Սուրբ Աստվածածին եկեղեցի (Բեշիքթաշ)
From Wikipedia, the free encyclopedia
From Wikipedia, the free encyclopedia
Սուրբ Աստվածածին եկեղեցի, հայ առաքելական եկեղեցի Թուրքիայի Ստամբուլ քաղաքի Բեշիքթաշ շրջանում[1]։
Սուրբ Աստվածածին եկեղեցի | |
---|---|
Հիմնական տվյալներ | |
Տեսակ | եկեղեցի |
Երկիր | Թուրքիա |
Տեղագրություն | Բեշիքթաշ և Ստամբուլի մարզ |
Դավանանք | Հայ Առաքելական Եկեղեցի |
Առաջին անգամ Գրիգոր վարդապետ Դարանաղցին 1623 թվականին հայտնում է, որ Բեշիքթաշի շրջանում կար հայկական ժամատուն՝ երկու քահանաներով։ Երեմիա Չելեպի Քյոմյուրճյանը ևս վկայում է Բեշիքթաշի փոքր ժամատան մասին։ 18-րդ դարի պատմիչ Սարգիս Դպիր Սարաֆ Հովհաննեսյանի համաձայն, Քեշիքթաշի եկեղեցին քանդվել է 1759 թվականին։ Օսմանյան աղբյուրներից հայտնի է դառնում, որ այս եկեղեցին կառուցվել էր ակնեցի Հակոբ Հովհաննեսյանի (Եաղուպ Ամիրա) բարերարությամբ։ Եկեղեցին քանդվել է առանց թույլտվության ընդարձակված լինելու պատճառաբանությամբ։
19-րդ դարի սկզբին նոր փայտաշեն եկեղեցի է կառուցվել։ 1838 թվականին արքունի ճարտարապետ Կարապետ Բալյանի կողմից քարաշեն եկեղեցի կառուցվեց[2]։ Այդ թվականներին Օսմանյան կայսրությունում արգելված էր գմբեթավոր եկեղեցիների կառուցումը։ Ճարտարապետը ներքին գմբեթ կառուցեց, որն արտաքինից չէր երևում։ Գմբեթի և պատերի զարդարանքները եվրոպական ոճով են։ Ներքին պատերը զարդարված են 19-րդ դարի արքունի նկարիչ Ումեդ Բեյզադի համաչափ, խոշոր նկարներով։
Բեշիքթաշի բնակիչ Սարգիս Բալյանը եկեղեցու կողքը կառուցել է Մաքրուհյան վարժարանը՝ ի հիշատակ իր վաղամեռիկ կնոջ։
Սուրբ Աստվածածին եկեղեցին վերջին անգամ վերանորոգվել է 1987 թվականին Շնորհք պատրիարք Գալուստյանի օրոք։ Եկեղեցու բակի մեջ տեղադրված են Կարապետ և Սարգիս Բալյանների կիսանդրիները, որոնց բացումը տեղի է ունեցել 1993 թվականին։ Եկեղեցու հարավային, արտաքին պատի տակ թաղված է Օսմանյան կայսրության արտաքին գործերի նախարարության խորհրդական Կարապետ Հարություն Դաուդյանը։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.