Հայաստանի Հանրապետության Ազգային ժողովի շենք

Հայաստանի կոմունիստական կուսակցության կենտրոնական կոմիտեի շենք, Բաղրամյան պողոտա, 19 հասցեում գտնվող շենք Երևանում։ Այժմ շենքում է տեղակայված Հայաստանի Հանրապետության Ազգային Ժողովը^[1]։ Ազգային ժողովի այգին 2018 թվականի հոկտեմբերի 3֊ից Նիկոլ Փաշինյանի որոշմամբ բաց է այցելուների համար^[2]։

Հայաստանի կոմունիստական կուսակցության կենտրոնական կոմիտեի շենք
Տեսակ	շենք
Երկիր	Հայաստան
Տեղագրություն	Երևան
Հասցե	Հայաստան, ք. Երևան, 0095, Մարշալ Բաղրամյան 190095
Սեփականատեր	Հայաստանի Հանրապետության Ազգային ժողով
Կառուցման սկիզբ	1948
Հիմնադրված է	1950
Ճարտարապետ	Մարկ Գրիգորյան
Կառուցման ավարտ	1950
Ժառանգության կարգավիճակ	մշակութային հուշարձան Հայաստանում
Պաշտոնական կայք

Ըստ բրիտանական «The Independent» պարբերականի 2019 թվականի հրապարակման՝ ՀՀ ԱԺ շենքը մտնում է աշխարհի երկրների օրենսդիր մարմինների ամենագեղեցիկ շենքերի թոփ 10-յակում^[3]։

Պատմություն

Շենքի նախագծումը կատարվել է 1947 թվականին, իսկ կառուցման աշխատանքները մեկնարկել են 1948 թվականին և ավարտվել են 1950 թվականին։ Կառուցումից ի վեր և մինչև Հայաստանի անկախացումը շենքը եղել է Հայաստանի կոմունիստական կուսակցության Կենտրոնական կոմիտեի նստավայրը։ 1991 թվականի մայիսի 1-ին Հայաստանի Հանրապետության Նախարարների խորհուրդը ընդունել է «ՀԿԿ Կենտկոմի նախկինում զբաղեցրած շենքը Հայաստանի Հանրապետության Գերագույն խորհրդին հատկացնելու մասին» հ. 314 որոշումը, համաձայն որի ՀՀ Գերագույն խորհրդին է հանձնվել ՀԿԿ Կենտկոմի զբաղեցրած շենքը։ 1991 թվականի մայիսին ՀՀ Գերագույն խորհուրդը տեղափոխվել է այս շենք^[1]։

Պատկերասրահ

• 
  Ազգային ժողովի շենքը՝ թռչնի բարձրությունից
• 
  Ազգային ժողվի շենքի ֆասադը