Վաղա
From Wikipedia, the free encyclopedia
From Wikipedia, the free encyclopedia
Վաղա (վրացերեն՝ ვაყა), գյուղ Վրաստանի Շիդա Քարթլիի մարզի Խաշուրի շրջանում, Ճերաթխևի գետակի ափին, Խաշուր քաղաքից 16 կմ հեռավորության և ծովի մակարդակից 670 մ բարձրության վրա։
Գյուղ | ||
---|---|---|
Վաղա | ||
վրաց.՝ ვაყა | ||
Վաղա գյուղը | ||
Երկիր | Վրաստան | |
Մարզ | Շիդա Քարթլի | |
Շրջան | Խաշուրի | |
Համայնք | Խաշուրի մունիցիպալիտետ | |
ԲԾՄ | 670 մ | |
Պաշտոնական լեզու | վրացերեն | |
Բնակչություն | 1160[1] մարդ (2014) | |
Ազգային կազմ | վրացիներ 99,5 %[2] | |
Ժամային գոտի | UTC+4 | |
Հեռախոսային կոդ | +995 | |
| ||
Համաձայն 2002 թվականի տվյալների, գյուղն ուներ 1423 բնակիչ, հիմնականում վրացիներ և հայեր[3][4]։ 2014 թվականի տվյալների համաձայն, գյուղում ապրում էր 1160 մարդ[1]։
Գյուղի տարածքում կան բրոնզի դարի և անտիկ շրջանի հնավայրեր։ 17-րդ դարում գյուղը տրվել է իշխանական տիտղոս ստացած և Քարթլիի թագավորների արքունիքում ատենադպիրի պաշտոն վարող Շանշեյան-Բեկթաբեկյան ընտանիքին՝ իբրև տիրույթ։ Այս տան ներկայացուցիչներից Ավթանդիլ ատենադպիրը նորոգել ու նոր շինություններով է օժտել հին եկեղեցին։ 1750-ական թվականներին, ըստ վրացերեն շինարարական արձանագրության, Սուլխան Բեկթաբեկյան-Բեկթաբեգաշվիլին ավելացրել է նախասրահ, երկու ժամատուն, եկեղեցի՝ տոհմական տապանատան վրա, և զանգակատուն։ Նախասրահում զետեղված են խնամքով մշակված և հայերեն արձանագրություններով երկու խաչքար։
Վաղայի հնագույն եկեղեցին գտնվում է համալիրի հարավարևելյան կողմում։ Այն ունի թաղածածկ դահլիճի հորինվածք, կիսաշրջանաձև խորանի երկու կողմում ուղղանկյուն ավանդատներով։ Դահլիճը թաղակիր կամարով և մեկ զույգ որմնամույթերով բաժանվում է երկու մասի։ Եկեղեցու ուշագրավ առանձնահատկությունը սովորականից մեծ բեմն է, որը գրավում է դահլիճի կեսը։ Արևմուտքից և հյուսիսից կից են թաղածածկ ժամատները, որոնցից դռներ են բացվում դեպի ուղղանկյուն երկհարկանի (երկրորդ հարկում միանավ թաղածածկ եկեղեցի է) տապանատունը։ Տապանատանը հյուսիսից կից է թաղածածկ նախասրահը։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.