Հասարակածային կլիմա

Հասարակածային կլիմա, հասարակածային գոտու օդային զանգվածների և ցածր ճնշման ազդեցության տակ (5—10° հյուսիսային և հարավային լայնություններում) ձևավորվող կլիմա։ Բնորոշ են տարեկան բարձր ջերմաստիճանը (24—28 °C), ջերմաստիճանի փոքր տատանումները (1—5 °C) և առատ տեղումները (տարեկան՝ 1000—3000 մմ է, առանձին վայրերում՝ 6000—10000 մմ)։ Հասարակածային կլիմայի պայմաններում աճում են խոնավ հասարակածային անտառներ։ Հասարակածային կլիմա ունեն Հասարակածային Աֆրիկան, Ամազոնի ավազանը, Կենտրոնական Ամերիկայի և Ինդոնեզիայի որոշ շրջաններ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 247)։

Վիքիպահեստն ունի նյութեր, որոնք վերաբերում են «Հասարակածային կլիմա» հոդվածին։