Հարավային Խորասան

Հարավային Խորասան օսթան (պարս.՝ استان خراسان جنوبی, Օսթան-է Խորասան-է Ջոնուբի) օսթան (նահանգ) Իրանի արևելքում, Իրանի 31 օսթաններից մեկը։ Հարավ-արևելքից սահմանակից է Սիստան և Բելուջիստան, հարավ-արևմուտքից` Քերման և Յազդ, արևմուտքից` Սպահան, հյուսիս-արևմուտքից` Սեմնան, հյուսիսից` Ռազավի Խորասան օսթաններին, արևելքից` Աֆղանստանին։ Օսթանի տարածքը կազմում է 151 193 կմ², բնակչությունը վերջին մարդահամարի տվյալներով` ▲768 898 մարդ (2016)^[1]։ Վարչական կենտրոնը Բիրջանդ քաղաքն է։

Հարավային Խորասան պարս.՝ استان خراسان جنوبی
Երկիր	Իրան
Կարգավիճակ	օսթան (նահանգ)
Մտնում է	Իրան
Վարչկենտրոն	Բիրջանդ
Բնակչություն	▲768 898 մարդ (2016)[1]
Տարածք	151 193 կմ²
Հիմնադրված է	2004 թ.
Սահմանակցում է	Ռազավի Խորասան, Սեմնան, Սպահանի նահանգ, Յազդի նահանգ, Քերմանի նահանգ, Սիստան և Բելուջիստան և Farah?
Ժամային գոտի	UTC+3:30
Փոխարինեց	Խորասան
ISO 3166-2 կոդ	IR-29
Հարավային Խորասան Վիքիպահեստում

Օսթանը ձևավորվել է 2004 թվականին, երբ Իրանի խոշորագույն Խորասան օսթանը բաժանվել է երեք օսթանների` Հյուսիսային Խորասան, Ռազավի Խորասան և Հարավային Խորասան։ Համապատասխանում է պատմական Քուհիսթան երկրամասին։ 2014 թվականից օսթանը մասն է կազմում Իրանի 5-րդ տարածաշրջանի^[2]։

Բնակչություն

2006 թվականի մարդահամարի տվյալներով օսթանի բնակչությունը կազմում էր 600 568 մարդ` 159 255 տնային տնտեսություններում<sup>[3]</sup>։ 2011 թվականի մարդահամարը հաշվառել էր 662 534 մարդ, որոնք ապրում էին 183 114 տնտեսություններում<sup>[4]</sup>։ Ըստ վերջին` 2016 թվականի մարդահամարի տվյալների` բնակչությունը կազմում էր արդեն 768 898 մարդ 223 984 տնտեսություններում^[5]։

Տասը հազարից ավել բնակչությամբ քաղաքներն են Բիրջանդը (բնակչությունը 2016 թվականի դրությամբ` 203 636 մարդ), Քաենը (42 323 մարդ), Թաբասը (39 676 մարդ), Ֆերդուսը (28 695 մարդ), Նեհբանդանը (18 304 մարդ), Բոշրուեն (16 426 մարդ), Սարայանը (13 795 մարդ)^[6]։ Ընդհանուր առմամբ քաղաքներում է ապրում 453 827 մարդ կամ օսթանի բնակչության 59%-ը^[5]։

Վարչական բաժանում

Օսթանը բաժանված է 11 շահրեստանների (գավառների).

Հարավային Խորասան օսթանի շահրեստանները

Շահրեստան	Բնակ. 2006[3]	Բնակ. 2011[4]	Բնակ. 2016[5]	Վարչ. կենտրոն
Բիրջանդ շահրեստան	221 756	259 506	261 324	Բիրջանդ
Բոշրուե շահրեստան1	—	24 683	26 064	Բոշրուե
Դարմիան շահրեստան	51 793	55 080	53 714	Ասադիե
Զիրքու շահրեստան2	—	—	40 155	Հաջիաբադ
Թաբաս շահրեստան3	—	—	72 617	Թաբաս
Խուսֆ շահրեստան4	—	—	27 600	Խուսֆ
Նեհբանդան շահրեստան	56 089	57 258	51 449	Նեհբանդան
Սարայան շահրեստան	34 636	32 493	33 312	Սարայան
Սարբիշե շահրեստան	37 591	39 487	40 959	Սարբիշե
Քաեն շահրեստան	137 357	152 401	116 181	Քաեն
Ֆերդուս շահրեստան	61 346	41 626	45 523	Ֆերդուս
Ընդհանուր	600 568	662 534	768 898
1Առանձնացվել է Ֆերդուս շահրեստանից 2Առանձնացվել է Քաեն շահրեստանից 3Առանձնացվել է Յազդ օսթանից 4Առանձնացվել է Բիրջանդ շահրեստանից

Ծանոթագրություններ

1. جمعیت به تفکیک تقسیمات کشوری (перс.) — 1965.
2. «استان‌های کشور به ۵ منطقه تقسیم شدند». همشهری آنلاین (պարսկերեն). 2014 թ․ հունիսի 22. Վերցված է 2022 թ․ հունիսի 27-ին.
3. «Իրանի Իսլամական Հանրապետության մարդահամար, 1385 (2006)» (պարսկերեն). Արխիվացված է օրիգինալից (Excel) 2011 թ. սեպտեմբերի 20-ին. Վերցված է 2022 թ. սեպտեմբերի 25-ին.
4. «Իրանի Իսլամական Հանրապետության մարդահամար, 1390 (2011)» (Excel) (պարսկերեն). Վերցված է 19 December 2022 թ. դեկտեմբերի 19-ին.
5. «Իրանի Իսլամական Հանրապետության մարդահամար, 1395 (2016)» (պարսկերեն). Արխիվացված է օրիգինալից (Excel) 2020 թ. հոկտեմբերի 17-ին. Վերցված է 2022 թ. դեկտեմբերի 19-ին.
6. IRAN: South Khorasan (անգլ.)

Վիքիպահեստն ունի նյութեր, որոնք վերաբերում են «Հարավային Խորասան» հոդվածին։