Միքայել Մանուկի Մանուկյան (օգոստոսի 15, 1911[1], Մոկս, Վանի վիլայեթ, Օսմանյան կայսրություն[1] - օգոստոսի 11, 1976[1], Երևան, Հայկական ԽՍՀ, ԽՍՀՄ[1]), հայ խորհրդային մեխանիկ։ Ֆիզիկամաթեմատիկական գիտությունների դոկտոր (1965), պրոֆեսոր (1966), ՀԽՍՀ գիտության վաստակավոր գործիչ (1970), ԽՄԿԿ անդամ (1952)։
Այս հոդվածը հայ մեխանիկի մասին է։ Այլ գործածությունների համար այցելեք Միքայել Մանուկյան (այլ կիրառումներ)։
- Վիքիպեդիայում կան հոդվածներ Մանուկյան ազգանունով այլ մարդկանց մասին։
Միքայել Մանուկյան | |
|---|---|
| Ծնվել է | օգոստոսի 15, 1911[1] Մոկս, Վանի վիլայեթ, Օսմանյան կայսրություն[1] |
| Մահացել է | օգոստոսի 11, 1976[1] (64 տարեկան) Երևան, Հայկական ԽՍՀ, ԽՍՀՄ[1] |
| Քաղաքացիություն |  Ռուսական կայսրություն և  ԽՍՀՄ |
| Ազգություն | հայ |
| Մասնագիտություն | մեքենագետ և համալսարանի դասախոս |
| Հաստատություն(ներ) | Երևանի պետական համալսարան[1] |
| Ալմա մատեր | Երևանի պետական համալսարան (1936)[1] |
| Կոչում | պրոֆեսոր[1] |
| Գիտական աստիճան | ֆիզիկամաթեմատիկական գիտությունների դոկտոր[1] (1965) |
| Պարգևներ |  |
| Կուսակցություն | ԽՄԿԿ[1] |
Ծնվել է Արևմտյան Հայաստանի Մոկս ավանում։ Մեծ եղեռնի տարիներին կորցնելով հարազատներին՝ հոր հետ ապաստան է գտել Երևանում։ 1930 թվականին ավարտել է Երևանի մանկավարժական տեխնիկումը, այնուհետև ընդունվել Երևանի պետական համալսարանի ֆիզիկամաթեմատիկական ֆակուլտետ, որն ավարտել է 1936 թվականին։ Ուսումը շարունակել է նախ՝ ԵՊՀ, ապա՝ Մոսկվայի Մ. Լոմոնոսովի անվան ասպիրանտուրայում։ 1940 թվականին պաշտպանել է թեկնածուական ատենախոսություն և աշխատանքի անցել ԵՊՀ մեխանիկայի ամբիոնում։ 1959-1976 թվականներին եղել է մեխանիկայի ամբիոնի վարիչ, 1961-1965 թվականները՝ նաև մեխանիկամաթեմատիկական ֆակուլտետի դեկան։ 1965 թվականին պաշտպանել է դոկտորական ատենախոսություն։ Նույն թվականին նրան շնորհվել է պրոֆեսորի կոչում։
Աշխատությունները վերաբերում են ծերացող նյութերի սողքի ժառանգականության տեսությանը։ Հեղինակ է ավելի քան 40 գիտական աշխատանքների, այդ թվում՝ «Кручение тел с учетом ползучести» (1972) և «Հանրահաշվական հավասարումներ» (1978) մենագրությունների, համահեղինակ՝ «Հակադարձ եռանկյունաչափական խնդիրներ» (1972) ձեռնարկի և «Տեսական Մեխանիկայի խնդիրների լուծման ուղեցույց» (1969-2011) քառահատոր ժողովածուի։
Մասնակցել է Միութենական և միջազգային մի շարք գիտաժողովների։ Եղել է տեսական մեխանիկայի գծով միութենական գիտամեթոդական խորհրդի անդամ։
Պարգևատրվել է «Աշխատանքային արիության համար» և այլ մեդալներով[2]։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
