Վաուտ Ֆաս
From Wikipedia, the free encyclopedia
From Wikipedia, the free encyclopedia
Վաուտ Ֆելիքս Լինա Ֆաս (հոլ.՝ Wout Felix Lina Faes, ապրիլի 3, 1998[1][2], Mol, Թյունհաութ, Անտվերպեն, Ֆլանդրիա, Բելգիա), բելգիացի ֆուտբոլիստ, անգլիական «Լեսթեր Սիթի» ակումբի և Բելգիայի հավաքականի պաշտպան։ 2024 թվականի Եվրոպայի առաջնության մասնակից։
Ֆասը բելգիական «Անդերլեխտի» սան է։ 2017 թվականի հունվարի 31-ին կես տարով վարձակալության է տրվել հոլանդական «Հերենվեն» ակումբին։ 2017 թվականի ապրիլի 1-ին նորամուտն է նշել Էրեդիվիզիում «Հերակլեսի» դեմ խաղում՝ 36-րդ րոպեին փոխարինման դուրս գալով Ռեզա Գուչանեջադի փոխարեն[3]։ Ընդհանուր առմամբ, մեկնարկային մրցաշրջանում մասնակցել է ութ հանդիպման, որոնցից յոթը սկսել է մեկնարկային կազմում։
2017 թվականի ամռանը վերադարձել է «Անդերլեխտ» և անմիջապես վարձավճարով տեղափոխվել մեկ այլ հոլանդական ակումբ՝ «Էքսելսիոր», որտեղ 2017 թվականի օգոստոսի 13-ին «Վիլլեմիի» դեմ խաղում նշել է նորամուտը[4]։
2022/23 մրցաշրջանը սկսել է «Ռեյմսում», որի կազմում Լիգա 1-ում անցկացրել է 3 հանդիպում: 2022 թվականի սեպտեմբերի 1-ին տեղափոխվել է Անգլիայի Պրեմիեր լիգայի «Լեսթեր Սիթի»՝ կնքելով հնգամյա պայմանագիր, տրանսֆերի գումարը կազմել է 15 միլիոն ֆունտ ստերլինգ[5]։ Սեպտեմբերի 17-ին նորամուտն է նշել «Լեսթեր Սիթիում»՝ մեկնարկային կազմում դուրս գալով «Տոտենհեմ Հոտսպուրի» դեմ Պրեմիեր լիգայի խաղում[6]։ 2022 թվականի դեկտեմբերի 30-ին դարձել է ԱՊԼ-ի պատմության 4 խաղացողը, որը մեկ խաղում 2 ինքնագոլ է խփել։
Հանդես է եկել Բելգիայի տարբեր տարիքի պատանեկան հավաքականներում։ Խաղացել է 2015 թվականի Եվրոպայի մինչև 17 տարեկանների առաջնությունում, որտեղ հավաքականի հետ հասել է կիսաեզրափակիչ: Հավաքականի հետ մասնակցել է նաև 2015 թվականի աշխարհի մինչև 17 տարեկանների առաջնությանը: Հավաքականի հետ նվաճել է բրոնզե մեդալներ: Մասնակցել է մրցաշարի բոլոր 7 հանդիպումներին։
2021 թվականի նոյեմբերին առաջին անգամ հրավիրվել է Բելգիայի առաջին հավաքական՝ մասնակցելու Էստոնիայի և Ուելսի հավաքականների դեմ 2022 թվականի աշխարհի առաջնության ընտրական խաղերին[7]։ Ուելսի հետ խաղում մնացել է պահեստայինների նստարանին և խաղադաշտ դուրս չի եկել[8]։ Իր երկրորդ հրավերը ստացել է 2022 թվականի մարտին՝ Իռլանդիայի և Բուրկինա Ֆասոյի հավաքականների դեմ ընկերական խաղերին մասնակցելու համար[9], բայց այս հանդիպումներին ևս խաղադաշտ դուրս չի եկել։ Երրորդ անգամ հրավիրվել է հավաքական 2022 թվականի մայիսին՝ Նիդերլանդների, Լեհաստանի և Ուելսի հավաքականների դեմ ՈւԵՖԱ-ի ազգերի լիգայի 2022/23 խաղերին մասնակցելու համար[10]։ Բելգիայի հավաքականի կազմում նորամուտն է նշել հունիսի 8-ին՝ Լեհաստանի դեմ խաղում փոխարինման դուրս գալով Ակսել Վիտսելին[11][12]։
2022 թվականի նոյեմբերի 10-ին ընդգրկվել է Բելգիայի հավաքականի պաշտոնական հայտացուցակում՝ Քաթարում կայանալիք 2022 թվականի Աշխարհի առաջնության խաղերին մասնակցելու համար[13]։
2022 թվականի հունիսի 8-ի դրությամբ
Հավաքական | Մրցաշրջան | Ընկերական | Պաշտոնական | Ընդամեննը | |||
---|---|---|---|---|---|---|---|
Խաղեր | Գոլեր | Խաղեր | Գոլեր | Խաղեր | Գոլեր | ||
![]() | |||||||
2022 | 0 | 0 | 1 | 0 | 1 | 0 | |
Ընդամենը կարիերայի ընթացքում | 0 | 0 | 1 | 0 | 1 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.