Հավասարները (ֆիլմ)
From Wikipedia, the free encyclopedia
From Wikipedia, the free encyclopedia
«Հավասարները» (անգլ.՝ Equals), 2015 թվականի ամերիկյան գիտաֆանտաստիկ հակաուտոպիական ֆիլմ։
Հավասարները անգլ.՝ Equals | |
---|---|
Երկիր | ԱՄՆ |
Ժանր | դրամա[1], ֆանտաստիկ ֆիլմ, ռոմանտիկ ֆիլմ և հակաուտոպիական ֆիլմ |
Թվական | 2015 |
Լեզու | անգլերեն |
Ռեժիսոր | Դրեյկ Դորեմուս[1][2][3] |
Սցենարի հեղինակ | Նաթան Փարքեր |
Դերակատարներ | Նիկոլաս Հոլթ[2][4][3], Քրիստեն Ստյուարտ, Գայ Փիրս, Ջեքի Ուիվեր, Թոբի Հասս, Դևիդ Սելբի, Քեյթ Լին Շեյլ, Ռեբեկա Հազլվուդ, Ավրորա Պերինո, Սքոթ Լոուրենս և Բել Փաուլի |
Օպերատոր | Ջոն Գուլեսերիան |
Երաժշտություն | Դասթին Օ'Հելորան |
Տևողություն | 101 րոպե |
Պաշտոնական կայքէջ |
Մեծ պատերազմից հետո, որն ավերում է երկրի մակերևույթի 99%-ը, փրկվածները կառուցում են նոր «իդեալական» հասարակություն, որտեղ չկան պատերազմներ, բախումներ, հիվանդություններ և հույզեր։ Նրանք իրենց հասարակությունն անվանում են Կոլեկտիվ, իսկ իրենց` «հավասարներ»։ Միայն մեկ հիվանդություն դեռևս ազդում է մարդկանց վրա, այսպես կոչված՝ «ՍՕՍ» («SOS», անգլ.՝ Switched On Syndrome՝ սրված գիտակցության համախտանիշ)։ Համախտանիշի կրողներն սկսում են անընդհատ հույզեր զգալ, ինչը հաճախ հանգեցնում է ինքնասպանության։ Հասարակության մեջ նրանց վերաբերվում են հիվանդների պես և նույնիսկ վախենում են վարակվելուց։ «Լուրջ հիվանդներին» դնում էին մեկուսիչների («Անցք») մեջ, որտեղից ոչ ոք չէր վերադառնում։
Գլխավոր հերոսը՝ Սայլասը, որն իր մոտ հայտնաբերում է «SOS», ռոմանտիկ կապի մեջ էր իր գործընկերոջ՝ Նիա անունով մի աղջկա հետ, որը երկար ժամանակ բոլորից թաքցնում է իր հիվանդությունը։ Հասարակության միջից «SOS»-ով հիվանդները Սայլասին ծանոթացնում են այն մադկանց հետ, որոնք «SOS»-ը չեն համարում հիվանդություն։ Փորձելով հաղթահարել` Սայլասը թողնում է իր հեղինակավոր աշխատանքը և դառնում այգեպան, բայց Նիան գտնում է նրան, և նրանց հարաբերությունները շատ հեռու են գնում։ Մինչդեռ իշխանությունները «SOS»-ի դեմ պայքարի նոր արմատական միջոց են հորինում. «Էշբի ENI» պատվաստման ներդիրը մարդուն լիովին զրկում էր զգալու ունակությունից։ Տեղեկանալով այս մասին՝ սիրահարները որոշում են փախչել Թերակղզի՝ փրկվածների մեկ այլ անկլավ, որի մասին շատ քիչ բան էր հայտնի, այնտեղ քաղաքակրթության նշաններ չկային, այնտեղի բնակիչները ապրում էին բնության գրկում։
Նախատեսված փախուստի օրվանից երկու օր առաջ Նիային կանչում են պատվաստման բաժին, որտեղ պարզվում է, որ նա հղի է և անմիջապես մեկուսացվում է։ Ընկերներին հաջողվում է ազատել նրան Անցքից՝ մի այլ աղջկա փոխարեն, որը այդ ընթացքում էր ինքնասպան եղել։ Հուսահատ Սայլասը, ստանալով Նիայի մահվան մասին լուրը, դիմում է ENI-ին։ Գաղտնի միության անդամներից մեկը, անցնելով ENI բուժումը, մատնում է իր ընկերներին։ Պահապանները ձերբակալում են եռյակին և տանում ENI։ Սայլասը գնում է տուն, որտեղ նրան սպասում էր Նիան։ Հերոսները նստում են գնացք, որը գնում է Անկլավի սահմանը։ Սայլասը փորձում է հաղթահարել դեղամիջոցի ազդեցությունը և վերակենդանացնել իր զգացմունքները Նիայի նկատմամբ։
Դերակատար | Դեր |
---|---|
Նիկոլաս Հոլտ | Սայլաս |
Քրիստեն Ստյուարտ | Նիա |
Գայ Փիրս | Ջոնաս |
Ջեկի Ուիվեր | Բես |
Թոբի Հաս | Ջորջ |
Դևիդ Սելբ | Լեոնարդ |
Քեյթ Լին Շեիլ | Քեյթ |
Ռեբեկա Հեզվուդ | Զոի |
Թեո Յու | Պիտեր |
Ավրորա Պերին | Իրիս |
Սկոտ Լոուրենս | Մարկ |
Բել Պաուլի | Ռեյչել |
Թոմ Ստոուսկ | Դոմինիկ |
Կայ Լենոսկ | Մաքս |
Կլաուդիա Կիմ | «Կոլեկտիվ» (ձայն) |
Համաշխարհային պրեմիերան տեղի է ունեցել Վենետիկի 72-րդ կինոփառատոնի ժամանակ՝ 2015 թվականի սեպտեմբերին[5][6]։ Ֆիլմի պրեմիերան Հյուսիսային Ամերիկայում կայացել է նույն թվականին Տորոնտոյի միջազգային կինոփառատոնում[7][8]։
Ֆիլմն արժանացել է կինոքննադատների մեծ մասի բացասական արձագանքին։ Rotten Tomatoes կայքում ֆիլմն ունի 32 % ցուցանիշ՝ 66 կարծիքների հիման վրա, միջինը՝ 10-ից 5 բալով[9]։ Metacritic կաքում ֆիլմն ունի 100-ից 43 գնահատական՝ քննադատների 27 կարծիքների հիման վրա, ինչը համապատասխանում է «խառը կամ միջին կարծիք» կարգավիճակին[10]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.