Քեթի Խուրադո ( իսպ.՝ Katy Jurado ; ծնյալ Մարիա Քրիստինա Էստելա Մարսելա Խուրադո Գարսիա, իսպ.՝ María Cristina Estela Marcela Jurado García ; Հունվարի 16 , 1924 - հուլիսի 5, 2002 ), մեքսիկացի դերասանուհի, առաջին լատինաամերիկացին, ով ստացել է Օսկարի անվանակարգ (1955) և արժանացել «Ոսկե գլոբուս» մրցանակի։ 1950-1960-ական թվականներին լայն ժողովրդականություն վայելող վեսթերն ֆիլմերում տարաբնույթ կերպարներ տպավորիչ կերպով մարմնավորելով՝ մեքսիկացի բազմաթիվ երիտասարդ կինոդերասանուհիների համար ճանապարհ է հարթել ամերիկյան կինո մուտք գործելու համար[8]։
Քեթի Խուրադո | |
---|---|
![]() | |
Ծննդյան թիվ՝ | հունվարի 16, 1924[1][2][3][…] |
Ծննդավայր՝ | Գվադալախարա, Մեքսիկայի Միացյալ Նահանգներ |
Վախճանի թիվ՝ | հուլիսի 5, 2002[1][3][4][…] (78 տարեկան) |
Վախճանի վայր՝ | Կուերնավակա, Մեքսիկայի Միացյալ Նահանգներ[5][6][7] |
Քաղաքացիություն՝ | ![]() |
Մասնագիտություն՝ | դերասանուհի, լրագրող, քննադատ, հեռուստատեսային դերասանուհի, կինոդերասանուհի և թատրոնի դերասանուհի |
Պարգևներ՝ | |
IMDb։ | ID 0432827 |
Ապագա դերասանուհին ծնվել է մեքսիկական Գվադալախարա քաղաքում, մի ընտանիքում, որը համադրել է անդալուզյան արիստոկրատական արյունը գնչուների արյան հետ։ Նա իր դերասանական կարիերան սկսել է առաջին ամուսնուց բաժանվելուց հետո՝ 1950-ականներին Հոլիվուդում, իսկ ավելի ուշ վերադարձել է Մեքսիկա, որտեղ շարունակել է նկարահանվել ֆիլմերում։
Քեթիի ճանաչման ու համբավի հիմքը դրվել է մեքսիկական «Մենք աղքատ ենք» ֆիլմի թողարկումով։ 1954 թվականին նա առաջադրվել է Օսկարի «Կոտրված նիզակը» ֆիլմի համար՝ դառնալով առաջին լատինաամերիկացի դերասանուհին, ով առաջադրվել է այդ հեղինակավոր մրցանակին։ Մինչև 2003 թվականը, երբ Սալմա Հայեկը առաջադրվեց «Օսկարի» լավագույն դերասանուհի անվանակարգում, Քեթի Խուրադոն համարվել է միակ մեքսիկացի դերասանուհին էր, որը պայքարել է այդ մրցանակի համար։ Ավելի ուշ՝ 2007 թվականին, Ադրիանա Բառազան նույնպես առաջադրվել է այս մրցանակին։
Հանրահայտ «Ուղիղ կեսօրին» վեսթերնում սևահեր ու թխադեմ Խուրադոն մարմնավորել է Էլեն Ռամիրեսին՝ դառնալով ձյունաճերմակ Գրեյս Քելիի մրցակիցը և ստանալով «Ոսկե գլոբուս» երկրորդ պլանի լավագույն դերասանուհու համար։
Քեթի Խուրադոն կինոյում իր ներդրած ավանդի համար աստղ ունի Հոլիվուդի Փառքի ծառուղում (7065, Հոլիվուդյան բուլվար )։ Դերասանուհին այս մրցանակին արժանացել է կինոյի այլ գործիչների հետ Օսկարի 75 -- րդ մրցանակաբաշխության ժամանակ։
1953 թվականին մեքսիկացի նկարիչ Դիեգո Ռիվերան վրձնել է Խուրադոյի դիմանկարը[9]։ 1998 թվականին հայտնի մեքսիկացի կոմպոզիտոր և երգիչ Խուան Գաբրիելը Que re'chula is Katy[10] երգը նվիրել է Քեթի Խուրադոյին։ 2018 թվականի հունվարի 16-ին դերասանուհուն է նվիրվել Google Doodle-ը[11]։
Դերասանուհին ամուսնացել։ է րկու անգամ։ Առաջին ամուսնուց՝ մեքսիկացի դերասան Վիկտոր Վելասկեսից, նա երկու երեխա ուներ (ամուսնալուծվել է 1943 թվականին)։ Նրա երկրորդ ամուսինը դերասան Էռնեստ Բորգեյնն էր (1959–1963):
Քեթի Խուրադոն մահացել է 2002 թվականին՝ 78 տարեկան հասակում, երիկամային անբավարարությունից և թոքային հիվանդությունից, Մեքսիկայի Կուերնավակա քաղաքում գտնվող իր տանը։
Տարի | Հայերեն անվանում | Բնօրինակ անվանում | Դեր | |
---|---|---|---|---|
1952 | ֆ | Ուղիղ կեսօրին | High Noon | Հելեն Ռամիրես |
1953 | ֆ | Գազանը | El bruto | Պալոմաма |
1954 | ֆ | Կոտրված նիզակ | Broken Lance | սենյորա Դևերո |
1956 | ֆ | Սեղան | Trapeze | Ռոզա О’Ֆլին |
1960 | ս | Մարդը Արևմուտքից | The Westerner | Կառլոտա |
1961 | ֆ | Միակնանի ասպետներ | One-Eyed Jacks | Մարիա Լոնգվորտ |
1961 | ֆ | Բարրաբա | Barabba | Սառա |
1962 | ս | Օրեր Մահվան հովտում | Death Valley Days | Լա Տուլես |
1968 | ֆ | Մի կողմ քաշվի՛ր, Ջո՛ | Stay Away, Joe | Էննի Լայթքլաուդ |
1973 | ֆ | Փեթ Գերեթն ու Բիլլի Քիդը | Pat Garrett & Billy The Kid | միսիս Բեյքեր |
1977 | ս | Բարետան | Baretta | Ռոզա Քանզոն |
1979 | ս | Չհորինված պատմություններ | Tales of the Unexpected | կին |
1984 | ֆ | Հրաբխի ստորոտին | Under the Volcano | սենյորա Գրիգորիա |
1996-1997 | ս | Առանց քեզ չեմ ապրի | Te sigo amando | Խուստինա |
1998 | ֆ | Բլուրների ու հովիտների երկիրը | The Hi-Lo Country | Մեսսա |
Մրցանակը | Տարին | Անվանակարգը | Առաջադրված աշխատանքի վերնագիրը | Արդյունքը |
---|---|---|---|---|
Օսկար | 1955 թ | Երկրորդ պլանի լավագույն դերակատարուհի | Կոտրված նիզակ | Հաղթանակ |
Ոսկե գլոբուս | 1953 թ | Լավագույն նորեկ դերասանուհի | Ուղիղ կեսօրին | Առաջադրված |
Երկրորդ պլանի լավագույն դերակատարուհի ֆիլմում | Հաղթանակ | |||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.