Յոիդո
From Wikipedia, the free encyclopedia
From Wikipedia, the free encyclopedia
Յոիդո (Հանգըլ՝ 여의도, անգլ.՝ Yoi Island or Yeoui Island) Հարավային Կորեայի Սեուլ քաղաքի Հանգան գետի վրա մեծ (կամ փոքր) կղզի։ Այն Սեուլի ֆինանսական և ներդրումային գլխավոր շրջանն է։ Նրա 8.4 կիլմետր քառակուսի տարածքը հանդիսանում է մոտ 30,988 մարդու տուն[1]։ Կղզին գտնվում է Սեուլի Յունգդոնփո Գու շրջանում, և մեծամասամբ համապատասխանում է Յոիդոյի օկրուգին։ Կղզում են գտնվում Ազգային ժողովի շենքը, որտեղ տեղի են ունենում Կորեայի Ազգային ժողովի հանդիպումները, Կորեայի ֆինանսական ներդրումային ասոցացիան, Յոիդոյի Ավետարան բազմամարդ եկեղեցին, 63-րդ շենքը, LG, KBS ընկերությունների գլխավոր մասնաճյուղերը, Կորեայի փոխանակման կենտրոնը։ Չնայած հիմնականում նրա կարևորությանը՝ որպես ֆինանսկան կենտրոն, և զբաղեցրած կենտրոնական դիրքին, Յոիդոն Սեուլի և Հարավային Կորեայի ամենաբարձր երկնաքերերի՝ Սեուլի միջազգային ֆինանսական կենտրոնի, Parc1 աշտարակի, FKI աշտարակի տունն է։
Յոիդո Հանգըլ՝ 여의도, հանջա՝ 汝矣島 | |
---|---|
Տեսակ | գետի կղզի |
Երկիր | Հարավային Կորեա |
Վարչատարածքային միավոր | Սեուլ |
Մակերես | 8,4 կմ² |
Կղզու անունը նշանակում է «Դու կարող ես ունենալ», այսինքն՝ «անօգուտ»։ Անվան պատճառն այն էր, որ, երբ Հանգան գետը վարարում էր, ցամաքի միայն մի փոքրիկ հատվածն էր տեսանելի ջրի մակարդակից բարձր։
Լինելով Չոսոնի մայրաքաղաքի համար ազատ հարմարավետ վայր՝ Յոիդոն ոչխարների և այծերի համար օգտագործվել է որպես արոտավայր՝ ըստ 16-րդ դարի աշխարհագրական արձանագրությունների[2]:Յոիդայի մեծ մասը անմարդաբնակ ավազե գոտի էր մինչև 1924 թվականի ապրիլը[3], երբ կառուցվեց Սեուլի առաջին օդանավակայանը։ Օդանավակայանը կատարում էր ինչպես միջազգային, ներքին, այնպես էլ ռազմական չվերթներ, ծառայում էր նաև իբրև ավիաուսումնական դպրոց[4]։ Օդանավակայանում հեղեղներ էին լինում, որոնք ամառվա անձրևային եղանակներին օգտագործման համար ոչ պիտանի էին դարձնում այն։ Գիմփոյի միջազգային օդանավակայանը 1958 թվականին ստանձնեց Յոիդոյի առևտրական թռիչքները, իսկ 1971 թվականին Seoul Air Base-ը ստանձնեց դրա ռազմական գործունեությունները։
1960-ականների սկզբին կղզու վրա սկսել են կառուցվել տներ, որոնք մինչ այժմ էլ իրենց տեղերում են։
Վեց ճանապարհներ ունեցող կամուրջը, որը միացնում է Յունգդոնփոյին, կառուցվել է 1970 թվականին՝ որպես Հանգան գետի զարգացման ծրագրի մի մաս՝ ղեկավարվելով նախագահ Պակ Ջուն Հեի կողմից, որին հաջորդում է արագ զարգացումը։ Նախկինում Գոյանի մեջ ընդգրկված Յոիդոն 1971 թվականին կազմավորվել է որպես առանձին կառույց[4]։ 1975 թվականին նոր Ազգային ժողովի շենքը բացվեց կղզու արևմուտքում։ 1983 թվականին 63-րդ շենքը ավարտն է հասցվում։ Այն տարիներ շարունակ երկրի ամենաբարձր և հայտնի կառույցն էր։
Յոիդոն Հարավային Կորեայի քաղաքականության կենտրոնն է։ Կղզու արևմտյան հատվածը իշխում են քաղաքական կազմակերպությունները և դրանց համապատասխան կառույցները։ Նշանավոր Ազգային ժողովի շենքը տեղակայված է կղզու հեռու արևմուտքում։ Շենքի կառուցումը սկսվել է 1969 թվականին, ավարտվել է 1970-ին և գտնվում է Յոիդոյի նախկին օդանավակայանի տեղում։ Մինչ Ազգային ժողովի շենքի բացումը կառավարության նստավայրը գտնվում էր Ճապոնիայի կառավարության գլխավոր շենքում, որը Կյոնբոկունում էր։ Շնորհիվ դրա ազգային կարևորության, Ազգային ժողովի շենքի շրջակայքին և մոտակա շինություններին կից նկատվում է ոստիկանների բավականին կարևոր առակայություն։ Չնայած սրան, այս շինությունները հասարակության համար սովորաբար բաց են և կապված են Հանգան գետի պուրակների հետ, որոնք շրջապատում են տարածքը 3 կողմից։
Հարավային Կորեայի քաղաքական կուսակցությունների գերակշիռ մասը՝ ներառյալ«Դեմոկրատական» և «Մարդկանց ուժը» կուսակցությունները, պահպանում են իրենց շտաբները Յոիդոյում՝ մոտ Ազգային ժողովի շենքին։
Յոիդոն համարվում է Սեուլի ֆինանսկան կենտրոնը, որտեղ գտնվում են երկրի ամենախոշոր ֆինանսական կառույցները, ինչպիսիք են «Industrial Bank»-ը, «Kookmin Bank»-ը, «Korea Stock Exchange and Federation of Korean Industries»-ը, «Hana Bank»-ը, «Shinhan Securities»-ը,«NH Investment Securities»-ը, և «Eugene Investment Securities»-ը։ Այս կառույցների մեծ մասը գտնվում են կղզու արևելյան հատվածում՝ արևմտյան կողմի քաղաքական շտաբի դիմաց։
Հաշվի առնելով կղզու քաղաքական և տնտեսական կարևորությունը՝ մի քանի մեծ մեդիաընկերություններ կան Յոիդոյում։ Դրանք ընդգրկում են հիմնական լրագրերը, ինչպիսիք են «Kookmin Ilbo»-ն և «KBS» հեռուստաընկերությունը։
Յոիդոն Հարավային Կորեայի ամենամեծ եկեղեցիներից մեկի՝ Յոիդոյի Ավետարան բազմամարդ եկեղեցու տունն է։ Եկեղեցին հիմնադրվել է 1958 թվականին և այժմ ունի 480 000 անդամ։
Յոիդոյում կան 5 զբոսայգիներ։ Սրանց մեջ նշանավոր են Հանգան գետի հասարակական զբոսայգու շրջանը և Յոիդոյի զբոսայգին։ Յոիդոյի զբոսայգին հիմնադրվել է 1999 թվականին հողի բարելավման ադյունքում։
«Յոիդոյի չափ» արտահայտությունը հաճախ օգտագործվում է Հարավային Կորեայի մեդիայի կողմից անծանոթ տարածքների չափման համար՝ որպես համեմատությամ միջոց։ Օրինակ կարող է ասվել, որ A քաղաքը Y երկրում Յոիդոյի 2 չափն է[փա՞ստ]:
Աստիճան | Անուն | Բարձրություն | Հարկեր | Տրիներ | Նշումներ |
---|---|---|---|---|---|
1 | Սեուլի միջազգային ֆինանսկան կենտրոնի աշտարակ | 279 մետր | 55 | 2012 | Յոիդոյի ամենաբարձր շենքը |
2 | 63-րդ շենք | 249 մետր | 60 | 1985 | |
3 | FKI շենք | 245 մետր | 50 | 2013 | |
4 | IFC Seoul | 200 մետր | 37 | 2012 | |
5 | One IFC Office Tower | 186 մետր | 32 | 2012 | |
6 | Two IFC Office Tower | 176 մետր | 29 | 2012 | |
7 | S-Trenue | 154 մետր | 36 | 2009 | |
8 | Yeouido Richensia Tower 1 | 151 մետր | 40 | 2003 | |
8 | Yeouido Richensia Tower 2 | 151 մետր | 40 | 2003 | |
10 | LG Twin Towers Tower 1 | 144 մետր | 34 | 1987 | |
10 | LG Twin Towers Tower 2 | 144 մետր | 34 | 1987 | |
Անուն | Բարձրություն | Հարկեր | Ավարտման ժամկետ | Նշումներ |
---|---|---|---|---|
Parc1 Tower A | 333 մետր | 69 | 2020 | |
Parc1 Tower B | 256 մետր | 53 | 2020 | |
Yeouido Post office Reconstruction | 150.80 մետր | 33 | 2020 | |
Յոիդոյում աշխատում են ավտոբուսային գծեր՝ գունային կոդավորմամբ։
Յոիդոյի և Մափոյի միջև կա 3 կամուրջ՝ Մափոյի, Սոգանի և Վոնյոյի կամուրջները։
Դարերով մեկուսացած լինելով՝ Յոիդոն այժմ սերտորեն կապված է Սեուլի տրանսպորտային ցանցին։ Սեուլի մետրոյի 5-րդ և 9-րդ գծերը հատվում են Յոիդոյի կայանում։ 5-րդ գիծը կանգնում է նաև Յոինարու կայանում։ 9-րդ գիծը կանգնում է նաև Սեթան կայանում և Ազգային ժողովի շենքում։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.