Նիսիր

Նիսիր (նաև՝ Նիշիր, Նիմուշ), միջագետքյան Գիլգամեշ էպոսում հիշատակված լեռ։ Ըստ վարկածներից մեկի, համապատասխանում է ժամանակակից Սուլեյմանիյե քաղաքից հարևանությամբ գտնվող Փիր Օմադ Գուդրուն լեռանը (բարձրությունը՝ 2743 մետր)։ Ստուգաբանությունը՝ "Փրկության լեռ".^[1]:

Համաձայն Գիլգամեշ էպոսի, Նիսիրը այն լեռն է, որտեղ հանգրվանել է Ութնափիշտիմի տապանը։ Չնայած էպոսում հստակ ներկայացված է լեռանը նկարագրությունը, այնուամենայնիվ ցայսօր իրականացված չէ լեռան և տապանի տեղորոշման որևէ լուրջ աշխատանք^[2]։

Գիլգամեշ էպոսում (XI,141) «Նիսիր լեռ» անվանման այլընտրանքային թարգմանությունը հիմնված է հետևյալ ոչ միանշանակ արտահայտության վրա՝ «KUR-ú ^KUR ni-sir ամուր պահում էր նավը»^[3]։ Շումերական KUR բառը կարող է նշանակել ինչպես հող կամ երկիր, այդպես էլ բլուր, բայց ոչ լեռ։ Աքքադերենում KUR-ը հնչյունական լրացումով կարդացվում է որպես shadû, ինչը կարող է նշանակել բլուր կամ լեռ։ Երկրորդ KUR-ը որոշիչ է, որն ընդգծում է այն, որ nisir-ը բլրի կամ հողի կամ երկրի անվանում է (կամ ըստ աքքադերենի՝ լեռան)։ Սակայն Թոմփսոնը^[4] կարդում է այս որոշիչը որպես matu, ինչը աքքադերեն նշանակում է երկիր։ Նիսիր երկիրը, հնարավոր է, իր անվանումը ստացել է nisirtu-ից, ինչը նշանակում թաքնված, անմատչելի կամ առանձնացած վայր։ Հետևաբար, նավը հաջողությամբ կարող էր հանգրվանել ինչ-որ անմատչելի բլրի վրա^[5]։

Տես նաև

• Արարատ
• Արարատյան լեռներ (en)

Ծանոթագրություններ

1. Scolnic, Benjamin Edidin (2005). If the Egyptians Drowned in the Red Sea where are Pharaoh's Chariots?: Exploring the Historical Dimension of the Bible. UP of America. էջ 40. ISBN 9780761831471.
2. Werner Keller, The Bible As History: A Confirmation of the Book of Books, trans. William Neil (New York: William Morrow and Company, 1956) 39. From Chapter 4, entitled "A Flood Story From Old Babylonia."
3. Robert M. Best, Noah's Ark and the Ziusudra Epic, page 277, Eisenbrauns, 1999, 0-9667840-1-4
4. R. Campbell Thompson, The Epic of Gilgamesh, Clarendon Press, 1930, page 63, lines 140–141
5. R. M. Best, page 277.

Արտաքին հղումներ

• Գիլգամեշ Արխիվացված 2020-08-03 Wayback Machine