Կարմրաշենի սարավանդ
From Wikipedia, the free encyclopedia
Կարմրաշենի սարավանդ, Կարմրաշենի սարահարթ[1], Հայաստանի Արագածոտնի մարզի հարավ-արևմտյան և Արմավիրի մարզի արևմտյան մասերում, Արագած լեռնազանգվածի հարավարևմտյան ստորոտին՝ Թալինի սարավանդի և Ախուրյան ու Արաքս գետերի միջև։ Աստիճանաբար ցածրանալով հարավարևելյան ուղղությամբ՝ ձուլվում է Արարատյան դաշտին։ Կազմված է նեոգենի և պլեյստոցենի հրաբխային ապարներից։ Ունի բլրա-ալիքավոր, թույլ մասնատված մակերևույթ։ Կան լավային հոսքեր, մինչև 100 մետր հարաբերական բարձրությամբ խարամային կոներ։ Մակերևույթի կարևոր ձևաբանական տարրերը Մաստարայի սելավաբեր համակարգի հեղեղատներն են։ Կլիման չոր ցամաքային է՝ չափավոր ցուրտ ձմեռներով և տաք ամառներով, տարեկան տեղումները 300—350 մմ են։ Հողերը կարբոնատային են, ցածրադիր վայրերում՝ լեռնային գորշ, բարձրադիր մասերում՝ լեռնա-շագանակագույն։ Տիրապետում են տափաստանը և օշինդրային կիսաանապատը։ Արհեստական ոռոգման պայմաններում զբաղվում են այգեգործությամբ ու պտղաբուծությամբ։
Անվան այլ կիրառումների համար տե՛ս՝ Կարմրաշեն (այլ կիրառումներ)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
