Հենրիետա Սուքիասյան
From Wikipedia, the free encyclopedia
From Wikipedia, the free encyclopedia
Հենրիետա Վահրամի Սուքիասյան (հուլիսի 20, 1943թ.), հայ լեզվագետ, հնդեվրոպաբան, բանասիրական գիտությունների թեկնածու, դոցենտ, ԵՊԲՀ հայոց լեզվի և բժշկական տերմինաբանության ամբիոնի վարիչ, Հյուսիսային համալսարանի պատվավոր պրոֆեսոր[1], ԵՊԲՀ-ում հրատարակվող բժշկագիտական գրականության, «Բժշկություն, գիտություն և կրթություն» գիտատեղեկատվական հանդեսի լեզվաբան խմբագիր, բժշկագիտական լեզվի և տերմինների կանոնարկման ծրագրի ղեկավար[2][3]։
Հենրիետա Սուքիասյան | |
---|---|
Ծնվել է | հուլիսի 20, 1943 (81 տարեկան) |
Ծննդավայր | Գյումրի |
Ազգություն | հայ |
Կրթություն | Երևան Խ. Աբովյանի անվան պետական մանկավարժական ինստիտուտ |
Աշխատավայր | Երևանի պետական բժշկական համալսարան |
Զբաղեցրած պաշտոններ | ամբիոնի վարիչ, դոցենտ |
2008թ.-ից առ այսօր ԵՊԲՀ բժշկագիտական գրականության լեզվաբան-խմբագիրն է[4]
1995թ.-ից՝ հայոց լեզվի և բժշկական տերմինաբանության ամբիոնի վարիչն է, միաժամանակ՝ համալսարանում հրատարակվող բժշկագիտական գրականության, «Բժշկություն, գիտություն և կրթություն» գիտատեղեկատվական հանդեսի լեզվաբան խմբագիրն ու բժշկագիտական լեզվի և տերմինների կանոնարկման ծրագրի ղեկավարը
1989թ. Մ. Հերացու անվան պետական բժշկական համալսարանի հայոց լեզվի ամբիոնի ավան դասախոս, ապա՝ դոցենտ
1989-1995թթ., 2014թ. առ այսօր ՀՀ ԳԱԱ Հր. Աճառյանի անվան լեզվի ինստիտուտում համատեղությամբ ավագ գիտաշխատող
1971-1989թթ. ՀՀ ԳԱԱ Հր. Աճառյանի անվան լեզվի ինստիտուտում ավագ գիտաշխատող
1965-1967թթ. Մասիսի միջնակարգ դպրոցում հայոց լեզվի և գրականության ուսուցչուհի[3]
1991թ.-ին մասնակցել է «Լեզվի մասին» ՀՀ օրենքի նախագծի մշակման աշխատանքներին
Շուրջ 20 տարի եղել է Հանրային հեռուստատեսությամբ հեռարձակվող «Մեր լեզուն մեր խոսքը» հաղորդաշարի հեղինակ և վարող
2001թ.-ից ղեկավարում է ԵԲՊՀ-ում գործող «Վերնատուն» գիտամշակութային կենտրոնը
ԵՊԲՀ ուսումնամեթոդական կենտրոնական խորհրդի անդամ և հումանիտար առարկաների ուսումնամեթոդական խորհրդի նախագահն է[1][2]։
Գիտական հետաքրքրությունների շրջանակը հնդեվրոպաբանություն, հայ լեզվաբանության պատմություն, բժշկագիտական լեզվի և տերմինների կանոնարկում։
1984թ.-ին պաշտպանել է «Աճականը հայերենում» թեմայով թեկնածուական թեզ՝ ստանալով բանասիրական գիտությունների թեկնածուի գիտական աստիճան[5]։
1990թ.-ին ԵՊԲՀ գիտական խորհրդի որոշմամբ ՀՀ բարձրագույն որակավորման հանձնաժողովի կողմից շնորհվել է դոցենտի կոչում՝ լեզվաբանություն մասնագիտությամբ։
2019թ-ից Հյուսիսային համալսարանի պատվավոր պրոֆեսոր է։
Զեկույցներով հանդես է եկել Հր. Աճառյանի անվան լեզվի ինստիտուտի կողմից կազմակերպված լեզվաբանների միջազգային գիտաժողովներում։
Մենագրությունների, բժշկագիտական ուսումնական ձեռնարկների և շուրջ 100 գիտական հոդվածների հեղինակ է, որոնք լույս են տեսել ՀՀ-ում և արտերկրում[1]։
Խմբագրել է 500-ից ավելի ուսումնամեթոդական ձեռնարկներ և դասագրքեր, 300-ից ավելի գիտական հոդվածներ[3][4]։
2000թ.-ին պարգևատրվել է ԵՊԲՀ հիմնադրման 70-ամյակի կապակցությամբ համալսարանի «Ոսկե մեդալով»,
2005թ.-ին՝ Ստեփանակերտում հայ գրերի գյուտի 1600-ամյակին նվիրված միջազգային գիտաժողովին զեկուցումով հանդես գալու համար համալսարանի ղեկավարության կողմից ստացել է շնորհակալագիր և դրամական պարգև,
2010թ.-ին՝ ԵՊԲՀ հիմնադրման 90-ամյակի կապակցությամբ «Ոսկե կրծքանշանով»
2014թ.-ին՝ ԵՊԲՀ «Բարձրագույն բժշկական կրթության ներկան և ապագան» խորագրով 20-րդ ուսումնամեթոդական գիտաժողովին ակտիվ մասնակցելու և բանավոր զեկուցումով հանդես գալու համար շնորհվել է «Հավաստագիր»
ՀՀ Սփյուռքի նախարարության կողմից Օշականում մայրենի լեզվին նվիրված միջոցառումներին ակտիվ մասնակցելու համար ստացել է շնորհակալագիր
2015թ.դասախոսների վերապատրաստմանը մասնակցելու համար ՀՀ կրթության և գիտության նախարարության կողմից ստացել է վկայական - 0303-15[2]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.