Ռուբեն Բագրատունի
From Wikipedia, the free encyclopedia
Ռուբեն Բագրատունի (օգոստոսի 23, 1970, Լենինական, Հայկական ԽՍՀ, ԽՍՀՄ)` հայ երգահան և կիթառահար։
| Ռուբեն Բագրատունի | |
|---|---|
 | |
| Ի ծնե անուն | Ռուբեն Հախվերդյան |
| Ծնվել է | օգոստոսի 23, 1970 (54 տարեկան) Լենինական, Հայկական ԽՍՀ, ԽՍՀՄ |
| Երկիր | ԽՍՀՄ և Հայաստան |
| Ժանրեր | հեղինակային երգ |
| Մասնագիտություն | երգիչ և կոմպոզիտոր |
| Գործիքներ | վոկալ, բաս կիթառ և կիթառ |
| Գործունեություն | 1990-ներկա |
| Կապված | Կիլիկա |
Կենսագրություն
Ծնվել է 1970 թվականի օգոստոսի 23-ին Գյումրի քաղաքում։ 1977-1987 թվականներին սովորել է Պետրոս Դուրյանի անվան 28 միջնակարգ դպրոցում։ 1993-1995 թվականներին ծառայել է Հայկական բանակում։ 1990-2000 թվականներին հանդես է եկել «Կիլիկա» խմբում, որպես բաս կիթառահար և մեներգիչ։ Համագործակցել է Սփյուռք և Միներալ ռոք խմբերի, և տարբեր ժանրի երաժիշտների հետ։ Որպես կիթառահար հանդես է եկել տարբեր կատարողների ձայնագրություններում[1]։ Առաջին ստեղծագործությունները գրել է 1985 թվականին։
2000 թվականից կրում է Ռուբեն Բագրատունի բեմական անվանում։ Ներկայումս հանդես է գալիս հեղինակային մենահամերգներով, հիմնականում զբաղված է կիթառի անհատական դասընթացներով։ Բնակվում է Էջմիածին քաղաքում, ամուսնացած է, ունի երկու երեխա։
Ստեղծագործական կենսագրություն
100-ից ավելի երգերի հեղինակ է։ Մասնակցել է հեղինակային երգի փառատոների, բազմաթիվ համերգների։
Թողարկել է 3 ձայներիզ՝
- «Լսիր երգերս» 1993 թ.
- «Օրը նորից կսկսվի» 1999 թ.
- «Ինչ իմանայի» 2003 թ.
և երկու երգով ներկայացված է հեղինակ կատարողների Bard Club CD No1 ձայնասկավառակի մեջ։
Ծանոթագրություններ
Wikiwand - on
Seamless Wikipedia browsing. On steroids.