցել «Լավագույն ընկերոջ հարսանիքը», «Հարստության և աղքատության մեջ» և «Սթեփֆորդյան կանայք» ֆիլմերում։

1998 թվականից Քերի Փրեստոնն ամուսնացած է դերասան Մայքլ Էմերսոնի հետ^[4]։

Ֆիլմագրություն

• 1997 — Լավագույն ընկերոջ հարսանիքը / My Best Friend’s Wedding
• 1997 — Հարստության և աղքատության մեջ / For Richer or Poorer
• 1998 — Մերկուրին վտանգի մեջ է / Mercury Rising
• 2000 — Բագեր Վանսայի լեգենդը / The Legend of Bagger Vance
• 2004 — Սթեփֆորդյան կանայք / The Stepford Wives
• 2005 — Տռանսամերիկա / Transamerica
• 2008 — Վիկի Կրիստինա Բարսելոնա / Vicky Cristina Barcelona
• 2010—2015 — Լավ կին / The Good Wife
• 2008—2014 — Իրական արյուն/ True Blood
• 2011—2016 — Տեսադաշտում/Person of Interest
• 2017 — Լավ կռիվ /The Good Fight

Ծանոթագրություններ

1. Internet Broadway Database — 2000.
2. Nellie Andreeva (15 сентября 2013). «HBO, 'Behind The Candelabra' Lead Creative Arts Emmy Awards; 'Undercover Boss', 'South Park', Tony Awards, Bob Newhart, Dan Bucatinsky, Melissa Leo, Carrie Preston, Heidi Klum & Tim Gunn Among Winners». Deadline.com. Վերցված է 2013 թ․ սեպտեմբերի 16-ին.
3. Lynette Rice (2013 թ․ հուլիսի 18). «Emmys 2013: And the nominees are...». Entertainment Weekly. Արխիվացված օրիգինալից 2013 թ․ հուլիսի 19-ին. Վերցված է 2013 թ․ հուլիսի 18-ին.
4. «Carrie Preston Biography». BuddyTV. Արխիվացված օրիգինալից 2012 թ․ հոկտեմբերի 30-ին. Վերցված է 2012 թ․ սեպտեմբերի 6-ին.

Վիքիպահեստն ունի նյութեր, որոնք վերաբերում են «Քերի Փրեստոն» հոդվածին։