Միշել Ուիլյամս
ամերիկացի դերասան From Wikipedia, the free encyclopedia
Միշել Ինգրիդ Ուիլյամս (անգլ.՝ Michelle Ingrid Williams, սեպտեմբերի 9, 1980[1][2][3][…], Kalispell, Մոնտանա, ԱՄՆ[4])՝ ամերիկացի դերասանուհի։ Արժանացել է «Ոսկե գլոբուս» մրցանակի, չորս անգամ առաջադրվել է «Օսկար» մրցանակի և մեկ անգամ «BAFTA», «Տոնի» մրցանակների համար։
 անգլ.՝ Michelle Williams | |
|---|---|
 | |
| Ծնվել է | սեպտեմբերի 9, 1980[1][2][3][…] (44 տարեկան) |
| Ծննդավայր | Kalispell, Մոնտանա, ԱՄՆ[4] |
| Քաղաքացիություն | ԱՄՆ |
| Մասնագիտություն | հեռուստատեսային դերասանուհի, կինոդերասանուհի, կինոպրոդյուսեր, թատրոնի դերասանուհի և դերասանուհի |
| Ծնողներ | հայր՝ Larry R. Williams? |
| Ամուսին(ներ) | Phil Elverum? և Thomas Kail? |
| Համատեղ ապրող(ներ) | Հիթ Լեդջեր |
| Երեխա(ներ) | Matilda Ledger?[5] |
| Պարգևներ և մրցանակներ | |
Կենսագրություն
Միշել Ուիլյամսը ծնվել է Կալիսպելլ քաղաքում (Մոնտանա, ԱՄՆ)[8] Կարլի Սվենսոնի և Լարրի Ուիլյամսի ընտանիքում[9][10]։ Մայրը տնային տնտեսուհի էր, հայրը՝ հայտնի առևտրական։ Միշելն ունի նորվեգական արմատներ[11]։ Երբ 9 տարեկան էր, ընտանիքը տեղափոխվում է Սան Դիեգո, և Միշելը սկսում է հետաքրքրվել դերասանական արվեստով։
Կարիերա
15 տարեկան Միշելը թողել է ուսումը, որպեսզի սկսի իր դերասանական կարիերան «Դոուսոնի ծովախորշը» սերիալում։ Մինչ այդ նա ստացել է ոչ մեծ դեր «Անհատ» և «Լեսի» ֆիլմերում[12].։
Չնայած ի սկզբանե Ուիլյամսը նկարահանվել է հիմնականում երիտասարդական կատակերգությունում, հետագայում նրան սկսել են հաճախ հրավիրել անկախ կինոյի դերերում նկարահանման համար, օրինակ՝ «Կայարանի տեսուչը» և «Երկրի հարստությունը»։ «Վենդի և Լյուսի» ֆիլմի դերի համար նա առաջադրվել է «Անկախ ոգի» մրցանակի։ «Սապատավոր լեռը» ֆիլմում դերի համար Ուիլյամսը առաջին անգամ առաջադրվել է «Օսկար» և «Ոսկե գլոբուս» մրցանակների։
2010 թվականից սկսած ամերիկացի հայտնի ռեժիսոր Մարտին Սկորսեզեի Անիծվածների կղզի ֆիլմը վարձույթի է դուրս եկել, որում Միշելը խաղացել է հոգեբուժական հիվանդանոցի հիվանդի դեր, որի ամուսնու՝ ԱՄՆ մարշալ Էնդրյու Լեդդիսի դերում հանդես է եկել Լեոնարդո ԴիԿապրիոն[13]։ 2011 թվականին նա նորից առաջադրվել է «Օսկար» և «Ոսկե Գլոբուս» մրցանակների՝ «Վալենտինկա» ֆիլմում՝ որպես լավագույն դերասանուհի։
Մեկ շաբաթ Մերլինի հետ դրամայում Մերիլին Մոնրոյի դերակատարման համար արժանացել է «Ոսկե գլոբուս»[14], «Օսկար» և «BAFTA» մրցանակների։
2013 թվականի հուլիսին Միշել Ուիլյամսը դարձել է Louis Vuitton ընկերության պայուսակների աշուն-ձմեռ հավաքածուի գովազդային դեմքը[15]։
Անձնական կյանք
2004 թվականին Ուիլյամսը «Սապատավոր լեռը» ֆիլմի նկարահանումների ժամանակ, ծանոթանում է դերասան Հիթ Լեդջերի հետ, և նրանք սկսում են հանդիպել[16][17]։ 2005 թվականի հոկտեմբերի 28-ին ծնվել է նրանց աղջիկ՝ Մաթիլդա Ռոուզ Լեդջերը։ 2007 թվականի սեպտեմբերին զույգը հայտնել է իրենց բաժանության մասին[18]։ 2008 թվականի հունվարին, Լեդջերի մահից հետո Ուիլյամն ու դուստրը հայտնվում են մամուլի ուշադրության կենտրոնում և հաճախ ենթարկվում են պապարացիների հետապնդման[19]։ Ուիլյամսը հազվադեպ է հարցազրույց տալիս մինչև 2009 թվականը[20]։
2008 թվականի հուլիսին Ուիլյամսը սկսել է հանդիպել ռեժիսոր Սպայկ Ջոնզի հետ, ում հետ ծանոթացել էր «Նյու Յորք, Նյու Յորք» ֆիլմի նկարահանումների ժամանակ։ Նրանք բաժանվել են 2009 թվականի սեպտեմբերին, և Ուիլյամսը հայտնել է իրենց հարաբերությունների «անհնարինության» մասին[21]։
2018 թվականին հուլիսին Ուիլյամն ամուսնացել է երաժիշտ Ֆիլ Էլվերումի հետ[22]։
Ֆիլմագրություն
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 1993 | ս | Մալիբուի փրկարարները | Baywatch | Բրիջետ |
| 1994 | ֆ | Լեսի | Lassie | Էյպրիլ Պորտեր |
| 1994 | ս | Քայլ առ քայլ | Step by Step | Ջ. Ջ. |
| 1995 | ս | Raising Caines | Տրիշ | |
| 1995 | ս | Մեծ վերանորոգում | Home Improvement | Ջեսիկա Լատց |
| 1995 | ֆ | Անհատը | Species | Երիտասարդ Սիլ |
| 1995 | ֆ | Ժամանակի տիրակալը | Timemaster | Էննի |
| 1996 | հֆ | Իմ որդին անպարտ է | My Son Is Innocent | Դոննա |
| 1997 | հֆ | Դաս տալ պարոն Գրիֆֆին | Killing Mr. Griffin | Մայա |
| 1997 | ֆ | Հազար ակր | A Thousand Acres | Պեմմի |
| 1998-2003 | ս | Դոուսոնի ծովախորշը | Dawson's Creek | Ջեննիֆեր Լինդլի |
| 1998 | ֆ | Հալլոուին։ 20 տարի հետո | Halloween H20: 20 Years Later | Մոլլի |
| 1999 | ֆ | Նախագահի ընկերուհիները | Dick | Արլին Լորենցո |
| 1999 | ֆ | Անպաշտպան | But I'm a Cheerleader | Կիմբերլի |
| 2000 | հֆ | Եթե պատերը կարողանային խոսել 2 | If These Walls Could Talk 2 | Լինդա |
| 2001 | ֆ | Պարֆյումեր | Perfume | Հոլլի |
| 2001 | ֆ | Քեզ հետ և առանց քեզ | Me Without You | Հոլլի |
| 2001 | ֆ | Պռոզակ ազգ | Prozac Nation | Ռուբի |
| 2003 | ֆ | Լիլանդի Միացյալ Նահանգները | The United States of Leland | Ջուլի |
| 2003 | ֆ | Կայարանի տեսուչը | The Station Agent | Էմիլի |
| 2004 | ֆ | Առաջին փորձ | A Hole in One | Աննա |
| 2004 | ֆ | Կեղծ հերոսը | Imaginary Heroes | Պեննի |
| 2004 | ֆ | Երկրի հարստությունը | Land of Plenty | Լանա |
| 2005 | ֆ | Բակստյորը | The Baxter | Սեսիլ |
| 2005 | ֆ | Սապատավոր լեռ | Brokeback Mountain | Ալմա |
| 2006 | ֆ | Ճուռակի մահը | The Hawk Is Dying | Բեթթի |
| 2007 | ֆ | Ես այնտեղ չեմ | I'm Not There. | Կոկո Ռիվինգտոն |
| 2008 | ֆ | Պրովոկատոր | Incendiary | երիտասարդ մայր |
| 2008 | ֆ | Կոնտակտների ցանկը | Deception | Ս |
| 2008 | ֆ | Վենդին և Լյուսին | Wendy and Lucy | Ուենդի |
| 2008 | ֆ | Նյու Յորք, Նյու Յորք | Synecdoche, New York | Քլեն Քին |
| 2009 | ֆ | Մամոնտ | Mammoth | էլլեն Վիդալ |
| 2010 | ֆ | Վալենտինկա | Blue Valentine | Սինդի Պերեյրա |
| 2010 | ֆ | Անիծվածների կղզի | Shutter Island | Դոլորես Չենել |
| 2011 | ֆ | Սիրել/ Չսիրել | Take This Waltz | Մարգո |
| 2011 | ֆ | Մեկ շաբաթ Մերլինի հետ | My Week with Marilyn | Մերիլին Մոնրո |
| 2013 | ֆ | Օզ։ Մեծ և սարսափելի | Oz: The Great and Powerful | բարի վհուկ Գլինդա |
| 2014 | ֆ | Ֆրանսիական շարերդ | Suite française | Լյուսիլ Անգելլի |
| 2016 | ֆ | Մանչեսթերը ծովին կից | Manchester by the Sea | Ռենդի |
| 2016 | ֆ | Մի քանի կին | Certain Women | Ջինա |
| 2017 | ֆ | Հրաշքներով լի աշխարհ | Wonderstruck | Էլեյն |
| 2017 | ֆ | Աշխարհի բոլոր փողերը | All the Money in the World | Գեյլ Հարրիս |
| 2017 | ֆ | Մեծագույն շոումենը | The Greatest Showman | Չերիտի Բարնում |
| 2018 | ֆ | Վենոմ | Venom | ԷՆՆ Բեյնգ |
| 2018 | ֆ | Ես ինձ գեղեցիկ եմ զգում | I Feel Pretty | Էյվերի ԼեԿլեր |
Ծանոթագրություններ
Արտաքին հղումներ
Wikiwand - on
Seamless Wikipedia browsing. On steroids.