իսպանացի ֆուտբոլիստ From Wikipedia, the free encyclopedia
Մարկ Կուկուրելյա\ Սասետա (իսպ.՝ Marc Cucurella Saseta, հուլիսի 22, 1998[1], Ալելյա, Մարեսմե), իսպանացի ֆուտբոլիստ, «Չելսի» ակումբի և Իսպանիայի հավաքականի պաշտպան։ Տոկիոյի 2020 թվականի Օլիմպիական խաղերի արծաթե և 2024 թվականի Ֆուտբոլի Եվրոպայի առաջնության ոսկե մեդալակիր։
Մարկը դաստիարակվել է «Էսպանյոլի» համակարգում մինչև 2012 թվականը, որից հետո միացել է «Բարսելոնայի» հայտնի «Լա Մասիա» ակադեմիային։ Այնտեղ նա խաղացել է մինչև 2017 թվականը։ 2016/17 մրցաշրջանում Մարկն իր առաջնախաղը նշել է ակումբի երկրորդ թիմում՝ Բարսելոնա Բ-ի կազմում։ Ընդհանուր առմամբ, իր առաջին մրցաշրջանում նա անցկացրել է տասնմեկ խաղ։ 2017/18 մրցաշրջանում Մարկը սկսել է ներգրավվել առաջին թիմի մարզումներին և հանդիպումներին։ Նա ընդգրկվել է ակումբի հայտացուցակում՝ 2017/18 թվականների Չեմպիոնների լիգայի համար[2]։ Նրա առաջնախաղը «Բարսելոնայի» կազմում կայացել է 2017 թվականի հոկտեմբերի 24-ին՝ «Ռեալ Մուրսիայի» դեմ Իսպանիայի Գավաթի խաղում, որտեղ Մարկը 83-րդ րոպեին փոխարինել է Լյուկա Դինին[3]։
2018/19 մրցաշրջանը նա սկսել է Էյբարում, որի կազմում անցկացրել է 31 հանդիպում և դարձել մեկ գոլի հեղինակ[4]։
Մարկը պատանեկան մակարդակով ներկայացրել է Իսպանիան։ Իսպանիայի մինչև 17 տարեկանների պատանեկան հավաքականի կազմում նա մասնակցել է 2015 թվականի Եվրոպայի պատանեկան առաջնությանը։ Ամբողջ մրցաշարի ընթացքում Մարկն իր թիմի հիմնական ձախ պաշտպանն էր։ Ավստրիայի իր հասակակիցների հետ առաջին տուրի խաղում Մարկը դեղին քարտ ստացավ[5]։ Իսպանիան դուրս եկավ այդ մրցաշարի քառորդ եզրափակիչ։
«Բարսելոնա Բ»
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.