Մաունթ Լեմոն հետազոտություն

Մաունթ Լեմոն հետազոտություն (անգլ.՝ Mount Lemmon Survey, MLS), աստերոիդների և գիսաստղերի որոնման և հետազոտության ծրագիր, Կատալինա ծրագրի մաս^[1]։ Մաունթ Լեմոն հետազոտություն ծրագրում օգտագործվում է 1,52 մետրանոց ռեֆլեկտոր աստղադիտակ տեղադրված Ստյուարդի աստղադիտարանում, որը կազմում է Մաունթ Լեմոնի աստղադիտարանի մաս, այն տեղակայված է 2 791 մ բարձրության վրա Սանտա Կատալինա լեռնաշղթայում ԱՄՆ Արիզոնա նահանգի Թուսոն քաղաքի մոտ։

Մաունթ Լեմոն հետազոտություն
Տեսակ	աստղագիտական ​​աստղադիտարան
Երկիր	ԱՄՆ
Հապավում	MLS
Նպատակներ	Երկրին մոտ աստերոիդների որոնում և քարտեզագրում
Գլխադասային գրասենյակ	Մաունթ Լեմոն աստղադիտարան, Արիզոնա ԱՄՆ

Այս ծրագիրը այժմ հանդիսանում է տիեզերքի հետազոտություններով զբաղվող ամենաարդյունավետ ծրագրերից մեկը աշխարհում, հատկապես Երկրին մոտեցող աստերոիդների հայտնաբերումների առումով։ Մաունթ Լեմոն հետազոտությունը Փոքր մոլորակների կենտրոնի աստերոիդների հայտնաբերողների ցանկում գրավում է առաջատար տեղերից մեկը, ավելին քան 50 հազար համարակալված աստերոիդների հայտնաբերումով^[2][3]։

Հայտնաբերումներ

Ծրագրի շրջանակներում 2008 թվականի հոկտեմբերի 7-ին անսպասելիորեն վերահայտնաբերվեց 206P/Բեռնարդ - Բոատինի կորսված գիսաստղը^[4]։ Գիսաստղը 1892 թվականից ի վեր կատարել էր Արեգակի շուրջ 20 պտույտներ և անցել 0,3 - 0,4 ա. մ. հեռավորության վրա Յուպիտերից 1922, 1934 և 2005 թվականներին^[5][6]։ Այս գիսաստղը նաև առաջինն էր, որ հայտնաբերվել էր լուսանկարման միջոցով, հայտնաբերել էր ամերիկացի աստղագետ Էդվարդ Բեռնարդը 1892 թվականի հոկտեմբերի 13-ին^[4]։

2011 UN₆₃ աստերոիդը հայտնաբերվել է Մաունթ Լեմոն հետազոտության կողմից 2009 թվականի սեպտեմբերի 27-ին, այն հանդիսանում է Մարսի տրոյացի աստերոիդ^[7][8]։ Ծրագիր շրջանակներում նաև հայտնաբերվել է անսովոր Ատենի աստերոիդ 2012 FC₇₁ 2012 թվականի մարտի 31-ին^[9]։

Տես նաև

• Մաունթ Լեմոն
• Մաունթ Լեմոն աստղադիտարան
• Փոքր մոլորակների կենտրոն
• Մոլորակագիտական տվյալների համակարգ
• Spaceguard

Ծանոթագրություններ

1. «List Of Observatory Codes». Minor Planet Center. Վերցված է 2015 թ․ սեպտեմբերի 2-ին.
2. «Minor Planet Discoverers (by number)». Minor Planet Center. 2017 թ․ հունվարի 12. Վերցված է 2017 թ․ փետրվարի 2-ին.
3. «Catalina Sky Survey Facilities – The Mt. Lemmon Survey (MLS)». University of Arizona. Վերցված է 2015 թ․ սեպտեմբերի 2-ին.
4. 206P at Garry Kronk’s Cometography Արխիվացված 2010-09-25 Wayback Machine
5. IAUC 8995
6. The COCD Homepage
7. de la Fuente Marcos, Carlos; de la Fuente Marcos, Raúl (2013). «Three new stable L5 Mars Trojans». Monthly Notices of the Royal Astronomical Society: Letters. 432 (1): L31–L35. arXiv:1303.0124. Bibcode:2013MNRAS.432L..31D. doi:10.1093/mnrasl/slt028.
8. Christou, A. A. (2013). «Orbital clustering of Martian Trojans: An asteroid family in the inner solar system?». Icarus. 224 (1): 144–153. arXiv:1303.0420. Bibcode:2013Icar..224..144C. doi:10.1016/j.icarus.2013.02.013.
9. de la Fuente Marcos, Carlos; de la Fuente Marcos, Raúl. «A resonant family of dynamically cold small bodies in the near-Earth asteroid belt». Monthly Notices of the Royal Astronomical Society: Letters. arXiv:1305.2825. Bibcode:2013MNRAS.434L...1D. doi:10.1093/mnrasl/slt062.

}}

Արտաքին հղումներ

• NEODyS