Նեպեր (չափման միավոր)

Նեպեր (Ջոն Նեպերի անունով), լոգարիթմական հարաբերական մեծության (երկու նույնանուն ֆիզիկական մեծությունների հարաբերության բնական լոգարիթմի) արտահամակարգային միավոր։ Նշանակվում է Նպ (միջազգային նշանակումը՝ Np)։

1 Նպ=ln(F₂/F₁),

երբ F₂/F₁=e, F₂֊ը և F_{1֊ը ֆիզիկական «ուժային» մեծություններ են (լարում, հոսանքի ուժ, ճնշում և այլն), իսկ e-ն բնական լոգարիթմների հիմքն է։ Երկու նույնանուն P1 և P2 էներգետիկ մեծությունների (հզորություն, էներգիա և այլն) դեպքում}

1 Նպ=0,5 In (P₂/P₁), երբ P₂/P₁=e²։

Նեպերը կիրառվում է հիմնականում կապի գծերում էլեկտրական ազդանշանների թուլացումը (մարումը) չափելիս։

1 Նպ = 0.8686 բ = 8.686 դբ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 236)։