Ռու ՄաքՔլենահեն

Ռու ՄաքՔլենահեն (անգլ.՝ Rue McClanahan ; փետրվարի 21, 1934(1934-02-21)^[1][1][2], Healdton, Carter County, Օկլահոմա, ԱՄՆ - հունիսի 3, 2010(2010-06-03)^{[3][4][1][…]}, Նյու Յորք, Նյու Յորք, ԱՄՆ^[5]), ամերիկացի դերասանուհի, Էմմի մրցանակի դափնեկիր

Ռու ՄաքՔլենահեն
Ծննդյան թիվ՝	փետրվարի 21, 1934(1934-02-21)[1][1][2]
Ծննդավայր՝	Healdton, Carter County, Օկլահոմա, ԱՄՆ
Վախճանի թիվ՝	հունիսի 3, 2010(2010-06-03)[3][4][1][…] (76 տարեկան)
Վախճանի վայր՝	Նյու Յորք, Նյու Յորք, ԱՄՆ[5]
Քաղաքացիություն՝	ԱՄՆ
Մասնագիտություն՝	հեռուստատեսային դերասանուհի, կինոդերասանուհի, ինքնակենսագիր, գրող, թատրոնի դերասանուհի, նորաձևության դիզայներ և կատակերգու
Պարգևներ՝	Դիսնեյի լեգենդներ [6] «Էմմի» մրցանակ կատակերգական սերիալում լավագույն կանացի դերի համար Ոսկե Խնձոր մրցանկաբաշխություն և «TV Land» մրցանակ
IMDb։	ID 0001516

Կենսագրություն

Էդդի-Ռու ՄաքՔլենահենը ծնվել է Օկլահոմայում՝ իռլանդական և շոկտաու արմատներով ընտանիքում։ Նա իր դերասանական դեբյուտը կատարել է 1957 թվականին թատերական բեմում՝ Փենսիլվանիայի քաղաքային թատրոններից մեկում^[7]։ Այդ նույն թվականից սկսել է հանդես գալ Նյու Յորքի թատերական բեմերում, բայց Բրոդվեյում իր նորամուտը կատարել է միայն 1969 թվականին։ Դերասանուհին առաջին հերթին ճանաչում ու համբավ է ձեռք բերել 1970 թվականին եթեր հեռարձակված «Մի ուրիշ աշխարհ» սերիալում կատարած Քերոլայն Ջոնսի դերով։ 1970- ից 1978 թվականներին ՄաքՔլենահենը մարմնավորել է Վիվիան Հարմոնին Maude հեռուստասերիալում։

Դերասանուհու մասնագիտական ամենամեծ հաջողությունը համարվում է Golden Girls » / Ոսկե աղջիկներ հանրահայտ սիթկոմի հերոսուհու՝ Բլանշ Դևերոյի դերի տպավորիչ կատարումը։ Ռու ՄաքՔլենահենը այդ սերիալում խաղացել է 1985 -ից 1992 թվականներին՝ 1987 թվականին շահելով «Էմմի» մրցանակ Կատակերգական սերիալում լավագույն դերասանուհի անվանակարգում։

Կենդանիների իրավունքների պաշտպան և բուսակեր լինելով^[7][8]՝ ՄաքՔլենահենը դարձավ առաջին հայտնիներից մեկը, ով աջակցեց «Մարդիկ՝ հանուն կենդանիների հետ էթիկական վերաբերմունքի» կազմակերպությանը (PETA)^[7]։ Լինելով նաև դեմոկրատ՝ 2003 թվականի դեկտեմբերին նա ԱՄՆ նախագահի թեկնածու Ջոն Քերիին ուղղած նամակում գրեց, որ փասիանի որսորդությամբ վերջինիս զբաղվելը պատճառ է դարձել իր՝ դերասանուհու հարգանքն ու ձայնը կորցնելուն։ 2007 թվականին Ռուն հրատարակեց իր ինքնակենսագրությունը՝ «Իմ առաջին հինգ ամուսինները... և նրանք, ովքեր կողքովս անցան» վերնագրով։

1997 թվականին Ռու ՄաքՔլենահենի մոտ կրծքագեղձի քաղցկեղ ախտորոշվեց, որը հաջողությամբ բուժվեց բժիշկների ժամանակին կատարած միջամտության շնորհիվ։ 2009 թվականի վերջին դերասանուհին սկսել է սրտի հետ կապված խնդիրներ ունենալ։ Նույն թվականի նոյեմբերին նա հոսպիտալացվել է և ենթարկվել կորոնար շունտավորման, իսկ մի քանի ամիս անց ինսուլտ է տարել։

Ռու ՄաքՔլենահենը մահացել է 2010 թվականի հունիսի 3-ին՝ 76 տարեկան հասակում, Նյու Յորքի պրեսբիթերյան հիվանդանոցում՝ երկրորդ ինսուլտից և ուղեղում արյան զեղումից հետո^[9][10][11]։

Մրցանակներ

• Էմմի 1987 - կատակերգական սերիալի լավագույն դերասանուհի ( «Ոսկե աղջիկները» )

Ծանոթագրություններ

1. Internet Broadway Database — 2000.
2. GeneaStar
3. http://www.nytimes.com/2010/06/04/arts/04mcclanahan.html
4. Bibliothèque nationale de France data.bnf.fr (ֆր.): տվյալների բաց շտեմարան — 2011.
5. Deutsche Nationalbibliothek Record #137235658 // Gemeinsame Normdatei (գերմ.) — 2012—2016.
6. https://d23.com/walt-disney-legend/rue-mcclanahan/
7. «Rue McClanahan Biography». TVGuide.com. Արխիվացված է օրիգինալից 2012 թ․ ապրիլի 28-ին. Վերցված է 2010 թ․ հունիսի 3-ին.
8. Jooley Ann (2007 թ․ ապրիլի 27). «Austinist interviews Rue McClanahan». The Austinist. Արխիվացված է օրիգինալից 2012 թ․ ապրիլի 28-ին. Վերցված է 2010 թ․ հունիսի 3-ին.
9. «Youngest Golden Girl Rue McClanahan dies of stroke». Hot Zone. 2010 թ․ հունիսի 3. Արխիվացված է օրիգինալից 2012 թ․ ապրիլի 28-ին. Վերցված է 2010 թ․ հունիսի 4-ին.
10. Nelson, Valerie J. (2010 թ․ հունիսի 4). «'Golden Girl' Rue McClanahan dies». Los Angeles Times. Արխիվացված է օրիգինալից 2010 թ․ հունիսի 6-ին. Վերցված է 2010 թ․ հունիսի 4-ին.
11. Itzkoff, Dave (2010 թ․ հունիսի 3). «Rue McClanahan, Actress and 'Golden Girls' Star, Has Died». The New York Times. Արխիվացված է օրիգինալից 2012 թ․ ապրիլի 28-ին. Վերցված է 2010 թ․ հունիսի 4-ին.

Արտաքին հղումներ

• Ռու ՄաքՔլենահեն Internet Movie Database կայքում
• Ռու ՄաքՔլենահեն at the Internet Broadway Database
• Rue McClanahan advocating for the Humane Society in the early 1990s ՅուԹյուբում
• Golden Girls' Rue McClanahan Dies of a Stroke, Associated Press (June 3, 2010) ՅուԹյուբում
• The Official Rue McClanahan Memorial Page on Facebook
• McCLANAHAN, EDDI RUE (1934–2010) in the Encyclopedia of Oklahoma History and Culture

Վիքիպահեստն ունի նյութեր, որոնք վերաբերում են «Ռու ՄաքՔլենահեն» հոդվածին։