Վելկա Սնեժնա քարանձավ
From Wikipedia, the free encyclopedia
From Wikipedia, the free encyclopedia
Վելկա Սնեժնա քարանձավ (լեհերեն՝ Jaskinia Wielka Śnieżna, բառացի թարգմանած՝ Ձյունոտ մեծ քարանձավ), կրաքարային քարանձավների համակարգ Կարպատյան լեռների Արևմտյան Տատրաներ ճյուղավորությունում, Լեհաստանի Հանրապետության հարավային մասում[1], Տատրաներ ազգային պարկում։ Ունի 23.723 մետր ընդհանուր երկարություն, իսկ ամենամեծ խորությունը 824 մետր է, և համարվում է ամենաերկար, ամենաընդարձակ ու ամենախոր քարանձավը Լեհաստանում[2][3], ինչպես նաև՝ ամենախորը Տատրաների ողջ լեռնահամակարգում։ Քարանձավային համակարգի որոշ հատվածներ դեռևս բավարար չափով ուսումնասիրված չեն։
Jaskinia Wielka Śnieżna-ն ընդհանրացված անվանումն է միմյանց հետ կապված հինգ քարանձավների, որոնք ուսումնասիրվել են առանձին-առանձին, տարբեր ժամանակներում։ Դրանք են՝ Jaskinia Śnieżna-ն, Jaskinia Wielka Litworowa-ն, Jaskinia nad Kotlinami-ն, Jasny Awen-ը և Jaskinia Wilcza-ն[4][5]։ Այս հինգ քարանձավներից ամենաերկարը Jaskinia Śnieżna-ն է՝ Ձյունոտ քարանձավը։ Այն նաև գլխավորն է և ամենավաղ հայտնաբերվածն ու ուսումնասիրվածը։ Ունի մոտավորապես 14.954 մետր երկարություն և 622 մետր առավելագույն խորություն[6]։
Ձյունոտ քարանձավի հետազոտումը շարունակվում է։ Միաժամանակ փորձեր են արվում նրան Լեհաստանում մեծությամբ երկրորդը համարվող Śnieżna Studnia քարանձավի հետ կապելու նպատակով[7]։
Վելկա Սնեժնայի ուսումնասիրման ընթացքում քիչ չեն եղել դժբախտ պատահարները, որոնց արդեն իսկ զոհ է գնացել առնվազն յոթ քարանձավագետ-հետազոտող[8][9][10][11][12]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.