Սուրբ Կարապետ եկեղեցի (Սկյուտար)
From Wikipedia, the free encyclopedia
From Wikipedia, the free encyclopedia
Սուրբ Կարապետ եկեղեցի, հայ առաքելական եկեղեցի Թուրքիայի Ստամբուլ քաղաքի Սկյուտար շրջանի Բաղլարբասի թաղամասում[1]։
Սուրբ Կարապետ եկեղեցի | |
---|---|
Հիմնական տվյալներ | |
Տեսակ | եկեղեցի |
Երկիր | Թուրքիա |
Տեղագրություն | Սկյուտար և Ստամբուլի մարզ |
Դավանանք | Հայ Առաքելական Եկեղեցի |
1593 թվականի ձեռագրում հիշատակվում է, որ Սուրբ Կարապետ եկեղեցին արդեն կառուցված էր։ Ենթադրվում է, որ մզկիթների շինարարության համար վանեցի և մշեցի շինարարներ էին եկել Սկյուտար և նրանք էլ կառուցել են եկեղեցին։ Վանեցի Զաքարյա վարդապետի ջանքերով եկեղեցին վերանորոգվել է 1617 թվականին[2][3]։ Եկեղեցու երրորդ վերաշինությունը 1727 թվականին կատարել է արքունի ճարտարապետ կեսարացի Սարգիս Խալֆան՝ Հովհաննես Կոլոտ Բաղիշեցի պատրիարքի օրոք։
1838 թվականին Սուրբ Կարապետի արևելյան կողմում կառուցվել է ճեմարան-վարժարան, որն ուներ պարսպապատ մեծ այգի։ 1844 թվականին եկեղեցին վերանորոգվեց Աստվածատուր Բ Կոստանդնուպոլսեցի պատրիարքի շրջանում։ 1887 թվականին եկեղեցին ավերվել է հրդեհից, իսկ 1888 թվականին վերակառուցվել է Հարություն Վեհապետյան պատրիարքի օրոք։
Եկեղեցին դիմացի կողմերից ունի բարձրադիր, երկու քարաշեն զանգակատներ։ Գավիթի վրա շինված է երկհարկանի վերնատուն։ Եկեղեցու առաջնամասում աջից և ձախից կան երկու մատուռներ։ Սուրբ Կարապետ եկեղեցու կողքը Հովհաննես Կոլոտ պատրիարքը բացել է Ստամբուլի առաջին դպրոցը։
Եկեղեցու վերջին վերանորոգումը եղել է 2006 թվականին։ Օծվել և պաշտանմունքի համար վերաբացվել է ձեռամբ Մեսրոպ Բ Մութաֆյանի։
Շենքը որպես առաջին աստիճանի քաղաքային պահպանվող տարածք գրանցվել է 1983 թվականի օգոստոսի 4-ին։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.