Սուրբ Գրիգոր Լուսավորիչ եկեղեցի (Ռիգա)
հայ առաքելական եկեղեցի, Ռիգա From Wikipedia, the free encyclopedia
Սուրբ Գրիգոր Լուսավորիչ եկեղեցի (լատիշ․՝ Gregora Apgaismotāja baznīca), հայկական առաքելական եկեղեցի Լատվիայի մայրաքաղաք Ռիգայում։ Հանդիսանում է Մայր Աթոռ Սուրբ Էջմիածնի Բալթյան երկրների հայոց թեմի առաջնորդանիստ եկեղեցին։ Գտնվում է մայրաքաղաքի կենտրոնական հատվածում՝ Կոյուսալաս 5 հասցեում[1]։
Անվան այլ կիրառումների համար տե՛ս՝ Սուրբ Գրիգոր Լուսավորիչ եկեղեցի (այլ կիրառումներ)
| Սուրբ Գրիգոր Լուսավորիչ եկեղեցի | |
|---|---|
.jpg) | |
| Հիմնական տվյալներ | |
| Տեսակ | եկեղեցի |
| Երկիր |  Լատվիա |
| Տեղագրություն | Ռիգա |
| Դավանանք | Հայ Առաքելական Եկեղեցի |
| Հիմնական ամսաթվերը | 1997 |
| Անվանված | Գրիգոր Լուսավորիչ |
| Հիմնադրված | 1997 |
 | |
 | |
 Saint Gregory the Illuminator Church in Riga Վիքիպահեստում | |
Ռիգայում եկեղեցի կառուցելու պատճառը այն էր, որ լատվիահայերի կեսը բնակվում էր երկրի մայրաքաղաքում[2]։ 1993 թվականին Լատվիայում հայ առաքելական եկեղեցին պաշտոնական գրանցում է ստացել։ Համայնքին հող հատկացնելու որոշումը կայացվել է 1997 թվականին, 1997 թվականի դեկտեմբերի 17-ին կատարվել է տաճարի հիմնարկեքը։ 2005 թվականի որոշմամբ հայ համայնքը մինչև 2047 թվականը հողատարածքներ էր վարձակալելու քաղաքապետարանից։ Հետագայում եկեղեցու տարածքը սեփականաշնորհվեց հայ առաքելական եկեղեցու անվամբ։ Ռիգայի Սուրբ Գրիգոր Լուսավորիչ եկեղեցին կառուցվել է հայ համայնքից հավաքագրված պետական գումարներով՝ Սուրբ Էջմիածնի հետ համաձայնեցված նախագծով։ Եկեղեցին օծվել է 2011 թվականին[3]։
Եկեղեցու հոգևոր հովիվն է Սուրբ Էջմիածնի բանագնաց Տեր Խոսրով Ստեփանյանը (Ղազարոս Աղայանի ծոռը), որը ծառայում է Ռիգայում 2005 թվականից։ 2011 թվականի հունիսի 30-ին Ռիգայի հայկական եկեղեցին հանդիսավոր կերպով օծվել է Գարեգին Բ կաթողիկոսի կողմից։ Այն, որպես կանոն, այցելում են Հայաստանից Լատվիա ժամանող բոլոր պաշտոնական և ոչ պաշտոնական պատվիրակությունները[4]։
Եկեղեցում գործում է Ղազարոս Աղայանի անվան հայկական կիրակնօրյա դպրոց։ Նրանք ուսումնասիրում են հայոց լեզու, հայոց պատմություն, քրիստոնեությունը և Սուրբ Եկեղեցու պատմությունը, աշխատում են ազգային պարեր, դրամատիկական խմբակներ։ Եկեղեցում գործում է երիտասարդական կազմակերպություն։
2020 թվականին եկեղեցին դարձել է նորաստեղծ թեմի առաջնորդանիստ տաճարը[5]։
Եկեղեցին մինչև 2020 թվականը մտնում էր Ռուսաստանի և Նոր Նախիջևանի հայոց թեմի մեջ և առաջին հայկական եկեղեցին է Բալթյան և Սկանդինավյան երկրներում, շենքը կառուցվել է հայկական ճարտարապետության ավանդույթներով։ Նախագիծը Հակոբ Բաբախանյանն է։ Երեսպատված է Իրանից բերված տրավերտինով։ Տեղադրվել է Վորոնեժում ձուլված երեք զանգ։ Նկուղում գործում է հայկական կիրակնօրյա դպրոց։ Տաճարի կառուցման նախաձեռնությունը և շինարարության սկզբնական փուլի ղեկավարումը պատկանում է Լատվիայի հայ համայնքին։ Եկեղեցու բակում կա Հայաստանից բերված տուֆից պատրաստված խաչքար։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
