Ուլտրաձայնային հաստոց

Ուլտրաձայնային հաստոց, ուլտրաձայնի միջոցով նյութերի չափային մշակման համար ծառայող հաստոց, որում ուլտրաձայնային տատանումները հաղորդվում են գործիքին և հղկանյութային սուսպենգիայի մասնիկների միջոցով փոխանցվում մշակվող նյութին։ Ուլտրաձայնային հաստոցով մշակման էությունը հիմնված է հղկանյութային սուսպենգիայի թործիչ ազդեցության և սուսպենզիայում տեղի ունեցող կավիտացիոն պրոցեսների վրա, որոնք զգալիորեն արագացնում են մշակվող նյութի ուղղորդված քայքայումը։

Տեսակներ

Տարբերում են՝

• Ունիվերսալ ուլտրաձայնային հաստոց, մշակում են բարձր կարծրության, ինչպես նաև փխրուն նյութեր։
• Ունիվերսալ ուլտրաձայնային հաստոց, որն օգտագործում են նաև դրոշմոցների, մամլակաղապարների՝ բարդ կոնֆիգուրացիա ունեցող մակերևույթների ու անցքերի մաքրամշակման և չափաբերման համար։

Մասնագիտացված ուլտրաձայնային հաստոցը ծառայում է սահմանափակ թվով գործողություններ (օրինակ, դժվար մշակվող կրակաամուր նյութերից պատրաստված դետալների ներքին պարուրակահանում) կատարելու համար։

Պատկերասրահ

• 
• 
• 
• 
• 
• 
• 
• 
• 
• 
• 

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։