From Wikipedia, the free encyclopedia
Նաչո Դուատո (ամբողջական անունը՝ Խուան Դուատո Բարիսա իսպ.՝ Nacho Duato, Juan Ignacio Duato Barcia , հունվարի 8, 1957[1][2], Վալենսիա, Իսպանիա), իսպանացի պարող, խորեոգրաֆ և թատերական նկարիչ[3]։
Նաչո Դուատո | |
---|---|
![]() | |
Ծնվել է | հունվարի 8, 1957[1][2] (67 տարեկան) |
Ծննդավայր | Վալենսիա, Իսպանիա |
Քաղաքացիություն | ![]() |
Մասնագիտություն | պարուսույց, բալետմայստեր և բալետի պարող |
Ծնողներ | հայր՝ José Duato Gómez-Novella? |
Պարգևներ և մրցանակներ | |
Անդամություն | Academia de las Artes Escénicas de España? |
![]() |
Բալետ պարել սովորել է Ռամբեր բալետի դպրոցում (Լոնդոն), Մորիս Բեժարեի Մուդրա դպրոցում (Բրյուսել) և Ալվինա Էյլի պարի թատրոնին կից գործող դպրոցում (Նյու-Յորք)։ Որպես պարուհի կարիերան սկսել է Բիրգիտ Կուլբերգի շվեդական բալետում, մեկ տարի անց միացել է Նիդերլանդների պարի թատրոնին՝ Իրժի Կիլիանի ղեկավարության ներքո։ 1980-ական թվականների սկզբից հանդես է գալիս որպես խորեոգրաֆ, 1988 թվականից՝ Նիդերլանդների պարի թատրոնի խորեոգրաֆ է Իրժի Կիլիանի և Հանս վան Մանենի հետ համատեղ։
Որպես հրավիրված պարուհի՝ աշխատել է աշխարհի խոշորագույն բալետային խմբերի հետ, բեմադրություններ է բեմադրել Փարիզի օպերայում[4], «Լա Սկալա»–ում[5], Մեծ Բրիտանիայի Թագավորական բալետում[6], Ամերիկյան բալետի թատրոնում[7] և այլ վայրերում։ 1990 թվականից եղել է Իսպանիայի Ազգային բալետի գեղարվեստական ղեկավար։ 2010 թվականին ժամանակից շուտ խզել է պայմանագիրը և հայտարարել, որ 2011 թվականից սկսում է աշխատանքը Սանկտ Պետերբուրգի Միխայլովսկի թատրոնում՝ որպես բալետի գեղարվեստական ղեկավար[8]։
2014 թվականի օգոստոսին զբաղեցրել է Բեռլինի պետական բալետի ինտենդանտի պաշտոնը։ 2016 թվականին Բեռլինի քաղաքապետ Միքայել Մյուլերը հայտարարել է, որ Նաչո Դուատոի հետ պայմանագիրը, որը ավատվում է 2019 թվականին, չի երկարացվի, բալետի խումբը կղեկավարեն Սաշա Վալցը և Յոհան Էմանը[9]։
2019 թվականից Սանկտ Պետերբուրգի Միխայլովսկի թատրոնի գեղարվեստական ղեկավարն է[10]։
Դերասանուհի Անա Դուատոյի խորթ եղբայրն է։
Բալետներ է բեմադրել Յոհան Սեբաստիան Բախի, Ֆրանց Շուբերտի, Լյուդվիգ վան Բեթհովենի, Ռիխարդ Վագների, Օտտորինո Ռեսպիգիի, Մորիս Ռավելի, Էրիկ Սատիի, Սերգեյ Պրոկոֆևի, Էյտոր Վիլա-Լոբոսի, Յանիս Քսենակիսի, Պյոտր Չայկովսկու երաժշտության հիմման վրա։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.