Կավիճ
From Wikipedia, the free encyclopedia
From Wikipedia, the free encyclopedia
Կավիճ, թույլ կապակցված, սպիտակ, մանրահատիկ ապար։ Կազմված է, գլխավորապես, կոկոլիտոֆորիդների (պլանկտոն ջրիմուռներ) և ֆորամինիֆերների (արմատոտանիներ) կալցիտային մնացորդներից։ Հիմնական բաղադրամասը կալցիտն է (90-99 %)։ Առկա են նաև այլ միներալներ՝ մոնտմորիլոնիտ, հիդրոփայլարներ, պիրիտ, օպալ և այլն։ Բնորոշ է վերին կավճի համար։ Մեծ հզորության նստվածքները տարածված են էմբա գետից (Ղազախստան) մինչև Մեծ Բրիտանիա։ Հանքավայրեր կան Ռուսաստանում, Ֆրանսիայում, Մեծ Բրիտանիայում, Դանիայում։ Օգտագործվում է կրի, պորտլանդցեմենտի, դպրոցական կավճի պատրաստման համար, որպես կաուչուկի լցանյութ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 281)։ ![]() |
![]() | Վիքիպահեստն ունի նյութեր, որոնք վերաբերում են «Կավիճ» հոդվածին։ |