Մարիո Զագալլո

Մարիո Ժորժի Լոբո Զագալլո (պորտ.՝ Mário Jorge Lobo Zagallo, օգոստոսի 9, 1931(1931-08-09)^[1][2], Atalaia, Ալագոաս, Բրազիլիա^[3] - հունվարի 5, 2024(2024-01-05)^[4], Ռիո դե Ժանեյրո, Բրազիլիա^[5]), բրազիլացի ֆուտբոլիստ, ֆուտբոլային մարզիչ։ Զագալլոն համարվում է միակ մարդը, որը 4 անգամ դարձել է ֆուտբոլի աշխարհի չեմպիոն․ 2 անգամ որպես ֆուտբոլիստ (1958, 1962), 1 անգամ որպես մարզիչ (1970), մեկ անգամ էլ՝ մարզչի օգնական (1994)^[6]։ Ֆուտբոլի զարգացման գործում ունեցած նշանակալի ավանդի համար ստացել է ՖԻՖԱ-ի պատվավոր շքանշան^[7]։

Մարիո Զագալլո պորտ.՝ Mário Zagallo
Անձնական տվյալներ
Քաղաքացիությունը	Բրազիլիա
Ծննդյան ամսաթիվ	օգոստոսի 9, 1931(1931-08-09)[1][2]
Ծննդավայր	Atalaia, Ալագոաս, Բրազիլիա[3]
Մահվան ամսաթիվ	հունվարի 5, 2024(2024-01-05)[4] (92 տարեկան)
Մահվան վայր	Ռիո դե Ժանեյրո, Բրազիլիա[5]
Հասակ	169 սանտիմետր
Քաշ	61 կիլոգրամ
Դիրք	հարձակվող

Ֆուտբոլային կարիերա

Զագալլոն իր ֆուտբոլային կարիերան սկսել է 1948 թվականին Ռիո դե Ժանեյրոյի «Ամերիկա» ֆուտբոլային ակումբից։ Հետագայում հանդես է եկել «Ֆլամենգո» և «Բոտաֆոգ» ֆուտբոլային ակումբներում^[8]։

Եղել է 1958 և 1962 Ֆուտբոլի աշխարհի առաջնություն| Ֆուտբոլի աշխարհի առաջնությունների չեմպիոն։ Իր առաջին՝ 1958 թվականի առաջնության ժամանակ եղել է «Ֆլամենգոյի» խաղացող, իսկ 1962-ի առաջնության ժամանակ՝ «Բոտաֆոգյի»^[9]։

1958-ից 1964 թվականների ընթացքում Բրազիլիայի ֆուտբոլի ազգային հավաքականի կազմում նվաճել է 33 տիտղոս^[10]։

Մարզչական կարիերա

Լինելով Բրազիլիայի ֆուտբոլի ազգային հավաքականի մարզիչ, նրա գլխավորած թիմը 1970 թվականին նվաճում է ֆուտբոլի աշխարհի գավաթը։ 1994 թվականին, Բրազիլիայի հավաքականը աշխարհի չեմպիոն դառնալու ժամանակ Զագալլոն եղել է մարզչի օգնական։ Եղել է առաջին մարդը, որը և որպես ֆուտբոլիստ և որպես մարզիչ նվաճել է աշխարհի չեմպիոնի տիտղոսը։ 1970 թվականին, 38-ամյա Մարիոն դարձել է Ալբերտո Սուպպիչիից հետո երկրորդ ամենաերիտասարդ մարզիչը, որի թիմը նվաճել է աշխարհի չեմպիոնի տիտղոսը^[11]։ 31-ամյա Սուպպիչին այդ տիտղոսը նվաճել է 1930 թվականին, ֆուտբոլի աշխարհի առաջին առաջնության եզրափակիչ խաղից հետո, երբ Ուրուգվայի ֆուտբոլի ազգային հավաքականը սեփական հարկի տակ դարձավ չեմպիոն^[12]։

Ընտանիք

Զագալլոն ամուսնացել է 1954 թվականին Ալցինե դե Կաստրոյի հետ, համատեղ ապրել են մինչև կնոջ մահը՝ 2012 թվականի նոյեմբերի 5-ը^[13]։

Նվաճումներ

Որպես ֆուտբոլիստ

«Բոտաֆոգյի»

• Փարիզի միջցամաքային մրցաշար (1963)
• Ռիո-Սան-Պաուլու մրցաշար (1962, 1964)
• Կարիոկայի Լիգա (1961, 1962)

Բրազիլիայի հավաքականում

• Ֆուտբոլի աշխարհի առաջնություն 1958
• Ֆուտբոլի աշխարհի առաջնություն 1962
• Ֆուտբոլի Ամերիկայի գավաթ (1958) արծաթ

Որպես մարզիչ

Բրազիլիայի հավաքականում

• Ֆուտբոլի աշխարհի առաջնություն (1970 , 1994) ոսկի
• Ֆուտբոլի աշխարհի առաջնություն 1998, արծաթ
• Կոնֆեդերացիաների գավաթ (1997) ոսկի
• Ֆուտբոլի Ամերիկայի գավաթ 1997 ոսկի
• Ֆուտբոլի Ամերիկայի գավաթ 1995 արծաթ
• ԿՈՆԿԱԿԱՖ-ի ոսկե գավաթ (1996) արծաթ
• ԿՈՆԿԱԿԱՖ-ի ոսկե գավաթ (1998) բրոնզ

«Բոտաֆոգյի»

• Բրազիլիայի գավաթ (1968)
• Կարիոկայի Լիգա (1967, 1968)
• Գուանաբարայի գավաթ (1967, 1968)

Վիքիպահեստն ունի նյութեր, որոնք վերաբերում են «Մարիո Զագալլո» հոդվածին։

Ծանոթագրություններ

1. Transfermarkt.com(բազմ․) — 2000.
2. Բրոքհաուզի հանրագիտարան (գերմ.)
3. https://www.lance.com.br/futebol-nacional/anos-zagallo-passagem-futebol-unico-tetracampeao-mundial.html
4. Morre Zagallo, o único tetracampeão mundial de futebol
5. Zagallo, o único tetracampeão mundial de futebol, morre aos 92 anos — G1, 2023.
6. «Motty's World Cup greats: Mario Zagalo». Mail online. Associated Newspapers. 25 апреля 2006. Վերցված է 19 июня 2015-ին.
7. «FIFA Order of Merit holders» (PDF). Արխիվացված է օրիգինալից (PDF) 2015 թ․ սեպտեմբերի 5-ին. Վերցված է 2018 թ․ օգոստոսի 19-ին.
8. «Zagallo». Sambafoot. Վերցված է 19 июня 2015-ին.
9. Gwidon Naskrent, Roberto Di Maggio, José Luis Pierrend (17 сентября 2010). «World Cup Champions Squads 1930 – 2010». RSSSF. Վերցված է 19 июня 2015-ին.{{cite web}}: CS1 սպաս․ բազմաթիվ անուններ: authors list (link)
10. Roberto Mamrud (2012 թ․ փետրվարի 29). «Appearances for Brazil National Team». Brazil – Record International Players. RSSSF. Վերցված է 2012 թ․ սեպտեմբերի 1-ին.
11. «ЗАГАЛЛО Марио». persons-info.com (անգլերեն). Վերցված է 2018 թ․ օգոստոսի 19-ին.(չաշխատող հղում)
12. «Футбол. 31. Самый юный победитель» (ռուսերեն). 2014 թ․ մայիսի 12. Վերցված է 2018 թ․ օգոստոսի 19-ին.
13. Esposa de Zagallo morre no Rio // globoesporte.com