Տիտոս Լիվիոս

Տիտոս Լիվիոսը (լատիներեն՝ Titus Livius մ. թ. ա. 59, Պադովա, Հռոմեական Հանրապետություն^[1] - 17^[1], Պադովա, Հռոմեական կայսրություն^[1]), Հին Հռոմի պատմաբան է, որը գրել է ամբողջ Հռոմի պատմությունը իր ստեղծված օրվանից (753 մ.թ.ա.) մինչև Դրուսոսի մահը (9 մ.թ.ա.), 142 գրքով։ Բայց այդ 142-ից ընդամենը 35 են պահպանվել մինչ այսօր։ Գրքի անվանումն է Ab Urbe condita («Հռոմի պատմություն»), բառացի թարգմանություն՝ «Հիմնադրված քաղաքից»։

Տիտոս Լիվիոս լատին․՝ Titus Livius
Ծնվել է	մ. թ. ա. 59 Պադովա, Հռոմեական Հանրապետություն[1]
Մահացել է	17[1] Պադովա, Հռոմեական կայսրություն[1]
Քաղաքացիություն	Հին Հռոմ
Մասնագիտություն	պատմաբան, գրող և բանաստեղծ
Տիրապետում է լեզուներին	լատիներեն[2][3]
Քաղվածքներ Վիքիքաղվածքում
Titus Livius Վիքիպահեստում

Նա ծնվել է մ.թ.ա. 59 թ.-ին Պադուա քաղաքում։ Լինելով ազնվականի որդի, կրթվել և դաստիարակվել է որպես իսկական հռետոր։ Տիտոս Լիվիոսը գնում է Հռոմ մ.թ.ա. 30-ին՝ այն ժամանակ, երբ Մարկոս Անտոնիոսը և Օգոստոսը քաղաքացիական պայքարի մեջ էին։ Տեսնելով որ այլևս ոչ մեկ չի պահպանում հին ավանդույթները, նա հրաժարվում է քաղաքական զործիչ դառնալուց և որոշում է օգտակար լինել իր ազգին՝ գրելով Հռոմի պատմությունը։ Այդ տարիների ընթացքում Տիտոսը ընկերանում է կայսր Օգոստոսի հետ և դառնում է հայտնի ամբողջ Հռոմեական կայսրության մեջ։ Իր կյանքի վերջին տարիներին նա վերադառնում է Պադուա և մահանում է 17 թ.-ին։