Թերենս Հովարդ

Թերենս Դեշոն Հովարդ (անգլ.՝ Terrence Dashon Howard, մարտի 11, 1969(1969-03-11)^[1][2][3], Չիկագո, Իլինոյս^[4]), ամերիկացի դերասան և երգիչ^[5]։ Հովարդն իր կարիերան սկսել է 1990-ական թվականներին հեռուստատեսությունում նախքան «Խաչեղբայր» (1999) ռոմանտիկ կատակերգությունում ստացած իր հայտնի դերը։

Թերենս Հովարդ
Ծնվել է	մարտի 11, 1969(1969-03-11)[1][2][3] (55 տարեկան)
Ծննդավայր	Չիկագո, Իլինոյս[4]
Կրթություն	Պրատտի ինստիտուտ
Քաղաքացիություն	ԱՄՆ
Մասնագիտություն	դերասան, երգիչ, հեռուստատեսային դերասան, կինոդերասան, հնչյունավորող և հեռուստատեսային պրոդյուսեր
Պարգևներ և մրցանակներ	Հոլիվուդյան փառքի ծառուղու աստղ

Հովարդը առաջադրվել է «Օսկար լավագույն դերասանի համար» մրցանակին՝ «Ունայնություն և շարժում» (2005) ֆիլմում սուտենյորի խաղի համար։ 2000-ական թվականներին դերեր է ունեցել նաև «Հարթի պատերազմ» (2002), «Բախում» (2004), «Հարստանալ կամ մեռնել» (2005) և «Խիզախը» (2007) ֆիլմերում։ «Երկաթե մարդը» (2008) ֆիլմում ունեցած դերից հետո նրա կարիերան անկում է ապրել, Հովարդը դերասանի աշխատանքում ձեռք է բերել խնդրահարույց համբավ և հետագա սիքվելներում ստուդիայի հետ տարաձայնությունների պատճառով փոխարինվել է Դոն Չիդլով^[6]։ Հովարդն այնուհետև տեղափոխվել է հեռուստատեսություն, որտեղ նկարահանվել է ոչ երկար ժամանակ գոյատևած NBC-ի «Օրենք և կարգ։ Լոս Անջելես» (2010–2011) սերիալում, իսկ 2015 թվականին սկսել է կատարել Լյուսիուս Լայոն դերը, որը Fox օպերայի «Կայսրություն» սերիալի փրայմ-թայմի հիմնական հակառակորդն էր։

Վաղ տարիներ

Հովարդը ծնվել է Իլինոյս նահանգի Չիկագո քաղաքում։ Մեծացել է Օհայո նահանգի Քլիվլենդ քաղաքում։ Անիտա Ուիլյամսի ու Թերենս Հովարդի որդին է^[7]։ Նրա մեծ տատիկը՝ Միննի Գենտրին, նույնպես դերասանուհի էր, ինչպես նաև նրա մայրը և հորեղբայրը^[8]։ Հովարդի ծնողները կիսով չափ աֆրոամերիկացի և եվրոամերիկացի են։ Երբ նա երեխա էր, նրա հայրը հայտնվել է բանտում։ 16 տարեկան հասակում նա իր ծնողներից հեռացել է։ 18 տարեկան հասակում Հովարդը տեղափոխվել է Նյու Յորք և երազել է ուսուցիչ դառնալ, սակայն իր ուսումը չի ավարտել։ Չնայած նրան, որ աստիճան չի ստացել, սակայն Հովարդը պնդում է, որ նա ինժեներ է^[9]։

Անձնական կյանք

Երկու անգամ ամուսնացած է եղել Լորի Մաքքոմասի հետ։ Այս ամուսնությունից Հովարդն ունի երեք երեխա՝ որդին՝ Հանթերը (ծնվ. 1995 թվական) և երկու դուստրերը՝ Օբրին (ծնվ. 1993 թվական) և Հավենլին (ծնվ. 1997 թվական)։ Հովարդը երկու թոռ ունի. նրա դուստրը՝ Օբրին և նրա ամուսինը՝ Ուիլիամ Գեյլը, ունեն դուստր՝ Հեյզել Անիտան (ծնվ. 26.12.2012)^[10] և որդի՝ Էդրիան Վիլիամը (ծնվ. 27.01.2015)^[11]։

2010 թվականի հունվարին ամուսնացել է Միշել Գենտի հետ։ Զույգը բաժանվել է 2013 թվականի մայիսին։

2013 թվականի դեկտեմբերի 3-ին՝ մի քանի ամսվա հարաբերություններից հետո, Հովարդը ամուսնացել է Միրա Պակի հետ։ 2015 թվականի մայիսի 15-ին ծնվում է զույգի որդին՝ Կիրին Լավ Հովարդը^[12]։ 2015 թվականի օգոստոսին հայտնի է դարձել, որ Հովարդն ու Պակը բաժանվել են 2015 թվականի հուլիսի 27-ին^[13]։ 2016 թվականի գարնանը զույգը հայտարարել է, որ կրկին միասին են և սպասում են իրենց երկրորդ երեխային^[14]։ 2016 թվականի օգոստոսի 12-ին ծնվել է Հովարդի ու Պակի երկրորդ որդին՝ Հիրո Վալենտինո Հովարդը^[15]։

Ֆիլմագրություն

Տարի		Հայերեն անվանում	Բնօրինակ անվանում	Դեր
1993	ֆ	Ով է այս մարդը	Who's the Man?	հանդերձարար
1995	ֆ	Պարոն Հոլանդի աշխատությունը	Mr. Holland's Opus	Լուիս Ռաս
1995	ֆ	Մահացած նախագահներ	Dead Presidents	Կովբոյ
1999	ֆ	Լավագույն ծրագրեր	Best Laid Plans	Ջիմի
1999	ֆ	Լավագույն մարդը	The Best Man	Քվենտին Սպայվի
2000	ֆ	Մեծ մայրիկի տունը	Big Momma's House	Լեսթեր Վեսկո
2001	ֆ	Հրեշտակի աչքերը	Angel Eyes	Ռոբի
2002	ֆ	Հարթի պատերազմը	Hart's War	Լեյտենանտ Լինքոլն Սքոթ
2004	ֆ	Բախում	Crash	Քեմերոն Թեյեր
2005	ֆ	Հարստանալ կամ մեռնել	Get Rich or Die Tryin	Բամա
2005	ֆ	Չորս եղբայրներ	Four Brothers	Լեյտենանտ Գրին
2005	ֆ	Ունայնություն և շարժում	Hustle & Flow	Դիջեյ
2007	ֆ	Խիզախը	The Brave One	խուզարկու Շոն Մերսեր
2007	ֆ	Ավգուստ Ռաշ	August Rush	Ռիչարդ Ջեֆրիս
2007	ֆ	Նարկոզ	Awake	բժիշկ Ջեք Հարպեր
2007	ֆ	Հպարտություն	Pride	Ջիմ Էլիս
2008	ֆ	Երկաթե մարդը	Iron Man	գնդապետ Ջեյմս «Ռոուդի» Ռոուդս
2009	մֆ	Արքայադուստրը և գորտը	The Princess and the Frog	Ջեյմս
2009	ֆ	Մարտ առանց կանոնների	Fighting	Հարվի Բորդեն
2011	ֆ	Կրքի գինը	The Ledge	Հոլիս Լուչետի
2011	ֆ	Կարմիր պոչեր	Red Tails	գնդապետ Էյ-Ջեյ Բալլարդ
2012	ֆ	Կեղտոտ խաղեր	The Company You Keep	Կոռնելիուս
2013	ֆ	Ծառայապետ	The Butler	Հովարդ
2013	ֆ	Գերիներ	Prisoners	Ֆրանկլին Բիրչ
2013	ֆ	Անտառներում	In the Woods
2014	ֆ	Նենգադուլ	Sabotage	Ջուլիուս «Շուգար» Էդմոնդս
2015	ֆ	Կյանքի ժամկետը	Term Life
2015—2019	ս	Կայսրություն	Empire	Լյուսիուս Լայոն
2015	ս	Սոճիներ	Wayward Pines	Շերիֆ Փոփ

Սկավառակագրություն

• Shine Through It (2008)

Ծանոթագրություններ

1. Internet Broadway Database — 2000.
2. filmportal.de — 2005.
3. Discogs — 2000.
4. Deutsche Nationalbibliothek Record #140016112 // Gemeinsame Normdatei (գերմ.) — 2012—2016.
5. Movie Stars Who Sing
6. Nicole Sperling (4 ноября 2008). «'Iron Man 2': Why Terrence Howard was recast». Entertainment Weekly. Վերցված է 2015 թ․ մարտի 25-ին.
7. «People: Johnny Depp passes Will Smith as top-earning actor — The Denver Post». Արխիվացված է օրիգինալից 2016 թ․ մարտի 4-ին. Վերցված է 2021 թ․ հունվարի 8-ին.
8. Obituary: Anita Williams / Mother of actor, recruiter at Pitt
9. July 2005 | blackfilm.com | features | interview | An Interview with Terrence D. Howard and Producer Stephanie Allain
10. «TERRENCE HOWARD IS A GRANDPA» (անգլերեն). Արխիվացված է օրիգինալից 2013 թ․ հունվարի 4-ին.
11. «Terrence Howard Talks Becoming A Father Again And His New Grandson» (անգլերեն). Արխիվացված է օրիգինալից 2020 թ․ նոյեմբերի 30-ին. Վերցված է 2021 թ․ հունվարի 8-ին.
12. «Terrence Howard Welcomes Son Qirin Love» (անգլերեն). Արխիվացված է օրիգինալից 2016 թ․ օգոստոսի 24-ին. Վերցված է 2021 թ․ հունվարի 8-ին.
13. «Terrence Howard secretly ended marriage to Mira Pak». Mail Online. Վերցված է 2017 թ․ մարտի 23-ին.
14. «Baby on the Way for Terrence Howard as Mira Pak Reveals Baby Bump». PEOPLE.com. Արխիվացված է օրիգինալից 2017 թ․ մարտի 24-ին. Վերցված է 2017 թ․ մարտի 23-ին.
15. «Terrence Howard Welcomes Son Hero». PEOPLE.com. Արխիվացված է օրիգինալից 2017 թ․ մարտի 24-ին. Վերցված է 2017 թ․ մարտի 23-ին.

Վիքիպահեստն ունի նյութեր, որոնք վերաբերում են «Թերենս Հովարդ» հոդվածին։