Մահվան խաղ

«Մահվան խաղ» (կորեերեն՝ 이재, 곧 죽습니다; անգլ.՝ Yi-jae, You're Going to Die Soon), հարավկորեական հեռուստասերիալ (դորամա) Սո Ին Գուկի, Փաք Սո Դամի, Գո Յուն Ջոնի, Քիմ Ջի Հունի և Լի Դո Հյոնի մասնակցությամբ։ Նկարահանված է Լի Ուն Սիկի և Գուլչանի համանուն վեբտունի հիման վրա։ Հեռուստասերիալը սկսել է ցուցադրվել TVING հեռուստաալիքով, 2023 թվականի դեկտեմբերի 15-ից՝ ամեն ուրբաթ օր^[1][2]։ Որոշ շրջաններում հասանելի է Amazon Prime Video-ում հոսքային ցուցադրության համար^[3]։

Մահվան խաղ կորեերեն՝ 이재, 곧 죽습니다
Ժանր	Դրամա
Երկիր	Հարավային Կորեա
Լեզու	կորեերեն
Գլխավոր դերերում	Սո Ին Գուկ Փաք Սո Դամ Գո Յուն Ջոն Քիմ Ջի Հուն Լի Դո Հյոն
Սցենարիստ	Հա Բյոն Հուն
Եթերաշրջանների քանակ	1
Սերիաների քանակ	8
Էկրաններին է	դեկտեմբերի 15, 2023-ից
Հեռուստաալիք	TVING?
Ընկերություն	TVING
Դիստրիբյուտոր	TVING?
Կապակցված	Ի Ջե, շուտով դու կմահանաս
Պաշտոնական կայքէջ

Այս էջում կա կորեերեն տեքստ։ Առանց արևելաասիական լեզուների գրերի օժանդակ ծրագրի՝ դուք կարող եք կորեերեն պայմանանշանների փոխարեն տեսնել հարցականներ կամ այլ նշաններ։

Սյուժե

Ինքնասպանության անհաջող փորձից հետո Չհվե Իջեն (Սո Ին Գուկ) հայտնվում է դժողքում, որտեղ հանդիպում է մահվան հրեշտակին (Փաք Սո Դամ)։ Նա իմանում է, որ, որպես պատիժ, պետք է մահանա ևս 12 անգամ՝ տարբեր մարդկանց մարմիններում։ Եթե չի ցանկանում հայտնվել դժողքում, ապա պետք է փորձի ողջ մնալ^[4]։

Դերերում

Գլխավոր դերեր

• Սո Ին Գուկ — Չհվե Ի Ջե (կորեերեն՝ 최이재)^[5], ով կորցրել է իր ապրելու կամքը 7 տարի շարունակ աշխատանք փնտրելու անհաջող փորձերից հետո։
• Փաք Սո Դամ — Մահ (կորեերեն՝ 죽음)^[5], խորհրդային կերպար, ով դատապարտում է Ի Ջեին մահվան և վերամարմնավորման 12 փուլերի՝ նախքան դժողքում հայտնվելը։

Երկրորդական դերերում

Ի Ջեի վերամարմնավորումներ

• Լի Դո Հյոն — Չան Գոն Ու (կորեերեն՝ 장건우)^[6], 24 տարեկան մոդել և սրտակեր, որը գրավում է բոլորի ուշադրությունը, անկախ նրանից, թե որտեղ է։
• Չհվե Սի վոն — Փաք Չին Թե (կորեերեն՝ 박진태), 33 տարեկան, Taekang Group-ի իրավահաջորդը^[7]։
• Պան Սոն Հուն — Սոն Ջե Սոպ (կորեերեն՝ 송재섭), 38 տարեկան, էքստրեմալ սպորտաձևերով զբաղվող աթլետ^[8]։
• Ջան Սըն Ջո — Լի Ջու Հուն (կորեերեն՝ 이주훈), 35 տարեկան, գաղտնի կազմակերպության աշխատակից, որը լուծում է հաճախորդների ցանկացած խնդիր։
• Լի Ջե Ուկ — Չո Թե Սան (կորեերեն՝ 조태상), 21 տարեկան, MMA մենամարտերի մասնակից է, որը հրաժարվել է իր երազանքից ընտանեկան խնդիրների պատճառով, և հանգամանքների բերումով հայտնվել բանտում^[9]։
• Քիմ Ջե Ուկ — Չոն Գյու Չոլ (կորեերեն՝ 정규철), 34 տարեկան խորհրդավոր նկարիչ, որը ծնվել է սովորական ընտանիքում^[10]։
• Քիմ Կան Հուն — Կվոն Հյոկ Սու (կորեերեն՝ 권혁수), 17 տարեկան ավագ դպրոցի աշակերտ, որը դպրոցում ենթարկվում է բուլինգի^[11]։
• Օ Ջոն Սե — Ան Չի Հյոն (կորեերեն՝ 지형), 42 տարեկան դետեկտիվ, որը ցանկանում է դառնալ հիանալի ոստիկան՝ իր հոր պես^[12]։
• Քիմ Մի Կյոն — Ի Ջեի մայրը^[13]։

Այլ

• Գո Յուն Ջոն — Լի Ջի Սու(կորեերեն՝ 이지수), վիպասան, որը հարաբերությունների մեջ է եղել Ի Ջեի հետ դեռևս ուսանողական տարիներից^[14]։
• Քիմ Ջի Հուն — Փաք Թե Ու (կորեերեն՝ 박태우) Taekang Group-ի գլխավոր տնօրենը^[15]։
• Յու Ին Սու - Լի Ջին Սան (կորեերեն՝ 이진상), Հյոկ Սուի համադասարանցին, որը ենթարկում է նրան բուլինգի։
• Նամ Կյոն Ըպ - Փաք Ջին Սոպ, (կորեերեն՝ 박진섭), Թե Ուի և Ջին Թեի հայրը, ինչպես նաև Taekang Group-ի հիմնադիրը։

Էպիզոդներ

№ էպիզոդ	Անվանում	Պրեմիերայի ամսաթիվ
1	«Մահ» (կորեերեն՝ 죽음)	2023թ․ դեկտեմբերի 15
2	«Դժողքում հայտնվելու պատճառը» (կորեերեն՝ 지옥에 가는 이유)
3	«Մահը ոչինչ չի կարող վերցնել» (կորեերեն՝ 죽음은 아무것도 가져가지 못한다)
4	«Մահից վախենալու պատճառը» (կորեերեն՝ 죽음이 두려운 이유)
5	«Անհնար է ազատվել և պայքարել մահվան դեմ» (կորեերեն՝ 죽음의 틀을 깨고 죽음과 싸우는 건 불가능하다)	2024թ․ հունվարի 5
6	«Հիշողություն» (կորեերեն՝ 기억)
7	«Հնարավորություն» (կորեերեն՝ 기억)
8	«Մի փնտրեք մահին։ Այն կգա և կգտնի ձեզ» (կորեերեն՝ 죽음을 찾지 말라. 죽음이 당신을 찾을 것이다)

Աղբյուրներ

• HanCinema կայքում հեռուստասերիալի պաշտոնական էջը

Արտաքին հղումներ

• Պաշտոնական կայք (ko)
• Death's Game Amazon Prime Video-ում
• «Մահվան խաղ»(անգլ.) ֆիլմը Internet Movie Database կայքում
• Death's Game at Naver Webtoon (ko)
• Death's Game at Naver Webtoon